2 - كەزەكتى يمپورت كورمەسىندە شينجياڭ ساۋدا ۇيىرمەسى مول تابىسقا قول جەتكىزدى
2019.11.12 16:24 كەلۋ قاينارى : حالىق تورابى
حالىق تورابى، 11 – ايدىڭ 12 – كۇنى، بەيجيڭ. شينجياڭ گازەتىنىڭ 11 – ايدىڭ 10 – كۇنى شاڭحايدان بەرگەن حابارى، 2 - كەزەكتى جۇڭگو حالىقارالىق يمپورت كورمەسى 11 – ايدىڭ 10 – كۇنى حابىلدى. وسى كەزەكتى كورمەگە قاتىناسقان شينجياڭ ساۋدا ۇيىرمەسى سەلبەستىك، ساۋدا ورايىن قاراستىرىپ، مول تابىسقا قول جەتكىزدى.
وسى كەزەكتى كورمەدە شينجياڭ ساۋدا ۇيىرمەسىنىڭ ەل ءىشى - سىرتىنداعى ساۋداگەرلەرمەن سەلبەستىك جاساۋ كولەمى كەڭ بولىپ، ءداستۇرلى ساۋدادان سىرت، نەگىزدىك قۇرىلعى، تەحنيكالىق جابدىق، قىزمەت وتەۋ ساۋداسى، ەمدەۋ جابدىقتارى سياقتى سالالارداعى سەلبەستىگىندە دە ورلەۋ جاعدايى جارىققا شىقتى.
وسى كەزەكتى يمپورت كورمەسىندە «بەيزاتتىق مادەنيەت مۇرالارى جانە جۇڭحۋانىڭ تاريحى ۇزاق دۇكەندەرى» مادەنيەتىن ايگىلەۋ نىساندارى تۇڭعىش رەت قويىلدى، شينجياڭ كورمەگە قويعان اتلاس تورعىن، ۇلت اسپاپتارى، كەستە، قارعاشالاپ جامالعان فارفور بۇيىمدار سياقتى بەيزاتتىق مادەنيەت مۇرالارى نىسانى ەل ءىشى - سىرتى ساۋداگەرلەرىنىڭ نازارىن اۋداردى جانە قىزىقتىردى. فارفور بۇيىمداردى قارعاشالاپ جاماۋ شەبەرلىك ونەرى كورمە ورنىنىڭ جاۋاپتىسى يان پىڭلي: «كوپتەگەن ەل ءىشى - سىرتى ساۋداگەرلەرى فارفور بۇيىمداردى قارعاشالاپ جاماۋ شەبەرلىك ونەرىنە قاتتى قىزىعىپ، بىزگە ساۋدالىق سەلبەستىك جانە مادەنيەت اۋىس - كۇيىس ورايىن ازىرلەدى. يمپورت كورمەسى سىندى تۇعىردا شينجياڭنىڭ بەيزاتتىق مادەنيەت مۇرالارىن جالپىلاستىرا العانىمىزدى ماقتانىش سەزىنەمىز» دەدى.
ۇعىسۋعا قاراعاندا، تۇڭعىش كەزەكتى يمپورت كورمەسىنە سالىستىرعاندا 2 - كەزەكتى يمپورت كورمەسىنە قاتىناسقان كاسىپورىنداردىڭ كولەم، ساپا، كورمە جايعاستىرۋ ورەسى سياقتى جاقتارىندا دەرلىك تىڭ ناتيجەلەر جاراتىلعان. العاشقى ساناققا نەگىزدەلگەندە، 2 - كەزەكتى يمپورت كورمەسى كەزىندە جالپى 181 مەملەكەت، رايون جانە حالىقارالىق ۇيىم كورمەگە قاتىناسقان، 3800دەن استام كاسىپورىن كاسىپورىندار كورمەسىنە قاتىناسقان، تىركەلگەن كاسىپتىك كورەرمەن 500 مىڭنان اسقان، مۇندا شەكارا سىرتىنداعى 7000 نەشە ساتىپ الۋشى كاسىپورىن قامتىلىپ، تۇڭعىش كەزەكتى كورمەدەن الدەقايدا اسىپ تۇسكەن.
كاسىپورىن جونىنەن العاندا، يمپورت كورمەسى اكەلگەن ورايلار اناعۇرلىم كوپ نەگىزدى بولدى. يمپورت كورمەسى كەزىندە، شينجياڭ جاڭا جىبەك جولى حالىقارالىق جىلقى شارۋاشىلىعى شەكتى جاۋاپكەرشىلىك سەرىكتەستىگىنىڭ كاسىپ ديرەكتورى جي جيانكاڭ ازىق - تۇلىك جانە اۋىل شارۋاشىلىعى ونىمدەرى كورمە زالىن مۇقيات ەكسكۋرسيالاپ شىقتى. ول تىلشىگە سەرىكتەستىكتىڭ يمپورت ونىمدەرى، باستىسى، ازىق - تۇلىك جانە اۋىل شارۋاشىلىعى ونىمدەرى ەكەندىگىن ايتتى، وسى رەت كورمەگە قاتىناسقان ول شەتەلدىڭ كوپتەگەن ازىق - تۇلىك ينفورماتسيالارىن جيناپ الدى. «ازىق - تۇلىك تۇرلەرى اناعۇرلىم كوپ تۇرلىلەنگەن، تەك سۇرلەنگەن سان ەتىنىڭ ءوزى سان الۋان ءتۇرلى، ءبىز مۇقيات زەرتتەپ ۇيرەنۋىمىز كەرەك، الداعى جەردە اناعۇرلىم مۇقيات جىكتەپ، بازار اشىپ، تۇتىنۋشىلاردىڭ قاجەتىنە قاراي ءونىم قۇرىلىمىن رەتتەيمىز» دەدى جي جيانكاڭ.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
