ايەلدەر ينتەر تورابى ارقىلى اقشا تاباتىن بولدى
2017.05.26 14:23
جۋىق جىلداردان بەرى ينتەر تورابىنىڭ دامۋىنا ىلەسىپ، ايەلدەر قاۋىمى ۇيلەرىندە وتىرىپ تاپسىرىس قابىلداپ، اقشا تاباتىن بولدى، كۇنەس اۋدانى زەكتى قالاشىعى تەمىرلىك قىستاعىنىڭ تۇرعىنى سايراۋگۇل وسى كاسىپپەن شۇعىلدانۋشىلاردىڭ ءبىرى. قىستاق ورتالىعىنان كەستەشىلىك زاۆود قۇرعان سايراۋگۇلگە كۇنەس اۋداندىق يگىلىك قولونەر بۇيىمدارى شەكتى سەرىكتىگىنىڭ جاۋاپتىسى گۇلسارا بىرنەشە جىلدان بەرى ءتۇرلى قولونەر بۇيىمدارىن تاپسىرىس بەرىپ تىكتىرىپ كەلەدى. ول تاپسىرىس الىپ تىككەن قولونەر بۇيىمداردىڭ ساپاسى جاقسى بولعاندىقتان، ەلىمىزدەن تىس، شەتەلدەرگە دەيىن ساتىلا باستاعان. گۇلسارا: «بۇل اراعا كەلىپ ۇنەمى تاپسىرىسعا قول قويامىن، بىلتىر 60 مىڭ يۋان تاپسىرىس بەرگەم، بيىل 260 مىڭ يۋان تاپسىرىس بەرمەكشىمىن، بۇگىن توقتامعا قول قويدىق»، - دەدى.
گۇلسارا ىشكى ولكەدەن جاڭا گۇل باسۋ تەحنيكاسىن ۇيرەنىپ كەلگەن. ول گۇل باسۋ ونىمدەرىن سايراۋگۇلگە ۇنەمى اكەلىپ مانەرلەپ تىكتىرەدى، بىرنەشە جىلدان بەرى ەكەۋىنىڭ سەلبەستىگى وتە جاقسى، ساۋدالارى دا كۇسەت. ءبىر - بىرىنە دەگەن سەنىمدەرى جىل سايىن بەكەمدەلە تۇسكەن ەكەۋى بيىل دا مول تاپسىرىسعا قول قويىستى.
زەكتى قالاشىعى تەمىرلىك قىستاعىنداعى كەستەشىلىك زاۆودىنىڭ جاۋاپتىسى سايراۋگۇل: «ءبىزدىڭ بۇل كاسىپتەندىرۋ بازامىزدا تاپسىرىس ەڭ كوپ بولعاندا 69 ادام ىستەيدى، تاعى ۇيدە وتىرىپ كەستە بۇيىمدارىن تىگەتىندەر بار، تاپسىرىس از بولعاندا، 30 نەشە ادام ىستەيدى، بيىل 300 مىڭ يۋاندىق تاپسىرىس قابىلدادىم»، - دەدى.
سايراۋگۇلدىڭ تانىستىرۋىنشا، بۇل ارادا 30 نەشە قازاق ايەلى ۇلتتىق بوياۋى قانىق تۇس كيىز، سىرماق، گۇلدى كورپە، كيىم - كەشەك، تاقيا، اشەكەي بۇيىمدارى، ساياحات ەستەلىك بۇيىمدارى سياقتى قولونەر بۇيىمدارىن تىگىپ، ءبىر جىلدا مول پايدا تابادى ەكەن.
وسىنداي تىندىرىمدى جۇمىس جۇرگىزگەن سايراۋگۇل 2015- جىلى اۋدان جاعىنان «اۋىل - قىستاقتاعى عىلىم - تەحنيكاعا سۇيەنىپ اۋقاتتانعان شەبەر»، وبلىس جاعىنان «ەڭبەك ۇلگىسى»، «اۋقاتتانۋ شەبەرى»، 2016- جىلى اۋدان جاعىنان «جەلەكتىلەردىڭ كاسىپ جاراتۋ جۇلدىزى» سىندى اتاقتارعا يە بولدى. انار سۇلتان قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
