بەيجيڭ وبا اۋرۋىنا شالدىققان 2 ناۋقاستى تۇراقتاندىردى، ولار ەمدەلۋدە ءارى تەجەۋ شارالارى تياناقتاندىرىلدى
2019.11.13 16:01 كەلۋ قاينارى : حالىق تورابى
حالىق تورابى، 11 - ايدىڭ 12 - كۇنى، بەيجيڭ (فىڭ لي). بەيجيڭ قالاسى چاۋياڭ رايوندىق حالىق ۇكىمەتى كەڭسەسى توراپ بەكەتى − «بەيجيڭ چاۋياڭ» رەسمي توراپ بەكەتىنىڭ حابارىنا قاراعاندا، 2019 – جىلى 11 - ايدىڭ 12 - كۇنى ىشكى موڭعۇل اۆتونوميالى رايونى شيلينعول ايماعى سونيد سول حوشۇنىنداعى 2 ادام ماماندارعا كورىنىپ ەمدەلگەندە، وكپە وباسى دەپ دياگنوز قويىلعان. قازىر ناۋقاستار بەيجيڭ قالاسى چاۋياڭ رايونىنداعى قاتىستى ەمدەۋ قۇرىلىمدارىندا ەمدەلۋدە، قاتىستى ساقتانۋ شارالارى تياناقتاندىرىلعان.
جالپىلىق حابارلاندىرۋدى «ىشكى موڭعۇل شيلينعول ايماقتىق دەنساۋلىق ساقتاۋ كوميتەتى» مەن «بەيجيڭ قالاسى چاۋياڭ رايونى دەنساۋلىق ساقتاۋ كوميتەتى» بىرلەسىپ جاريالادى.
وبا ىندەتىنەن ساقتانۋ جانە ونى تەجەۋ ەسكەرتپەسى
ءبىرىنشى، وبا دەگەن نە، وبا اۋرۋىنىڭ قانداي زيانى بار؟
وبا − وبا يەرسون باكتەرياسى تۋدىرعان تابيعي اۋرۋ قاينارى سيپاتىنداعى اۋرۋ، ادەتتە كەمىرگىشتەر اراسىندا تارالادى، كەيدە ادامدار اراسىندا تارالادى، «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ جانە ونى ەمدەۋ زاڭىندا» بەلگىلەنگەن A تۇردەگى جۇقپالى اۋرۋ. بەيجيڭ وبا ىندەتىنىڭ تابيعي ىندەت قاينارىنا جاتپايدى، ءبىراق وبا ىندەتىنىڭ كەلۋ جانە تارالۋ قاتەرى ءالى دە ءومىر سۇرۋدە.
وبا ىندەتى شۇعىل پايدا بولادى، اۋرۋ بارىسى قىسقا، ءولۋ شاماسى جوعارى، جۇعىمتالدىعى كۇشتى، تارالۋى تەز. اسىرەسە، شىرىك قاندى وبا مەن وكپە وباسىن ەمدەمەسە، ءولۋ شاماسى %30 تەن %100 كە دەيىن بولادى. وبا ىندەتىنىڭ جاسىرىن مەزگىلى ءبىرشاما قىسقا، ادەتتە 1 - 6 كۇن بولادى، ءبىراق ءىشىنارا ناۋقاستاردا 8 - 9 كۇنگە جەتەدى.
ەكىنشى، وبا ىندەتىنىڭ تارالۋى
1. جۇعۋ قاينارى: جۇعىمدالعان حايۋاناتتار جانە وكپە وباسىنا شالدىققان ادامدار، پارازيت يەسى سانالاتىن حاياناتتاردان باستىسى كەمىرگىشتەر مەن جابايى ەت قورەكتى حايۋاناتتار بار، مىسالى، سۇر سۋىر، قىزىل سۋىر، گيمالاي سۋىرى جانە ۇزىن قۇيرىق سارى تىشقان قاتارلىلار.
2. تارالۋ جولى
(1) بۇرگەنىڭ شاعۋىنان تارالۋ، مۇنىڭ جولى تىشقان – بۇرگە – ادام بولىپ كەلەدى، ياعني بۇرگە ىندەت جۇققان تىشقاندى شاققاننان كەيىن ادامدى شاعادى. تاعى ءبىر جولى، سۋىر تەرىسىن سىدىرىپ الۋدان نەمەسە باسقا دا اۋرۋ جۇققان حايۋاناتتاردى جەۋدەن بولادى، مۇنداي تارالۋ ءتاسىلى ۇنەمى بەز وباسىن نەمەسە شىرىك قاندى وبانى تۋدىرادى.
(2) ادامنان ادامعا تارالۋ جولى، ياعني ساۋ ادام وكپە وباسى بار ناۋقاستارعا جۇعىسقاننان كەيىن تىنىس جولى ارقىلى جۇعىمدانادى، مۇنداي تاسىلمەن جۇعىمدالاتىنى نەگىزىنەن وكپە وباسى بولادى.
3. وڭاي جۇعاتىن ادامدار: ادام وبا ىندەتىنە جاپپاي وڭاي شالدىعادى. جۇقپالى اۋرۋ تارالعان وڭىردە دالادا جۇمىس ىستەيتىندەر نەمەسە سۋىر اۋلايتىن، سوياتىن اڭشىلار مەن مالشىلاردىڭ جۇقپالى اۋرۋعا شالدىققان جانۋارلارمەن جۇعىسۋ مۇمكىندىگى زور، جۇعىمدالۋ مۇمكىندىگى ادەتتەگى ادامداردان جوعارى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
