- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ايماقتىق ءتارتىپ تەكسەرۋ كوميتەتى ستيل قۇرىلىسى بەلگىلەمەسى رۋحىنا قايشى 5 تيپتىك دەلونى حابارلاندىردى
2014.10.13 17:45
جىل باسىنان بەرى، ايماقتىق پارتكومنىڭ وسكەلەڭ ءمان بەرۋى مەن پارمەندى باسشىلىعىندا، ءار دارەجەلى تاراۋلار پارتيانىڭ بۇقارالىق لۋشيان تاربيەسى امالياتتىق قيمىلىن مۇقيات ورىستەتىپ، «4 ءتۇرلى بۇرىس ستيل» ماسەلەسىن ىشكەرىلەي تەكسەرىپ جايىپ سالىپ، تۇزەتىپ، ارناۋلى وڭاۋ، اشىق تەكسەرىپ، جاسىرىن باقىلاۋ، ونىمدىلىگىن، جاۋاپكەرلىگىن قۋزاستىرۋ قاتارلى امالدار ارقىلى بۇقارانىڭ اڭىسى كۇشتى بولعان ءبىر سىپىرا كورنەكتى ماسەلەنى دەركەزىندە حابارلاندىرىپ، رەتكە سالىپ تۇزەتتى. ءار دارەجەلى ءتارتىپ تەكسەرۋ، رەۆيزيا ورگاندارى ءتارتىپتى وڭاۋ ،جاۋاپكەرلىكتى قۋزاستىرۋعا باقىلاۋ جۇرگىزۋدىڭ فۋنكتسيالىق رولىن مۇقيات ادا ەتىپ، ستيل قۇرىلىسى جانە پاك بولىپ، ءوزىن-ءوزى تارتىپپەن تەجەۋ جاعىندا بەلگىلەمەگە قايشىلىق جاساعان تيپتىك دەلولاردان 5 توپ 10 دەلونى ىلگەرىندى ـ كەيىندى حابارلاندىرىپ، پارتيا ستيلى، ۇكىمەت ستيلىن پارمەندى جاقسارتتى. ايتسەدە، وسىمەن قاتار، كەي پارتيالى كادرلار اۋەلگىسىندەي سالىمىن سىناۋ يدەياسىندا بولىپ، قايتا ـ قايتا دارىپتەلگەن تۇزىمدىك بەلگىلەمە جانە ٴتارتىپ شەكتەمەلەردى ەلەڭعۇرلى كورمەي، ءتىپتى، تارتىپكە بارىنشا قايشىلىق جاساپ، بۇقارانىڭ اڭىسى كۇشتى بولىپ، قوعامدا ناشار ىقپال تۋدىرۋدا. قازىر ايماقتاعى ءار دارجەلى ءتارتىپ تەكسەرۋ رەۆيزيا ورگاندارى تەكسەرىپ ءبىر جاقتىلى ەتكەن 5 تيپتىك دەلونى تاعى ءبىر رەت حابارلاندىردى.
1. التاي قالالىق پارتكوم بىرلىكساپ ءبولىمنىڭ ورىنباسار باستىعى، قالالىق ونەركاسىپشىلەر مەن ساۋداگەرلەر بىرلەستىگى پارتگرۋپپاسىنىڭ شۋجيى، ورىنباسار ءتوراعاسى ۋاڭ چۋانجيەنىڭ ۇكىمەت اۆتوكولىگىن جەكە ىسىنە پايدالانۋ ماسەلەسى. 2012 ـ جىلدان بەرى ۋاڭ چۋانجيە قىزمەت ۋاقىتىندا ۇنەمى مەكەمەسىنىڭ ۇكىمەت اۆتوكولىگىن ايداپ قالا رايونىنداعى قارتا ـ شاحىمات وينايتىن ورىنعا بارىپ ماجياڭ ويناعان. التاي قالالىق ءتارتىپ تەكسەرۋ كوميتەتى ۋاڭ چۋانجيەگە پارتيا ىشىندەگى بارلىق مىندەتىنەن الىپ تاستاۋ جازاسىن بەردى.
2. بۋىرشىن اۋداندىق پارتكوم بىرلىكساپ ءبولىمنىڭ ورىنباسار باستىعى، اۋداندىق ونەركاسىپشىلەر مەن ساۋداگەرلەر بىرلەستىگى پارتگرۋپپاسىنىڭ شۋجيى، ورىنباسار باستىعى چىن دۇڭنىڭ ۇكىمەت اۆتوكولىگىن جەكە ىسىنە پايدالانۋ ماسەلەسى. چىن دۇڭ 2012 ـ جىلى شىلدەدەن 2014 ـ جىلى ماۋسىمعا دەيىن مەرەكە، دەمالىس كۇندەرى وقۋداعى قىزىن كورۋ ءۇشىن ۇكىمەت اۆتوكولىگىمەن تالاي رەت بۋىرشىن اۋدانىنان بەيتۇن قالاسىنا بارعان. چىن دۇڭعا پارتيا ىشىندە ەسكەرتۋ جازاسى بەرىلىپ، 13 رەتكى ۇكىمەت اۆتوكولىگىن جەكە ىسىنە پايدالانۋدا جۇمسالعان 1437.1 يۋان قاراجاتتى قايتارتتى.
3. شىڭگىل اۋدانىنداعى 3 كادردىڭ بەلگىلەمەگە قايشى سۇندەت توي جاساۋ ماسەلەسى. شىڭگىل اۋداندىق مادەنيەت ـ دەنەتاربيە، راديو ـ تەلەۆيزيا مەكەمەسىنىڭ قىزمەتكەرى عاني سىلامبەك ۇلى، ارال اۋىلى 1 ـ ورتا مەكتەپتىڭ وقىتۋشىسى جايناگۇل قاباش قىزى، حالىق ىستەرى مەكەمەسىنىڭ كادرى قۇرمان راقات ۇلى شىڭگىل اۋدانىنىڭ «كادرلاردىڭ توي ـ تومالاق، ءولىم-جىتىم ىستەرىن ىشكەرىلەي رەتكە سالۋ جونىندەگى ۋاقىتتىق بەلگىلەمەسىنە» قايشى قوناعاسى بەرىپ، سۇندەت توي جاساپ، جەكە ـ جەكە 26، 24، 28 ۇستەل داستارقان جايعان. اۋداندىق رەۆيزيا مەكەمەسى بۇل 3 كادردىڭ تويدا جينالعان اقشاسىن ءمۇسادىرالاپ سول جىلعى ناتيجەلىك ەڭبەكاقىسىن كۇشىنەن قالدىردى، سونداي ـ اق ءوز مەكەمەلەرىندەگى جىلدىق ەڭبەك ناتيجەسىن باعالاۋعا قاتىناسۋ تولىمدىلىعىن كۇشىنەن قالدىردى.
4. كوكتوعاي اۋدانى قۋەرتىس قالاشىق حالىقتىق قارۋلى ءبولىمنىڭ كادرى باھار ابىلەزدىڭ بەلگىلەمەگە قايشى سىرعا توي جاساۋ ماسەلەسى. 2014 ـ جىلى 1 ـ تامىزدا باھار ابىلەز 2 قىزىنا سىرعا توي جاساپ، قالاشىق ورگاندارىنداعى، الەۋمەتتىك اۋماقتارداعى كادرلار مەن جۇرتشىلىقتى تويعا شاقىرعان. باھار ابىلەزگە پارتيا ىشىندە قاتاڭ ەسكەرتۋ جازاسى بەرىلدى.
5. التاي قالالىق تاجىريبە باستاۋىش مەكتەبىنىڭ باستىعى، پارتيا ياچەيكاسىنىڭ ورىنباسار شۋجيى جاڭ پيڭنىڭ بەلگىلەمەگە قايشى يگىلىك قاراجاتىن تاراتۋ ماسەلەسى. ايماقتىق ءتارتىپ تەكسەرۋ كوميتەتىنىڭ تەكسەرىپ ـ انىقتاۋىنا نەگىزدەلگەندە، جاڭ پيڭنىڭ ماقۇلداۋىمەن التاي قالالىق تاجىريبە باستاۋىش مەكتەبى 2013 ـ جىلى ورتانعى كۇز مەرەكەسى (وقىتۋشىلار مەرەكەسى)، 2014 ـ جىلى جاڭا جىل مەرەكەسىندە (شاعان مەرەكەسى) ەرەجەگە قايشى ارت ـ ارتىنان 2 رەت وقىتۋشى ـ قىزمەتكەرلەرگە 97 مىڭ 800 يۋان زات ساتىپ الۋ كارتوچكاسىن تاراتقان. ايماقتىق ءتارتىپ تەكسەرۋ كوميتەتى قاتىستى بەلگىلەمەلەرگە نەگىزدەلىپ، تاراتىلعان 97 مىڭ 800 يۋاندىق يگىلىك قاراجاتىن قايتارتىپ، التاي قالالىق ءتارتىپ تەكسەرۋ كوميتەتىنە وسى يگىلىك قاراجاتىن تاراتۋ ماسەلەسىن دەلو تۇرعىزىپ ءبىر جاقتى ەتۋگە تاپسىردى. بۇل 5 دەلونىڭ تۋىلۋى ءىشنارا پارتكوم (پارتگرۋپپا)، ءتارتىپ تەكسەرۋ كوميتەتىنىڭ (ءتارتىپ تەكسەرۋ گرۋپپاسىنىڭ) تۇلعالىق جاۋاپكەرلىگى مەن باقىلاۋ جاۋاپكەرلىگىن تياناقتى، ويداعىداي اتقارماعاندىعىن، احۋالدى تەكسەرمەي، قىزمەتىن تياناقتى ىستەمەگەندىگىن، ٴىشىنارا پارتيالى كادرلاردىڭ يدەياسى كەرەناۋ، تارتىپتە بوساڭ، ساياسي سەزىمتالدىعى ناشار، ەرەجەنى اتقارۋ سانالىلىعى تومەن، تيىم سالعان بۇيرىقتاردى ەلەمەي، ناشار قوعامدىق ىقپال تۋدىرعاندىعىن ايگىلەدى. بۇعان قاراتا ءار دارەجەلى پارتيا ۇيىمدارى وسكەلەڭ ءمان بەرىپ، ءوز مەكەمەسىنىڭ، ءوز سالاسىنىڭ پارتيالى كادرلارىن وسى 5 دەلودان ساباق الۋعا مۇقيات ۇيىمداستىرىپ، دەلو ارقىلى زاڭدى ٴتۇسىندىرۋ، دەلو ارقىلى ءتارتىپتى ايقىنداپ، ناشار ستيلدى سالىستىرا وتىرىپ تەكسەرىپ، رەتكە سالىپ تۇزەتۋى؛ پارتيا ستيلى، پاكتىك قۇرىلىسىنىڭ جاۋاپكەرلىك ءتۇزىمىن مۇقيات تياناقتاندىرىپ، وسكەلەڭ ساياسي جاۋاپكەرلىكپەن تۇلعالىق جاۋاپكەرلىكتى ۇستىنە الىپ تياناقتاندىرىپ، ورتالىق، اۆتونوميالى رايون، ايماقتىڭ ستيل قۇرىلىسىنا قاتىستى ءتۇرلى بەلگىلەمەلەرى مەن كىرشىكسىز دە پاك بولۋدىڭ ٴتۇرلى تالاپتارىن ىشكەرىلەي دايەكتىلەندىرىپ، وسىعان ۇقساس ماسەلەلەردىڭ تۋىلۋىن قاتاڭ تەجەۋى كەرەك.
ءار دارەجەلى ءتارتىپ تەكسەرۋ، رەۆيزيا ورگاندارى باقىلاۋ جاۋاپكەرشىلىگىن مۇقيات اتقارىپ، باقىلاۋ، ءتارتىپتى اتقارۋ، جاۋاپكەرلىگىن قۋزاۋ تەبىنىن كۇشەيتىپ، ورتالىق، اۆتونوميالى رايوندىق پارتكوم، ايماقتىق پارتكومنىڭ ستيل قۇرىلىسى جونىندەگى ءتۇرلى بەلگىلەمەلەرىنىڭ قاتاڭدىعىن، ابرويىن باتىل قورعاۋى كەرەك. بۇقارانىڭ اڭىسى كۇشتى بولعان «4 ءتۇرلى بۇرىس ستيل» ماسەلەسىن مىقتى ۇستاپ، ارناۋلى باقىلاۋ ـ تەكسەرۋ، اشىق تەكسەرىپ، جاسىرىن تەكسەرۋ، حات ارقىلى سۇراستىرىپ الدىن الا كەڭەسۋ، اشكەرەلەۋدى قابىلداۋ سياقتى تاسىلدەردى ۋنيۆەرسالدى قولدانىپ، باقىلاۋ ـ تەكسەرۋدى كۇشەيتىپ، ماسەلەلەردى ءبىر-بىرلەپ ءتۇيىنى بويىنشا ۇستاپ، ۇكىمەت اۆتوكولىگىن جەكە ىسىنە پايدالانۋ، ۇكىمەت اقشاسىمەن قوناق كۇتۋ، تارتۋ ـ تارالعى ۇسىنۋ، توي ـ تومالاق، ءولىم-جىتىم ىستەرىن استا ـ توك جاساۋ، يگىلىك قوسىمشا قاراجاتىن بەتالدى تاراتۋ سياقتى ناشار ادەتتەردى قاتاڭ تەجەۋ كەرەك. قايتا ـ قايتا دارىپتەلسە دە ءمان بەرمەيتىن، تىزگىنىن تارتپايتىن، ءوزىن تەجەمەگەن تارتىپكە قايشى ماسەلەلەردى ءبىر جاقتى ەتۋدە ءتارتىپتى قاتاڭ اتقارىپ، تەز تەكسەرىپ، تەز ءبىر جاقتى ەتىپ، قاتاڭ تەكسەرىپ، قاتاڭ جازالاپ، سونداي ـ اق اشىق جاريالاۋ تەبىنىن ارتتىرىپ، جازا ارقىلى تىكسىندىرۋ كەرەك. ستيل قۇرىلىسىن باقىلاۋ ـ تەكسەرۋدى ۇنەمىلەندىرۋ مەحانيزمىن قۇرۋعا جانە كەمەلدەندىرۋگە ىزدەنىس جاساپ، ارناۋلى وڭاۋ، اشىق تەكسەرىپ جاسىرىن باقىلاۋ، ءارقايسى بۋىندى باقىلاپ تەكسەرۋ سياقتى باقىلاۋ ـ تەكسەرۋ احۋالىن پارتيا ستيلى، پاكتىك قۇرىلىسى جاۋاپكەرلىك ءتۇزىمىن باعالاۋ، قىزمەت ناتيجەسىن باعالاۋ سياقتى باعالاۋ قىزمەتتەرىنىڭ ماڭىزدى مازمۇنىنا اينالدىرىپ، ساتى بويىنشا قىسىم ءتۇسىرىپ، دارەجە بويىنشا جاۋاپكەرلىكتى تياناقتاندىرۋ كەرەك. بارشا پارتيالى كادرلار، اسىرەسە، ءار دارەجەلى باسشى كادرلار وسىدان عيبىرات الىپ، پارتيانىڭ بۇقارالىق لۋشيان تاربيەسى امالياتتىق قيمىلىمەن ۇشتاستىرا وتىرىپ، ستيل قۇرىلىسى بەلگىلەمەلەرىن مۇقيات ۇيرەنىپ دايەكتىلەندىرىپ، ءتارتىپ ولشەمىنەن اسپاۋ، يدەيالىق قامالدى بەكەمدەپ، ءتۇرلى ءىرىپ ـ ٴشىرۋ يدەياسى مەن ناشار ادەتتەردى سانالى تەجەپ، «4 ءتۇرلى بۇرىس ستيلدى» وڭاۋداي امالياتتىق قيمىل ارقىلى پارتيا مۇشەلەرى مەن بۇقارا، كادرلار مەن بۇقارانىڭ قاتىناسىن قويۋلاستىرۋى كەرەك.
مەملەكەت مەرەكەسى، قۇربان ايت مەرەكەسى قارساڭىندا، ايماقتىق پارتكومنىڭ شۋجيى دىڭ جاڭ ـ ۋ جولداس ٴتارتىپتى قاتاڭ ايقىنداۋ، باقىلاۋدى كۇشەيتۋ، ءتۇرلى زاڭ ـ تارتىپكە قايشى ارەكەتتەردى قاتاڭ جازالاپ، قاتاڭ كۇيدى ساقتاۋدى ايقىن تالاپ ەتتى. ايماقتىق ءتارتىپ تەكسەرۋ كوميتەتى مىنانى تالاپ ەتتى: ءار دارەجەلى تاراۋلار جاۋاپكەرشىلىكتى ۇستىنە الۋدا تاباندى بولىپ، جەرگىلىكتىڭ، جەرگىلىكتى ورىننىڭ (مەكەمەنىڭ) پاك، تارتىپپەن ٴوزىن تەجەۋ قىزمەتىن مۇقيات ورنالاستىرىپ، پارتيالى كادرلاردى تاربيەلەۋ، باقىلاۋ، باسقارۋدى اناعۇرلىم كۇشەيتىپ، پاك، ۇنەمشىل، مادەنيەتتى، جاراسىمدى مەرەكە وتكىزۋ كەرەك.
ايماقتىق ءتارتىپ تەكسەرۋ كوميتەتىنىڭ مالىمدەۋ تەلەفونى:
2128970 12388 ـ 0906
التاي ايماقتىق ٴتارتىپ تەكسەرۋ كوميتەتى، رەۆيزيا مەكەمەسى
كەلۋ قاينارى: التاي گازەتى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
