دەنەڭىزدەگى ورگانداردىڭ ءسىزدىڭ جاقسى تۇرمىس كەشىرۋىڭىز ءۇشىن قانشالىق قۇلشىناتىنىن بىلەسىز بە؟
ياڭ داي – ۋ
2019.11.28 09:10 كەلۋ قاينارى : حالىق تورابى
ادام دەنەسى — ءتۇرلى قۇپيالىقتارعا تولى شاعىن الەم. تىرشىلىك ۇردىسىندە تىنىس الۋ مەن جۇرەك سوعۋىنان سىرت، ادام دەنەسىندە تاعى قانداي حيكىمەتتى دە قىزىقتى قۇبىلىستار بولاتىنىن بىلەسىز بە؟ دەنەڭىزدەگى ورگانداردىڭ ءسىزدىڭ جاقسى تۇرمىس كەشىرۋىڭىز ءۇشىن قانشالىق قۇلشىناتىنىن بىلەسىز بە؟
اسقازان، ءسىزدىڭ «قۋاتىڭىزدىڭ قورعاۋشىسى»
اسقازان — ادام دەنەسىندەگى اس قورىتۋ ورگانى، ديافراگمانىڭ استىڭعى بولەگىنە ورنالاسقان، جوعارى جاعى وڭەشكە، تومەن جاعى اششى ىشەككە جالعاسادى، ازىقتىق ساقتاۋ جانە قورىتۋ رولى بار. ازىقتىق وسى اراعا جەتكەن سوڭ، الدىمەن ازىقتىققا ءتۇرلى اس قورىتۋ فەرمەنتتەرى مەن قىشقىلدارىن قوسىپ، ۇزدىكسىز ارالاستىرادى، بۇل ازىقتىقتاردى دەنەگە سىمىرۋگە كەلەتىن جارتىلاي سۇيىق زاتتارعا اينالدىرىپ، اششى ىشەككە جونەلتەدى، وسى ارقىلى بۇكىل دەنەگە قۋات سيلايدى.
اسقازاننىڭ سيىمدىلىعى شەكتى بولعاندىقتان، ءبىر ۋاققى تاماقتى وتە كوپ جەسەڭىز، اسقازانىڭىز كەۋىپ جايسىزدانادى. ەگەر ۇنەمى سىرتتا بەيبەرەكەت ءىشىپ – جەسەڭىز، ونىڭ ۇستىنە، جەگەنىڭىزدىڭ ءبارى بەلوك جانە حولەستەرين قۇرامى جوعارى تاماق بولسا، اسقازانىڭىزدىڭ اس قورىتۋى ويداعىداي بولماي، دەنەدەگى حولەستەريننىڭ قۇرامى ارتادى. سوندىقتان، ارتىق تاماقتانۋدان نەمەسە مايلى، اشتى تاماق جەۋدەن ساقتانعان ابزال.
جۇرەك، ءسىز ءۇشىن «007» قىزمەت ءتۇزىمىن قولدانادى
بالكىم، «996 قىزمەت ءتۇزىمىن» تالاي سوككەن بولارسىز، الايدا، جۇرەكتىڭ ءسىز ءۇشىن «007» قىزمەت ءتۇزىمى بويىنشا جۇمىس ىستەيتىنىن بىلەسىز بە؟
جۇرەك — ادام دەنەسىندەگى ەڭ ماڭىزدى ورگانداردىڭ ءبىرى، مينۋت - سەكۋند سايىن قوزعالىستا بولادى. جۇرەكتىڭ رولى دەنەدەگى قاندى اينالىسقا ءتۇسىرىپ، ورگانداردى، تىكانداردى جەتكىلىكتى قانمەن قامداۋ، وسى ارقىلى وتتەگىن جانە ءتۇرلى قورەكتىك زاتتاردى جەتكىزۋ ءارى زات الماسۋدان قالىپتاسقان سوڭعى قالدىقتاردى (مىسالى، كومىر قىشقىل گازى، مينەرالدى تۇز، نەسەپ زاتى جانە نەسەپ قىشقىلى) تاسىپ اكەتىپ، كلەتكالاردىڭ قالىپتى زات الماسۋىن جانە رولىن ساقتاۋىنا كومەكتەسۋ بولىپ تابىلادى.
زەرتتەۋگە قاراعاندا، 40 جاستان باستاپ، جۇرەكتىڭ بۇكىل دەنەگە قان جەتكىزۋ قۋاتى تومەندەي باستايدى، 45 جاستان اسقان ەرلەر مەن 55 جاستان اسقان ايەلدەردىڭ جۇرەك اۋرۋىنا شالدىعۋ حاۋپى ارتادى. سوندىقتان، ءبىز ۇنەمى ارەكەتتەنىپ، دەنە شىنىقتىرۋدى داعدىعا اينالدىرۋىمىز كەرەك، بۇل جۇرەكتى قورعاۋدىڭ ەڭ جاقسى ءتاسىلى.
باۋىر، دەنەڭىزدى «ۋىتتان» ساقتايدى
باۋىر — ادام دەنەسىندەگى زات الماسۋ رولىن نەگىز ەتكەن ورگان، ونىڭ نەگىزگى رولى ساقتاۋ، زات الماستىرۋ جانە ۋىتتى ايداۋ.
باۋىردىڭ دەنەنىڭ ىشكى بولەگىنەن شىعارىلاتىن جانە دەنەگە سىرتتان كەلەتىن ءتۇرلى دارىلەر، ۋىتتى زاتتار، سونداي – اق، دەنەدەگى زات الماسۋدان قالعان كەيبىر زاتتار قاتارلى قورەكتىككە جاتپايتىن كوپتەگەن زاتتاردى بيولوگيالىق جولمەن وزگەرتۋ رولى بار، زات الماسۋ ارقىلى ولاردى ىدىراتادى نەمەسە ءوز قالپىندا دەنە سىرتىنا ايدايدى، مۇنداي رولى «ۋىتتى ايداۋ رولى» دەپ اتالادى.
الايدا، باۋىردىڭ ەڭ قورقاتىنى — تەمەكى مەن اراق، نيكوتين باۋىرعا زالال جەتكىزەدى، سپيرت ءتىپتى باۋىردى «ۋلايدى». باۋىرعا ەڭ قاجەتتىسى — ويداعىداي ۇيقى، ەڭ جاقسىسى وكپە – رەنىشكە كوپ بەرىلمەي، ماسەلەگە جولىققاندا بايىپتى بولعانىڭىز باۋىرعا پايدالى.
ءوت قالتاسى — ءسىزدىڭ «اشتى – تۇشتىڭىزدى» توزىمدىلىكپەن ارقالاۋشى
ءوت قالتاسى — وڭ جاق قابىرعانىڭ استىنا، باۋىردىڭ ارتقى جاعىنا ورنالاسقان المۇرت پىشىندەس قالتالى قۇرىلىم (ءوت قالتاسى ۇياشىعىندا). ءوت قالتاسىنىڭ نەگىزگى رولى — ءوت سۇيىقتىعىن ساقتاۋ، ازىقتانعان كەزدە، ءوت سۇيىقتىعىن ىشەككە جەتكىزىپ، ازىقتىقتى قورىتۋعا كومەكتەسۋ. ءوت قالتاسى دەنەدەگى «اۋىر مىندەت ارقالاۋشى»، كەرمەك ءدامدى «ءوت سۇيىقتىعىن» ساقتاۋدان سىرت، اۋرۋ ازابىنا توزە الادى.
ەگەر ءوت قالتاسى بولماسا، ءوت سۇيىقتىعى ىشەككە تولاسسىز قۇيىلىپ، ىشەكتى ۇزدىكسىز تىتىركەندىرىپ، اس قورىتۋ ويداعىداي بولماۋ، ءىش ءوتۋ قاتارلى جايسىزدانۋ جاعدايىن تۋدىرادى. ءوت سۇيىقتىعى كوپ بولسا، اسقازانعا نەمەسە قىزىل وڭەشكە كەرى اعىپ، كەرى اعۋ سيپاتىندىق اسقازان قابىنۋىن، وڭەش قابىنۋىن تۋدىرۋى، ءتىپتى وڭەش راگىنا شالدىعۋ قاتەرىن تۋىنداتۋى مۇمكىن. ءوت قالتاسى بولماسا، ءوت جولىنا تاس بايلانۋدان تۋىندايتىن اۋرۋ قاتەرى ارتا تۇسەدى.
ءوت قالتاسىنىڭ ازابىن جەڭىلدەتۋ ءۇشىن، ادەتتە تاڭعى استى ۇزبەي جەۋدى ادەتكە اينالدىرۋ كەرەك، ماي قۇرامى مەن حولەستەرين قۇرامىن قابىلداۋدى قاتاڭ تەجەپ، قارا استىقتى كوپ تۇتىنۋ، سۋدى كوپ ءىشۋ، قىمىزدىق قىشقىلىنىڭ دەنەگە قابىلدانۋىن ازايتۋ، قىشقىلتىم ازىقتىقتاردى از جەۋ كەرەك ... مۇنان سىرت، ويداعىداي دەمالىس ادەتى مەن دەنە شىنىقتىرۋدى جالعاستىرۋ دا ءوت قالتاسى اۋرۋلارىنان ساقتانۋدىڭ ماڭىزدى شاراسى ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
