ەرەسەكتەر ءبىر كۇندە توعىز ساعات ەكرانعا قارايدى
2019.04.09 16:36 كەلۋ قاينارى : حالىق تورابى
سۇحبات مامانى: قۇرلىق ارمياسى اسكەري مەديتسينا داشۋەسى داپيڭ شيپاحاناسى كوز اۋرۋلار ءبولىمىنىڭ اعا شيپاگەرى باي جي
سيفرلى داۋىردە، قولفون، كومپيۋتەر نەگىزىنەن ادامدار دەنەسىنىڭ «قوسالقى ورگانىنا» اينالدى، ادامدار ودان ءبىر ءسات تە ايرىلا المايدى، تاماقتانۋ، كوشە اۆتوبوزىنا، مەتروعا وتىرۋ، تازالىق بولمەسىنە بارۋ، قىزمەتكە شىعۋ بارىسىندا، ءتىپتى ۇيىقتاعاندا دا قولفون قولىمىزدا جۇرەدى. جۋىقتاعى ءبىر تەكسەرۋ ناتيجەسىنە قاراعاندا، وسىزامانعى ەرەسەكتەردىڭ ءار كۇنى ەكرانعا قاراۋ ۋاقىتى شامامەن 9 ساعات بولىپ، نەگىزىنەن وياۋ كەزدەگى ۋاقىتتىڭ جارىمىنان استامىن جۇمسايدى. قۇرلىق ارمياسى اسكەري مەديتسينا داشۋەسى داپيڭ شيپاحاناسى كوز اۋرۋلار ءبولىمىنىڭ اعا شيپاگەرى باي جي مىنانى ەسكەرتتى: ۇزاق ۋاقىت قولفون قاتارلى ەلەكتروندىق بۇيىمداردى ىستەتۋ، الىستى كورمەۋ اۋرۋىنا شالدىعۋ مولشەرىن كورنەكتى جوعارىلاتادى.
«ۇزاق ۋاقىت قولفون ەكرانىنا تەسىلە قاراسا، تىكەلەي بەرەتىن اسەرى كوزدىڭ كورۋ قۋاتىن تومەندەتۋ»، — دەيدى باي جي، ونىڭ ايتۋىنشا، كوزدىڭ قولفون ەكرانىنا قاراۋ ۋاقىتى ۇزارسا، كوز جاسىنىڭ بولىنۋىنە اسەر ەتىپ، كوزدى وڭاي شارشاتادى، وسى ارقىلى الىستى كورمەۋدى اۋىرلاستىرادى. ەرەسەكتەر جونىنەن ايتقاندا، ۇزاق ۋاقىت قولفون ەكرانىنا قاراعاندا، كىرپىك قاعۋ سانى 1/3 ازايادى، كوز شاناعىنداعى كوپتەگەن كوز جاسى جوعالىپ، كوز شاناعىنىڭ دىمقىلدىعى كەمەيەدى، كوز جاسىنىڭ جوعالۋى كوزدىڭ قۇرعاۋى اۋرۋىن كەلتىرىپ شىعاراتىن فاكتورلاردىڭ ءبىرى ەسەپتەلەدى. ساندى مالىمەت مىنانى كورسەتتى: ءار جىلى ورتا – باستاۋىش مەكتەپ وقۋشىلارىنىڭ كوز اينەك تاعۋ جاسى تومەندەپ، تومەندەۋ مولشەرى – 2 دە 3 جاس بولعان، ال كوز اينەكتىڭ گرادۋسى ۇزدىكسىز جوعارىلاۋدا. وقۋشىلاردىڭ جايشىلىقتا كوزدى ىستەتۋى كوپ، ۇزاق ۋاقىت ساباق قاراپ، تاپسىرما ورىندايدى، وعان قوسا قولفون وينايتىن بولسا، كوزگە ەشقانداي دەمالىس بولماسا، كوز باستان – اقىر قاربالاس كۇيدە، كۇش جۇمساۋ كۇيىندە تۇرادى دا، الىستى كورمەۋدى وڭاي كەلتىرىپ شىعارادى.
بۇدان سىرت، ۇزاق ۋاقىت قولفون ويناعاندا، كوز قالتاسىنىڭ پايدا بولۋىن تەزدەتۋى مۇمكىن. ادەتتەگى جاعدايدا، كوز قالتاسى كوز ۇياسىنىڭ توڭىرەگىندەگى ماي بۇلشىق ەتتەرى مەن شاندىرلاردىڭ بوساۋىنان، مايدىڭ تومەندەۋىنەن، تومپايۋىنان پايدا بولادى. ەگەر كوز كۇنى بويى ەكرانعا قادالىپ، كوزدى ىستەتۋ شەكتەن تىس كوپ بولسا، كوزدىڭ اينالاسىنداعى بۇلشىق ەت وڭاي شارشاپ، كوزدىڭ قان اينالىسىنا ىقپال جاساپ، جاستى ۇلعايتىپ كورسەتەدى.
باي جي مىنانى ەسكەرتتى: ەلەكتروندىق بۇيىمداردى ىستەتكەندە، ءار 30 مينۋتتا ءبىر دەمالتىپ، الىسقا كوز جىبەرۋ نەمەسە كوزدى قورعاۋ گيمناستيكاسى ارقىلى كوزدىڭ شارشاعانىن باسۋ كەرەك. ادەتتە كىرپىكتى كوبىرەك قاعۋ كوز اينالاسىنداعى بۇلشىق ەتتەردىڭ كۇشىن ارتتىرادى. قىزمەتكەرلەر قولفون جانە كومپيۋتەر ەكرانىمەن ۇزاق ۋاقىت اينالىسادى، ءار كۇنى كەشتە جىلى ورامالدى 5 مينۋت كوزدىڭ ۇستىنە باسۋ كەرەك، ورامال℃ 40 بولسا قالىپتى، بۇل كوزدىڭ شارشاۋىن باسادى. اتا – انالار كوبىرەك ۋاقىت اجىراتىپ، بالالارىنا سەرىك بولىپ، ولاردىڭ ارەكەتتى كوبەيتۋىنە شابىتتاندىرۋ، اپتا سوڭىندا كوبىرەك سىرتقا ەرتىپ شىعىپ، بالالاردى قولفون قاتارلى ەلەكتروندىق بۇيىمداردان اراشالاۋ كەرەك.
كەلۋ قاينارى: حالىق تورابى
جاۋاپتى رەداكتورى : قاۋلا بەيسەن قىزى (پراكتيكانت)
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
