عىلىم جالپىلاستىرۋ: دۇنيە جۇزىلىك دەنساۋلىق ساقتاۋ ۇيىمىنىڭ جاڭا تيپتەگى ءتاج ءتارىزدى ۆيروس جونىندەگى ءتورت سۇراۋعا بەرگەن جاۋابى
2020.02.03 15:24 كەلۋ قاينارى : حالىق تورابى
شينحۋا اگەنتتىگى، 2 – ايدىڭ 2 – كۇنى، بەيجيڭ. جاڭا تيپتەگى ءتاج ءتارىزدى ۆيروسپەن جۇعىمدالۋدان تۋىنداعان وكپە قابىنۋى اۋرۋىنا ءدوپ كەلىپ وتىرعان جاعدايدا، دۇنيە جۇزىلىك دەنساۋلىق ساقتاۋ ۇيىمى جۋىردا رەسمي تورابىندا الەۋمەت جاپپاي نازار اۋدارىپ وتىرعان «انتيوبيوتيكتەر جاڭا تيپتەگى ءتاج ءتارىزدى ۆيروسپەن جۇعىمدالۋدان ساقتانۋ جانە ونى ەمدەۋ جاعىندا شيپالى رول اتقارا ما؟» قاتارلى ءتورت سۇراۋعا جاۋاپ بەردى. ءتىلشى مۇنى بىلاي جيناقتادى:
سۇراۋ: انتيوبيوتيكتەر جاڭا تيپتەگى ءتاج ءتارىزدى ۆيروسپەن جۇعىمدالۋدىڭ الدىن الۋ جانە ونى ەمدەۋ جاعىندا شيپالى رول اتقارا ما؟
جاۋاپ: انتيوبيوتيكتەر تەك باكتەريالاردى ەمدەۋدە عانا شيپالى، رول اتقارادى، ۆيروسقا ءونىمى بولمايدى. جاڭا تيپتەگى ءتاج ءتارىزدى ۆيروس ءبىر ءتۇرلى ۆيروس بولعاندىقتان، وعان انتيوبيوتيكتەردى قولدانۋ ارقىلى الدىن الۋعا نەمەسە ەمدەۋگە بولمايدى. الايدا، ەگەر جاڭا تيپتەگى ءتاج ءتارىزدى ۆيروسپەن جۇعىمدالىپ، ەمحاناعا جاتقان بولسا، وندا ناۋقاستى انتيوبيوتيكتەرمەن ەمدەۋ قاجەت بولادى، ۇيتكەنى، ول وسى مەزگىلدە باكتەريامەن دە جۇعىمدالۋى مۇمكىن.
سۇراۋ: جاڭا تيپتەگى ءتاج ءتارىزدى ۆيروسپەن جۇعىمدالعانۋدان ارناۋلى ساقتاناتىن نەمەسە ونى ەمدەيتىن ءدارى – دارمەك بار ما؟
جاۋاپ: قازىرگە دەيىن، جاڭا تيپتەگى ءتاج ءتارىزدى ۆيروسپەن جۇعىمدالۋدىڭ الدىن الاتىن نەمەسە ونى ەمدەيتىن ءدارى – دارمەك جوق. كەيبىر ارناۋلى ەمدەۋ تاسىلدەرى ءالى زەرتتەلۋدە ءارى كلينيكالىق تاجىريبەلەر ارقىلى سىناق ەتىلۋدە. دۇنيە جۇزىلىك دەنساۋلىق ساقتاۋ ۇيىمى سەلبەستىك سەرىكتەرىمەن بىرگە زەرتتەۋ قىزمەتىن جەدەل جۇرگىزۋدە.
سۇراۋ: جاڭا تيپتەگى ءتاج ءتارىزدى ۆيروسى تەك جاسى ۇلعايعاندارعا عانا جۇعاما؟ الدە، جاستارعا دا وڭاي جۇعاما؟
جاۋاپ: جاڭا تيپتەگى ءتاج ءتارىزدى ۆيروس بارلىق جاس شاماسىنداعىلارعا جۇعۋى مۇمكىن. جاسى ۇلعايعاندار مەن دەمىكپە، قانتتى نەسەپ اۋرۋى، جۇرەك اۋرۋى قاتارلى اۋرۋى بار ادامداردىڭ بۇل اۋرۋعا شالدىعۋ ىقتيمالدىعى اناعۇرلىم جوعارى.
دۇنيە جۇزىلىك دەنساۋلىق ساقتاۋ ۇيىمى بارلىق جاس شاماسىنداعى ادامدارعا شارا قولدانىپ، ۆيروسپەن جۇعىمدالۋدان ساقتانۋعا كەڭەس بەرەدى، مىسالى: قول مەن تىنىس جولىنىڭ تازالىعىن ساقتاۋدى ادەتكە اينالدىرۋ كەرەك.
سۇراۋ: ەرمەك حايۋان ءتاج ءتارىزدى ۆيروستى تاراتا ما؟
جاۋاپ: ءيت، مىسىق قاتارلى ەرمەك حايۋانداردىڭ ءتاج ءتارىزدى ۆيروستى تاراتاتىنىنا قازىرشە دالەل جوق. الايدا، ەرمەك حايۋاندارمەن جۋىسقان سوڭ، قولدى سابىنداپ جۋۋدىڭ پايداسى بار، بۇل وزگە دە باكتەريالاردىڭ ەرمەك حايۋاننان ادامعا تارالۋىنىڭ الدىن الادى، مىسالى: جۋان ىشەك تاياقشاسى، سالمون باكتەرياسى قاتارلىلار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
