ينتەرنەت «ۋاقىتتىق جۇمىس ەكونوميكاسىنا» جاڭا قوزعاۋشى كۇش قوستى
لي شۋەچين
2019.11.25 15:45 كەلۋ قاينارى : حالىق تورابى
ينتەرنەتتىڭ ۇشقان قۇستاي دامۋىنا بايلانىستى ينتەرنەت تەكشەسى ارقىلى ۋاقىتتىق جۇمىس ىزدەيتىن جۇمىسشىلار بارعان سايىن كوبەيدى، وسى سەبەپتەن «ينتەرنەت + ۋاقىتتىق جۇمىس ەكونوميكاسى» تۋىندادى. «كولبەۋ سىزىقتى جاستار» (بىرنەشە كاسىپپەن شۇعىلداناتىن، بىرنەشە ءتۇرلى سالاۋاتى بار ادامداردى كورسەتەدى)، «U ديسكىشە ءومىر ءسۇرۋ» (U ديسكى سياقتى ەركىن سەلبەسە الۋدى بىلدىرەدى) قاتارلى جاڭا سوزدەردىڭ جارىققا شىعۋى دا ۋاقىتتىق جۇمىس ەكونوميكاسى زور تولقىنىنىڭ كەلىپ جەتكەنىن بىلدىرەدى.
58 تۇڭچىڭ تورابى چيڭحۋا ۋنيۆەرسيتەتىمەن قوعامدىق عىلىم ينستيتۋتىمەن بىرگە جۋىردا جاريالاعان «2019 – جىلعى جۇڭگونىڭ اۋدان دەڭگەيىندەگى ۋاقىتتىق جۇمىس ەكونوميكاسى سالاسىن تەكسەرۋ مالىمەتىنە» قاراعاندا، اۋدان دەڭگەيىندەگى ۋاقىتتىق جۇمىستاردىڭ %35.11ى ينتەرنەتپەن قاتىستى ەكەن، «ينتەرنەت +» تۇرىندەگى ۋاقىتتىق جۇمىستار ءتۇرلى قىزمەت تيپتەرىنىڭ ىشىندە ءبىرىنشى ورىندا تۇرعان. بۇل ينتەرنەتتىڭ نارىقتاعى جۇمىسشى ىستەتۋ سالاسىنا تەرەڭ تامىر تارتقانىن كورسەتەدى، «ينتەرنەت + ۋاقىتتىق جۇمىس ەكونوميكاسى سالاسى» اۋدان دەڭگەيىندەگى حالىق تۇرمىسىنا قاتىستى ماڭىزدى تىرەككە اينالدى.
يكەمدى كاسىپتەنۋ فورماسى، مول كاسىپتەنۋ ارناسى، كاسىپپەن شۇعىلدانۋدىڭ ءبىرشاما تومەن شارتى ... ينتەرنەتكە سۇيەنە وتىرىپ، شاشىراڭقى نەمەسە بوس ۋاقىتتان پايدالانىپ، جەكەلىك ءبىلىم، تاجىريبە، پاراسات، شەبەرلىك، ەڭبەك قاتارلىلارعا سۇيەنىپ اقىعا قول جەتكىزۋ كوپتەگەن ادامداردىڭ تالعامىنا اينالدى. ۇعىسۋعا قاراعاندا، ينتەرنەتتىك قىزمەت وتەۋ ينتەرنەتتەن سىرتقى الەممەن بارعان سايىن تىعىز بايلانىس ورناتقان جۇڭگودا 400 ميلليوننان استام ادام ۋاقىتتىق جۇمىس ەكونوميكاسى سالاسىمەن شۇعىلدانۋدا، ونىڭ ۇستىنە، بۇل قوسىن ۇزدىكسىز زورايۋدا.
جاڭا گۇلدەنگەن ينتەرنەتتىك كاسىپ ءتاسىلى ومىرگە اكەلگەن جاڭا جۇمىس تۇرلەرى جاڭبىردان كەيىنگى جاۋقازىنداي كۇرت مولايدى، شارپيتىن كاسىپ سالاسى دا بارعان سايىن كەڭەيدى. ەڭ تيپتىك مىسال رەتىندە ينتەرنەت ارقىلى اۆتوكولىك جانە شوفەر شاقىرۋ، ۇيگە تاماق جەتكىزىپ بەرۋشى جانە جەدەل جولداما جەتكىزۋشى قاتارلىلاردى ايتۋعا بولادى. مۇنان سىرت، جوبالاۋ، اۋدارماشىلىق، جازۋشىلىق، كەسكىنگە جانە سۋرەتكە ءتۇسىرۋ، كۋرس اشۋ، ينتەرنەتتىك دۇكەن اشۋ، زاڭدىق كەڭەس بەرۋ، سونداي – اق، تاماق ىستەۋ، ءۇي شارۋاسىنا كومەكتەسۋ، ءۇي كوشىرۋ، اجارلاندىرۋ، تىرناق بوياۋ قاتارلىلار دا وسى توپقا قوسىلادى. مەيلى، دەنە ەڭبەگى بولسىن، الدە اقىل – وي ەڭبەگى بولسىن، ءبارى دە «ۋاقىتتىق جۇمىس ەكونوميكاسى سالاسىنان» «ءوز قارۋ – قايراتىن جۇمسايتىن ورىن» ىزدەپ تابا الادى.
ءداستۇرلى كاسىپتەنۋدىڭ تولىقتاماسى رەتىندەگى «ينتەرنەت + ۋاقىتتىق جۇمىس ەكونوميكاسى سالاسى»، ءىس جۇزىندە، ەكونوميكادان ورتاق يگىلىكتەنۋدىڭ دارىندىلار نارىعى جاعىنداعى ايگىلەنۋى، كاسىپتەنۋ ارناسىن كەڭەيتۋ، كاسىپتەنۋ ورايىن ارتتىرۋ، ەڭبەك كىرىسىن ارتتىرۋ، كاسىپتەنۋ تەڭدىگىن ىلگەرىلەتۋ قاتارلى جاقتاردا زور كومەسكى كۇشكە يە. بۇكىل كاسىپتەنۋ نارىعىنا نازار سالساق، ەڭبەككۇش قوسىنىن ورنىقتىرۋدان سىرت، ەلپەك پارتيزاندار قوسىنىن قاتارعا قوسقانمەن بىردەي دەپ ايتۋعا بولادى.
مۇنان سىرت، شتاتتىق قىزمەتكەر فورماسىنىڭ ورنىنا قوسىمشا جۇمىس ىستەۋ فورماسىن قولداناتىن «ۋاقىتتىق جۇمىس ەكونوميكاسى سالاسى» تاڭەرتەڭنەن كەشكە دەيىن تۇراقتى قىزمەت ىستەۋ فورماسىن بۇزىپ، بۇرىنعى «كاسىپورىن – قىزمەتكەر» اراسىنداعى جالداۋ – جالدانۋ توقتامى ءتۇزىمىن «تەكشە – جەكە» سىندى ساۋدالاسۋ فورماسىنا قاراي وزگەرتىپ، كاسىپورىنداردىڭ تيجارات قۇنىن جانە ادام ىستەتۋ قۇنىن ۇنەمدەدى. ينتەرنەت تەكشەسى «قامداۋشى جاق» پەن «قاجەتسىنۋشى جاق» اراسىن اناعۇرلىم قولايلى ۇشتاستىرىپ، اقىسىن ەسەپتەۋدى اناعۇرلىم انىق جولعا قويىپ، قامداۋشى – قاجەتسىنۋشى سىندى ەكى جاقتىڭ تىلدەسۋ قۇنى مەن ساۋدالاسۋ قۇنىن زور مولشەردە تومەندەتتى.
باقىلاۋ – باسقارۋ تاراۋلارى جونىنەن ايتقاندا، «ينتەرنەت + ۋاقىتتىق جۇمىس ەكونوميكاسى سالاسى» ءالى دە جاڭا تاقىرىپ ەسەپتەلەدى. ءبىر جاعىنان، زاڭ، ساياسات قاتارلىلار داۋىرمەن بىرگە العا ىلگەرىلەپ، «ۋاقىتتىق جۇمىس ەكونوميكاسى سالاسى» بويىنشا كاسىپتەنەتىن توپتىڭ كۇردەلى دە كوپ ۇيەكتەنگەن ەڭبەك قارىم – قاتىناسىن تولىق قامتۋى، ولاردىڭ زاڭدى ەڭبەك ۇقىق – مۇددەسىن ءونىمدى قورعاۋى كەرەك؛ ەندى ءبىر جاعىنان؛ قاتىستى ينتەرنەت تەكشەلەرى تەكسەرۋ جاۋاپكەرشىلىگىن ارقالاۋى، قامداۋشى – قاجەتسىنۋشى ەكى جاقتىڭ ينفورماتسيالارىنىڭ شىنايى بولۋىنا كەپىلدىك ەتىپ، تۋىلۋى مۇمكىن تالاس – تارتىستاردى ويداعىداي ءبىرجاقتى ەتۋى كەرەك. جيناقتاپ ايتقاندا، ۇكىمەت پەن تەكشە كۇش قوسىپ، قامداۋشى جاق پەن قاجەتسىنۋشى جاق وزدەرىن تەجەي بىلسە، «ينتەرنەت + ۋاقىتتىق جۇمىس ەكونوميكاسى سالاسى» اقاۋسىز دا ءتارتىپتى دامي الاتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
