الدىڭعى 10 ايدا شينجياڭنان وتكەن جۇڭگو - ەۆروپا كەزەكشى پويەزدەرىنىڭ سانى بىلتىرعىنىڭ جالپى جيىنتىعىنان استى
سايكەس مەزگىلدەگىدەن ％53.68 ارتتى
2019.11.20 15:15 كەلۋ قاينارى : حالىق تورابى
حالىق تورابى، 11 – ايدىڭ 20 – كۇنى، بەيجيڭ. بيىل جىل باسىنان بەرى، شينجياڭنان وتكەن جۇڭگو - ەۆروپا كەزەكشى پويەزدەرى قاۋىرت كوبەيدى. ءۇرىمجى كەدەنىنىڭ ساناعىنا قاراعاندا، بيىل الدىڭعى 10 ايدا ءۇرىمجى كەدەنى جۇڭگو - ەۆروپا كەزەكشى پويەزدەرىنەن جيىنى 5743ىن باقىلاپ - باسقارعان، بۇل بىلتىرعى سايكەس مەزگىلدەگىدەن ％53.68 كوبەيىپ، سانى بىلتىرعىنىڭ جالپى جيىنتىعىنان اسقان.
قازىر، شينجياڭنان وتەتىن جۇڭگو - ەۆروپا كەزەكشى پويەزدەرىنەن «چۇڭچيڭ - شينجياڭ – ەۆروپا»، «جىڭجوۋ - شينجياڭ – ەۆروپا» قاتارلى 16 جەلى بار، مۇنىڭ ىشىندە شەكارادان شىعاتىن پويەزدەر، باستىسى، ليانيۇنگاڭ، جىڭجوۋ، چىڭدۋ، چۇڭچيڭ سياقتى قالالاردان، شەكارادان كىرەتىن پويەزدەر، باستىسى، گەرمانيا، پولشا، وزبەكستان، قازاقستان سياقتى ەلدەردەن كەلەدى. الاتاۋ شەكارا وتكەلىمەن قاتىنايتىن جۇڭگو - ەۆروپا كەزەكشى پويەزدەرى بىلتىرعى 10 جەلىدەن 14 جەلىگە كوبەيىپ، قاتىناۋ جيىلىگى دە كۇنىنە 6 − 7دەن 9عا ارتتى.
«ءبىر بەلدەۋ، ءبىر جولدى» بىرگە قۇرۋدىڭ ىشكەرىلەي ىلگەرىلەۋىنە ساي، جۇڭگو - ەۆروپا كەزەكشى پويەزدەرىمەن شەكارادان كىرگىزىلەتىن - شىعارىلاتىن جۇكتەردىڭ ءتۇرى دە ۇزدىكسىز كوبەيۋدە. العاشىنداعى ەلەكتروندىق ونىمدەر، تۇرمىستىق بۇيىمدار سياقتىلاردان ماشينا ونىمدەرى، حيميا ونەركاسىبى ونىمدەرى، ازىق - تۇلىك سياقتى 200 نەشە تۇرگە جەتتى، جۇڭگو شينجياڭدا وندىرىلگەن قىزاناق قويمالجىڭى دا جۇڭگو - ەۆروپا كەزەكشى پويەزىمەن سوناۋ قيىرداعى يتالياعا جەتكىزىلۋدە. قازىرگى تاڭدا، جۇڭگو - ەۆروپا كەزەكشى پويەزدەرىنە قايتار جولدا تولتىرا جۇك تيەلۋ مولشەرى دە ورنىقتى ارتىپ، 2014 - جىلعى ％9.1تەن قازىر ％73كە كوتەرىلدى. سوڭعى جىلداردان بەرى، «جۇڭگو - ەۆروپا كەزەكشى پويەزى + شەكارا اتتاعان ەلەكتروندىق ساۋدا» حالىقارالىق ساۋدا - تاسىمالىنىڭ جاڭا ۇلگىسى اشىلىپ، «ساينياۋ»، «جيڭدۇڭ»، «شۇنفىڭ»، ت. ب اتىنداعى ەلەكتروندىق ساۋدا ارناۋلى پويەزدەرى ىركەس - تىركەس جارىققا شىعىپ، جۇڭگو - ەۆروپا كەزەكشى پويەزدەرىنىڭ شەكارا اتتاعان ساۋداداعى جالپىلىق تيىمدىلىگى كۇن سايىن كورنەكتىلەنىپ كەلەدى.
جۇڭگو - ەۆروپا كەزەكشى پويەزدەرىنە اناعۇرلىم ويداعىداي قىزمەت وتەۋ ءۇشىن، ءۇرىمجى كەدەنى «كەدەن E زات جەتكىزۋ» جوباسىن زەرتتەپ جاساپ، كەدەننىڭ كەزەكشى پويەزدەرى باقىلاۋ - باسقارۋ بىرلىگىن «پويەزدەن» «ۆاگونعا» اينالدىرىپ، كەزەكشى پويەزدەردىڭ جينالۋى، زاتتاردىڭ جينالىپ - توپتالۋى، بوس قوراپتاردى جۇك قوراپتارعا اۋىستىرۋ، ىشكى - سىرتقى ساۋدا تاۋارلارىن ءبىر پويەزبەن تاسىمالداۋ سياقتى كەدەننەن ءوتۋ قولايلىلىعىن جۇزەگە اسىردى. قازىر جۇڭگو - ەۆروپا كەزەكشى پويەزدەرىنىڭ كەدەننەن ءوتۋ ۋاقىتى العاشقى 24 ساعاتتان قازىرگى 14 ساعاتقا قىسقاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
