ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى 3 - توپتاعى بۇقارانىڭ مۇددەسىنە زيان جەتكىزەتىن ماسەلەلەردى ارناۋلى جونگە سالۋ قىزمەتىنىڭ تابىسىن جاريالادى
2019.11.18 16:06 كەلۋ قاينارى : حالىق تورابى
«حالىق گازەتى»، 11 - ايدىڭ 17 - كۇنى، بەيجيڭ (ءتىلشى جياڭ جيە). بىرنەشە كۇننىڭ الدىندا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى وقۋ - اعارتۋ مينيسترلىگى، تۇرعىن ءۇي، قالا - اۋىل قۇرىلىسى مينيسترلىگى، قاتىناس - تاسىمال مينيسترلىگى، بازار باقىلاۋ - باسقارۋ باس مەكەمەسى، مەملەكەتتىك ەمدەۋدى قامسىزداندىرۋ مەكەمەسى، مەملەكەتتىك ەنەرگيا مەكەمەسى سياقتى تاراۋلارمەن بىرگە «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» نەگىزگى تاقىرىپتىق تاربيەسىندە بۇقارانىڭ مۇددەسىنە زالال جەتكىزەتىن ماسەلەلەردى ارناۋلى جونگە سالۋ قىزمەتىنىڭ 3 - توپتاعى تابىسىن جاريالادى. ولار مىنالار:
ازىق - تۇلىك حاۋىپسىزدىگى ماسەلەسىن جونگە سالۋ بىرلەسكەن قيمىلى ۇزدىكسىز ورىستەتىلدى. ازىق - تۇلىك ءوندىرۋ، تيجارات ەتۋ بۋىندارىنداعى زاڭعا، بەلگىلەمەگە قايشى ارەكەتتەرگە قاتاڭ سوققى بەرىلدى، جەر - جەر ازىق - تۇلىك ءوندىرۋ، تيجارات ەتۋگە ساياتىن 61 مىڭ اكىمشىلىك جازا دەلوسىن تەكسەرىپ ءبىر جاقتى ەتتى، 720 ميلليون يۋان ايىپ سالىندى، ءبىر مىڭ 282 دۇكەن - رەت ءوندىرىستى، كاسىپتى توقتاتۋعا بۇيىرىلدى، ءبىر مىڭ 578 كۋالىكسىز كاسىپورىن كۇشىنەن قالدىرىلدى، 97 ادامنىڭ كاسىپپەن شۇعىلدانۋ تولىمدىلىعى شەكتەلدى، 236 ادام اكىمشىلىك جاقتان قاماي تۇرىلدى. مەكتەپ پەن بالالار باقشاسىنداعى ازىق - تۇلىك حاۋىپسىزدىگىنىڭ نەگىزگى تۇلعالىق جاۋاپكەرلىگىن تياناقتاندىرماۋ جانە ازىق - تۇلىك حاۋىپسىزدىگى ماسەلەسى شەشىلدى، 417 مىڭ باستاۋىش، ورتا مەكتەپ پەن بالالار باقشاسى مەكتەپتىڭ قاتىستى جاۋاپتىلارى بىرگە تاماقتانۋ ءتۇزىمىن تياناقتاندىردى، 398 مىڭ باستاۋىش، ورتا مەكتەپ پەن بالالار باقشاسى اتا - انالار كوميتەتى اسحانانىڭ حاۋىپسىزدىگىن باقىلاۋ مەحانيزمىن ورناتىپ، اسحانانىڭ تاماق جاساۋ رايونىن اشىق كورسەتكەن مەكتەپتەردىڭ سانى 340 مىڭعا جەتىپ، بۇرىنعىدان 67 مىڭ مەكتەپ كوبەيدى؛ جەر - جەر مەكتەپ اسحانالارىنا، تاماقپەن قامداۋشى ورىندارعا، سونداي - اق مەكتەپ ماڭىنداعى ازىق - تۇلىك تيجاراتشىلارىنا 915 مىڭ رەت تەكسەرۋ جۇرگىزىپ، 15 مىڭ دۇكەنگە (رەت) ەسكەرتۋ بەردى، 4 مىڭ 38 رەت دەلو تۇرعىزىپ، تەكسەرىپ ءبىر جاقتى ەتتى، كۋالىكسىز تيجارات جۇرگىزگەن ءبىر مىڭ 113 دۇكەندى جاپتى، 3 مىڭ 650 ازىق - تۇلىك شيكىزاتىمەن قامداۋ ساۋداگەرىن كۇشىنەن قالدىردى.
تۇرعىن ءۇيدى مايعا بەرۋ دانەكەرلىك قۇرىلىمىنىڭ بىلىعۋى جونگە سالىنىپ، جالعان ءۇي قاينارى ينفورماتسياسى، بەلگىلەمەگە قايشى اقى الۋ، كەپىل اقشا ماي اقىسىن جات نيەتپەن تارتىپ قالۋ، مايعا الۋشىنى ۇرەيلەندىرۋ سياقتى ماسەلەلەر تۇزەتىلىپ جانە تەكسەرىپ ءبىر جاقتى ەتىلىپ، ءبىر توپ «قارا دانەكەرلىك» قۇرىلىمى باتىل كۇشىنەن قالدىرىلدى. بەيجيڭ، شاڭحاي، گۋاڭجوۋ، چىڭدۋ، شي - ان سياقتى 40 ءتۇيىندى قالادا جيىنى 29 مىڭ 400 تۇرعىن ءۇي مايعا بەرۋ دانەكەرلىك قۇرىلىمى تەكسەرىلىپ، 2 مىڭ 816 تۇرعىن ءۇي مايعا بەرۋ دانەكەرلىك قۇرىلىمى ءبىر جاقتى ەتىلىپ، زاڭ - ەرەجەگە قايشى ءبىر مىڭ 117 تيپتىك دەلو حابارلاندىرىلدى؛ بۇكىل ەل بويىنشا جيىنى 57 مىڭ 700 تۇرعىن ءۇي مايعا بەرۋ دانەكەرلىك قۇرىلىمى تەكسەرىلىپ، زاڭعا، بەلگىلەمەگە قايشى 6 مىڭ 617 تۇرعىن ءۇي مايعا بەرۋ دانەكەرلىك قۇرىلىمى ءبىر جاقتى ەتىلىپ، زاڭعا، بەلگىلەمەگە قايشى 3 مىڭ 442 تيپتىك دەلو حابارلاندىرىلدى. جەر - جەر اشكەرەلەگەن دەلولاردا باقىلاۋ - باسقارۋدان سىرت، قىسىم ءتۇسىرۋ، قورقىتۋ سياقتى تاسىلدەرمەن مايعا الۋشىنى قۋىپ شىعىپ، كەپىل اقشانى، ماي اقىنى ارام نيەتپەن تارتىپ قالۋداعى 2 مىڭ 21 دەلو انىقتالدى؛ جالعان ءۇي قاينارى ينفورماتسياسىن جاريالاۋعا قاتىستى 469 دەلو انىقتالدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
