جالعامالى ساتۋ الدامكوستىگىنىڭ قولفونعا ويىسۋىنان ساق بولايىق
شى ليڭ
2019.11.12 13:15 كەلۋ قاينارى : حالىق تورابى
قازىر كوپ ادامدار قولفونداعى APP قولدانباسىمەن باسقان قادامىن ەسەپتەۋدى ادەتكە اينالدىردى. جۇرت «ينتەرنەت +» تەحنيكاسىنان پايدالانىپ، ءوزىنىڭ دەنە شىنىقتىرۋ جوسپارىن ۇيلەسىمدى ورنالاستىرا الاتىن بولدى. الايدا، زاڭسىز ەلەمەنتتەر مۇنىڭ استارىنداعى «ساۋدا ورايىن» سەزدى. جۋىردا، «جول باسۋ ارقىلى اقشا تابۋعا بولادى» دەپ جارنامالاعان «چۇيبۋ» APP قولدانباسى مەن ونى شىعارعان سەرىكتەستىك جالعامالى ساتۋ ارەكەتى سىندى كۇمانمەن ساۋدا ىستەرى تاراۋلارى جاعىنان تەكسەرۋگە الىندى.
«كۇنىنە 4000 قادام جاياۋ جۇرسەڭىز، ايىنا كەمىندە 200 يۋان اقشا تاباسىز» دەگەن ۇگىت كەيبىر تۇتىنۋشىلاردىڭ نازارىن اۋداردى. الايدا، اتالعان قولدانبا بولشەگىن اشقان سوڭ، ولاردىڭ دەنە شىنىقتىرۋ دەگەندى جەلەۋ ەتكەنىن بايقايسىز، شىنىن قۋعاندا، مىندەت ورىنداۋ نەمەسە قولدانبانى ۇگىتتەۋ ارقىلى ۆيرتۋالدى اقشاعا يە بولاسىز، مىنە، بۇل، تەكشەنىڭ پايداعا كەنەلۋىنىڭ باستى جولى.
ءبىرقىدىرۋ ۋاقىتتان بەرى، «جاياۋ ءجۇرۋ ارقىلى اقشا تابۋ»، «حابار وقۋ ارقىلى ءنومىر جيناۋ»، «كەسكىن كورۋ ارقىلى بۇيىمعا يە بولۋ» قاتارلى APP قولدانبالارى شىعىپ، جۇرت نازارىن اۋداردى. مۇندا ءىشىنارا تەكشەلەر باستابىندا وڭاي بولىپ، بىرتىندەپ قيىندايتىن مىندەت دارەجەسىن جاساپ، تۇتىنۋشىلاردى كەلەسى باسقىشقا ءوتۋ ءۇشىن اقشا جۇمساۋعا ەلىكتىرەدى، جاڭا تۇتىنۋشىلاردى شاقىرىپ، ۇزدىكسىز جالعاستىرادى، وسىنداي تيجارات ءتاسىلى ارقىلى پايدالانۋشىلاردى الدايدى. قاتىستى تەكشەنىڭ وزگەلەردى ۇسىنىس ەتكەندەرگە ولجا بەرۋ، جوعارى مەن تومەن بولىپ ۇيىمداسۋ جانە مول پايداعا كەنەلتۋگە ۋادە بەرۋ سياقتى ارەكەتتەرى جالعامالى ساتۋ كۇمانىنا ىلىكتى. جاڭا تيپتەگى جالعامالى ساتۋ الدامكوستىگىنىڭ قولفوننان پايدالانۋعا ويىسۋى ءارى «اشەكەيلەنىپ، وزگەرۋى»، جالعامالى ساتۋ ارەكەتىنىڭ نارىق ءتارتىبىن ءبۇلدىرۋى، كاپيتال نارىعىنىڭ حاۋىپ – قاتەرىن ارتتىرۋى قاتارلى زالالدارىنا باعىتتاي وتىرىپ، قاتىستى تاراۋلار باقىلاۋ – باسقارۋدى كۇشەيتىپ، دەر كەزىندە ارالاسۋى قاجەت.
«ۇيدە وتىرىپ – اق كاسىپ كوزىن اشاسىز» دەگەننەن «تەگىن پايداعا كەنەلەسىز» دەگەنگە دەيىن، «ۋيچات ساۋداگەرى» دەگەن جەلەۋدەن «تىزبەكتى تيجارات جۇرگىزۋ» دەگەن ات قويعانعا دەيىن، قانشا قۇبىلسا دا، ولاردىڭ زاڭعا قايشى سيپاتى مۇلدە وزگەرمەيدى. زاڭسىز جالعامالى ساتۋ الدامكوستىگىنىڭ ماقساتىنا جەتە الۋىنىڭ سەبەبى، ولاردىڭ مول پايداعا كەنەلتەمىز، ءتىپتى، مول پايداعا تەگىن كەنەلتەمىز دەگەن ۋادەسى كوپتەگەن ادامداردىڭ قاتە ەكونوميكالىق تانىمىنا سايما – ساي كەلەدى. جاي ساۋاتتىق دەڭگەيدەن قاراعاندا، حاۋىپ – قاتەرى بىردەي بولعان جاعدايدا، قارجى قوسۋشى مەجەلى كىرىمى ەڭ جوعارى باعىتتى تاڭدايدى؛ مەجەلى كىرىمى بىردەي بولعان جاعدايدا، قارجى قوسۋشى حاۋىپ – قاتەرى ەڭ از بولعان باعىتتى تاڭدايدى. الايدا، الدانۋشىلار «حاۋىپ – قاتەرى تومەن، كىرىمى جوعارى» دەگەن الدامكوستىككە وڭاي سەنىپ، «حاۋىپ – قاتەرىن تومەن شامالاۋ، كىرىمىن جوعارى باعالاۋ» سىندى تۇزاققا تۇسكەنىن بايقاماي قالادى.
جول باسۋ، كەسكىن كورۋ قاتارلى ارەكەتتەردىڭ ءوزى ەشقانداي قۇن جاراتپايدى، «ويناي ءجۇرىپ اقشا تابۋ» دەگەنىڭىز سىرتى سۇلۋ جالعان ءسوز. ينفورماتسياسى اشىق ەمەس، تەڭگەرىمدى ەمەس تەكشەگە قوسىلعان سوڭ، تۇتىنۋشىلار قارجى قوسۋ جولى قايدا، كىرىسى ۇيلەسىمدى مە، ۇيلەسىمسىز بە دەگەنگە كوز جەتكىزە المايدى دا، پيراميدا الدامشىلىعىنىڭ قۇرىعىنا ءىلىنىپ، ورنىنا كەلمەيتىن زيان ارقالاپ قالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
