- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ادام الىپساتارلارىن تۇگەلدەي ءولىم جازاسىنا ۇكىم ەتۋ كەرەك پە؟
بۇلاي ىستەگەندە الداپ ساتىلعان بالالار قاتەردە قالۋى مۇمكىن
2015.06.18 15:23 كەلۋ قاينارى : حالىق تورابى
17 – ماۋسىمدا ۋيچاتتاعى دوستار شەڭبەرىندە «بالالاردى ساۋدالاۋ قىلمىسىنا قاتىستى زاڭ تارماقتارىنا وزگەرىس ەنگىزىپ، بالالاردى الداپ ساتۋشىلاردى ءولىم جازاسىنا ۇكىم ەتۋدى، بالالاردى ساتىپ العانداردى مەرزىمسىز قاماق جازاسىنا ۇكىم ەتۋ تۋرالى ۇسىنىس بەرەمىن!» دەگەن مازمۇن قوعامنىڭ ءار سالاسىنداعىلاردىڭ نازارىن اۋداردى ءارى تالقىعا تۇرتكى بولدى، كوپتەگەن توردوستار ميكروبلوگ جانە ءۇنحات دوستار شەڭبەرى سىندى دوستاسۋ تەكشەلەرىندە ءولىم جازاسىن بەرۋدى تۇگەل قۇپتايدى، زاڭ سالاسىنداعىلار مەن قوعامدىق عىلىم سالاسىنداعىلار كاسىپتىك تۇرعىدان تالداۋ جاساي وتىرىپ، بۇعان قارسى پىكىر ءبىلدىردى. ءىس جۇزىندە، بالالار مەن ايەلدەردى الداپ ساتۋشىلارعا قىلمىسى اۋىر بولعاندا ءولىم جازاسى بەرىلەدى، مۇنداي مىسالدار ەلىمىزدە جوق ەمەس؛ تالاستىڭ ءتۇيىنى «بارلىعىن دا ءولىم جازاسىنا ۇكىم ەتۋ كەرەك پە» دەگەن پىكىر اينالاسىندا تۋىنداپ وتىر.
زاڭ عىلىمىنىڭ دوكتورى جياڭ شياۋيان حانىم: ءوزىم ءبىر انا بولۋ تۇرعىسىنان ادام الىپساتارلارىنا قاتتى كەكتەنەمىن، الايدا، ءبىرتالاي جىل زاڭ ۇيرەنگەندىكتەن، ماسەلەگە ۇستامدىلىقپەن، وبيەكتيۆ تۇردە تالداۋ جاساۋ كەرەك ەكەنىن ۇعىندىم. ەڭ الدىمەن ايتارىم، ءولىم جازاسىنىڭ قىلمىستىلاردى تۇرشىكتىرۋ رولى وتە شەكتى، قاساقانا ادام ولتىرۋشىلەرگە ءولىم جازاسى بەرىلەدى، ءبىراق ءىس جۇزىندە قاساقانا ادام ءولتىرۋ قىلمىسى تيىلعان جوق؛ مۇنان سىرت، ەگەر ادام الىپساتارلارىن تۇگەلدەي ءولىم جازاسىنا ۇكىم ەتسە، وندا ولار پىشاقتىڭ جۇزىندە قالعانداي كۇي كەشەدى، جانىنان ۋاز كەشكەندەردىڭ قاتەرلى بولاتىنىن ءبارىمىز بىلەمىز، ادام الىپساتارلارىن تۇگەل ءولىم جازاسىنا ۇكىم ەتسە، قازىرگە دەيىن الداپ اكەتىلگەن بالالاردى حاۋىپكە يتەرمەلەۋىمىز مۇمكىن، بۇل ساقشىلاردىڭ ولاردى تۇتقىنداۋىن دا قيىنداتا تۇسەدى.
زاڭ عىلىمىنىڭ دوكتورى چي شياۋليڭ: ەگەر ادام الىپساتارى قولعا تۇسسە بولعانى ءوزىن ءولىم كۇتىپ تۇرعانىن بىلسە، ومىردەن ۋاز كەشكەن ادام كىناسىز سابيگە قانداي مامىلەدە بولادى؟ بالامەن بىرگە قولعا تۇسە مە؟ بالانى قۇتقارىپ الۋعا بولا ما؟
گۋاڭجوۋلىق جاڭ حۇي ەسىمدى ادوۆاكات: قىلمىسكەرلەردى جازاعا تارتۋدا قىلمىسىنا قاراي جازا بەرۋ پرينسيپىنە بويسىنۋ كەرەك، قورىتىپ ايتقاندا، قىلمىسى اۋىر بولسا اۋىر جازالاۋ، قىلمىسى جەڭىل بولسا جەڭىل جازالاۋ، وتكىزگەن قىلمىسىنا جازاسى سايكەس كەلۋى كەرەك. بارلىعىن ءبىر شىبىقپەن ايداۋعا، بارلىق ادام الىپساتارلارىن تۇگەل ءولىم جازاسىنا كەسۋگە بولمايدى، ناقتى قىلمىسقا ناقتى تالداۋ جاساۋ كەرەك. ءىس جۇزىندە، ءوز بالاسىن ادام الىپساتارلارىنا ساتىپ بەرەتىن اتا – انالار جوق ەمەس، كەيبىر ادام الىپساتارلارى تەك ورتادا دەلدالدىق رول اتقارادى. ونىڭ ۇستىنە، الەمدەگى ءار ەلدىڭ تارجىريبەسىنە نەگىزدەلگەندە، قاتاڭ جازالاۋ ارقىلى قىلمىستى ازايتۋ ەڭ جاقسى امال ەمەس. زاڭ قانشالىق قاتاڭ بولسا، قىلمىستىق ارەكەتتەر سوعان قاراي ازايىپ كەتپەيدى. بىلايشا ايتقاندا، ءولىم جازاسى ادام الىپساتارلىق قىلمىسىن تۇبىرىنەن جويىپ جىبەرە المايدى. باسقا ەلدەردىڭ تاجىريبەسىنە قاراعاندا، كوپتەگەن مەملەكەتتەردە ءولىم جازاسى كۇشىنەن قالدىرىلعاننان كەيىن، قىلمىس مولشەرى كوبەيىپ كەتكەن جوق، قايتا تومەندەدى. ءولىم جازاسىن كۇشىنەن قالدىرۋ دۇنيە جۇزىندە ورتاق بەتالىسقا اينالۋدا، جۋىرداعى جىلداردان بەرى، ەلىمىزدە دە ءولىم جازاسىن بەرۋ ازايىپ كەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
