ايقىن تۋ ۇستاپ، تۇرعىنى بەرىكتەپ، ابسوليۋتتى ادال بولىپ پارتيانى الاڭسىز ەتەتىن، حالىق سەنەتىن ءتارتىپ تەكسەرۋ، باقىلاۋ - تەكسەرۋ جۇيەسىنىڭ جاقسى كادرى بولامىز
− شينجياڭنىڭ ءتارتىپ تەكسەرۋ، باقىلاۋ - تەكسەرۋ جۇيەسىندەگى 100 از ۇلت كادرىنىڭ بىرلەسكەن حاتى
2017.05.27 13:27 كەلۋ قاينارى : شينجياڭ گازەتى
ءبىز − شينجياڭنىڭ ءتارتىپ تەكسەرۋ، باقىلاۋ - تەكسەرۋ شەبىندەگى از ۇلت كادرلارىمىز. ءبىز جۇڭگو كوممۋنيستىك پارتياسىن، جۇڭحۋا حالىق رەسپۋبليكاسىن، جۇڭحۋا ۇلتى ۇلى شاڭىراعىن، باقىتتى جارقىن ءومىردى شەكسىز سۇيەمىز؛ وتاننىڭ حاۋىپسىزدىگىنە زيان جەتكىزەتىن، ۇلتتار ىنتىماعىن، شينجياڭنىڭ ورنىقتىلىعىن بۇلدىرەتىن «ءۇش ءتۇرلى كۇشكە» شەكسىز كەكتەنەمىز! وسى ارادا ءبىز «ءۇش ءتۇرلى كۇشكە» باتىل تۇردە سوعىس جاريالاپ، ماڭگى پارتيا مەن حالىقتىڭ ادال قورعاۋشىسى بولامىز دەپ ايبىندى سەرت بەرەمىز!
«ءۇش ءتۇرلى كۇش» ۇلتتى جەلەۋ ەتىپ، ءدىن تونىن جامىلىپ، ءىسلام ءدىنىنىڭ شاريعاتتارىن بۇرمالاپ، ءدىني ۇشقارى يدەيانى بارىنشا ۋاعىزداپ، پانتۇركيزمدى، ءپانىسلاميزمدى ورشەلەنە ۇگىتتەپ، اق پەن قارانى بىلىقتىرىپ، دۇرىس پەن بۇرىستى شاتاستىرىپ، قاراپايىم، اق كوڭىل ۇيعۇر بۇقاراسىن الداپ، اداستىرىپ، وتاندى بولشەكتەۋ، جۇڭحۋا ۇلتىن بولشەكتەۋ نيەتىندە بولدى، ءبىز بۇعان استە كونبەيمىز.
«ءۇش ءتۇرلى كۇش» قاساقانا زورلىقتى كۇش، لاڭكەستىك دەلولارىن تۋدىرىپ، جازىقسىز بۇقارانى ءولتىرىپ، ءومىردى مەرت ەتىپ، ادامزاتتىڭ ادىلەتىنە، اقيقاتىنا، پاراساتىنا كوپە - كورنەۋ سايىس جاريالاپ، ءوزىنىڭ ادامزاتقا قارسى، قوعامعا قارسى، وركەنيەتكە قارسى جاۋىزدىق تابيعاتىن تولىق ايپارا ەتتى. ولاردىڭ شينجياڭ قوعامىنىڭ تىنىش، ىنتىماقتى، ءار ۇلت حالقىنىڭ الاڭسىز تىرشىلىك ەتكەن اسا تاماشا جاعدايىن بۇلدىرۋگە نيەتتەنگەن زۇلىمدىق ارەكەتىنە باتىل قارسى تۇرامىز.
«ءۇش ءتۇرلى كۇش» ۇلتتار ىنتىماعىنا جاۋ كوزبەن قاراپ جانە ونى ءبۇلدىرىپ، ۇلتتىق وشپەندىلىككە جەلىكتىرىپ، ۇلتتار ارا ارازدىق تۋدىرىپ، ۇيعۇر ۇلتىنا «مەشەۋ، كورگەنسىز، نادان، زورلىقشىل» دەگەن ايدار تاقتى. ولار ۇلتتاردىڭ ەتەنە باۋىرلاستىق سۇيىسپەنشىلىگىن ۇزۋگە سۇقتاندى، ءبىز بۇعان استە جول بەرمەيمىز.
ىنتىماق، ورنىقتىلىق − قۇت، بولشەكتەۋ، بىلىقپالىق − جۇت. «ءۇش ءتۇرلى كۇش» − جالپى ادامزاتتىڭ جاۋى، اسىرەسە، شينجياڭداعى 23 ميلليون ءار ۇلت بۇقاراسىنىڭ جاۋى. «ءۇش ءتۇرلى كۇشتى» ءۇزىلدى - كەسىلدى جويماسا، شينجياڭدا ماڭگى تىنىش كۇن بولمايدى، حالىقتا ماڭگى ءۇمىت بولمايدى، قوعامدا ماڭگى ورنىقتىلىق بولمايدى، بۇقارا ماڭگى باقىتتى تۇرمىس كەشىرە المايدى. ءبىزدىڭ «ءۇش ءتۇرلى كۇشپەن» كۇرەسىمىز − ادىلەتتى كۇرەس، جۇڭحۋا ۇلتىنىڭ ءتۇبىرلى مۇددەسىن قورعاۋ كۇرەسى ءارى ۇيعۇر ۇلتىنىڭ ۇلت ابىرويىن، وبرازىن قورعاۋ كۇرەسى. جاۋاپكەرشىلىك سەزىمگە، ادىلەت سەزىمىنە يە از ۇلت كادرلارى «ءۇش ءتۇرلى كۇشكە» قاتاڭ سوققى بەرۋ كۇرەسىنىڭ ءبىرىنشى شەبىندە تابان تىرەپ تۇرىپ، وتاننىڭ تۇتاستىعىن، ۇلتتار ىنتىماعىن، مەملەكەتتىڭ حاۋىپسىزدىگىن، شينجياڭنىڭ ورنىقتىلىعىن قورعاۋ جولىندا شايقاس جۇرگىزۋى كەرەك. ادىلەت، ءسوزسىز، جەڭەدى، حالىق، ءسوزسىز، جەڭەدى، بولشەكتەۋشىلىككە قارسى كۇرەس، ءسوزسىز، جەڭەدى. ءبىز «ءۇش ءتۇرلى كۇشكە» شينجياڭدا بولشەكتەۋ مەن بىلىقپالىق تۋدىرۋ نيەتىنىڭ بارلىعى ۇيىقتاماي ءتۇس كورۋ، بوس قيال ەكەنىن قاتاڭ ەسكەرتەمىز!
باتىر مايداندا سىنالادى. بۇكىل شينجياڭنىڭ ءتارتىپ تەكسەرۋ، باقىلاۋ - تەكسەرۋ شەبىندەگى بارلىق از ۇلت كادرلارى شي جينپيڭ جولداستى ۇيتقى ەتكەن پارتيا ورتالىق كوميتەتىنە، اۆتونوميالى رايوندىق پارتكومعا، بۇكىل شينجياڭداعى ءار ۇلت حالقىنا بىلاي دەپ ايبىندى سەرت بەرەدى:
− ايقىن تۋ ۇستاي ساياسيدى دارىپتەپ، ساياسيدا ماڭگى اڭعارلى ادام بولامىز. ءبىز باس شۋجي شي جينپيڭ سىندى ۇيتقىنى قورعاۋدى، پارتيا ورتالىق كوميتەتىنىڭ بەدەلىن قورعاۋدى ءبىرىنشى ساياسي تالاپ ەتىپ، يدەيادا ۇيتقىنى تانىپ، ساياسيدا ۇيتقىنى قورعاپ، ۇيىمدىق جاقتا ۇيتقىعا بويسۇنىپ، ارەكەتتە ۇيتقىعا ىلەسىپ، ۇيتقىنى باتىل قورعاپ، ۇيتقىعا كىرشىكسىز ادال بولىپ، قاشاندا پارتيا ورتالىق كوميتەتىنە قاراپ ساپ تۇزەپ، باس شۋجي شي جينپيڭگە قاراپ ساپ تۇزەپ، پارتيانىڭ نازارياسىنا جانە لۋشيان، باعىت - ساياساتتارىنا قاراپ ساپ تۇزەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا قاراپ ساپ تۇزەپ، شينجياڭ استانا بەيجيڭنەن شالعاي جاتسا دا، جۇرەگىمىزدىڭ قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن جاقىن ەتەنە، تىعىز بايلانىسىن ىسكە اسىرىپ، بارلىق ارەكەتتە پارتيا ورتالىق كوميتەتىنىڭ قولباسشىلىعىنا قۇلاق اسىپ، پارتياعا شىن جۇرەكتەن العىس ايتىپ، پارتيانىڭ سوزىنە باتىل قۇلاق اسىپ، ماڭگى پارتياعا ىلەسەمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، نازاردى باس نىساناعا اۋدارىپ، باس نىسانادان كوز جازباي، باس نىسانانى تياناقتاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ ورنىقتىلىقتى قورعاۋداعى كەشەندى شارالارىن كۇش سالا اتقارىپ، شينجياڭنىڭ قوعام ورنىقتىلىعى مەن باياندى تىنىشتىعىن بۇلجىماي ىلگەرىلەتەمىز. ۇلتتىق بولشەكتەۋشى كۇشتەر، زورلىقتى، لاڭكەس كۇشتەر، ءدىني ۇشقارى كۇشتەر، سونداي - اق ولاردىڭ ارەكەتتەرى الدىندا باتىل ءۇن قاتىپ، ايقىن پوزيتسيا ءبىلدىرىپ، كوكىرەك كەرە العا شىعىپ، ۇزدىكسىز العا ۇمتىلىپ، قۇربان بەرۋدەن قورىقپاي، استە ءدۇدامال بولماي، استە ارتقا شەگىنبەي، استە ىمىراعا كەلمەي، استە جۇمساقتىق ىستەمەي، «مونتانى» بولماي، «ەكىبەتكەيلەرمەن» باتىل كۇرەسەمىز.
− جاۋاپكەرشىلىكتى تولىق ادا ەتىپ، تياناقتاندىرۋدى يگەرىپ، ماڭگى پارتيا ءتارتىبىنىڭ قورعاۋشىسى بولامىز. ءبىز پارتيا ۋستاۆىندا جۇكتەلگەن قاسيەتتى بورىشتى مۇقيات وتەپ، شينجياڭ بولشەكتەۋشىلىككە قارسى كۇرەستىڭ الدىڭعى شەبى مەن نەگىزگى مايدانىندا تۇرسا دا، لاڭكەستىككە قارسى تۇرىپ ورنىقتىلىقتى قورعاۋ مىندەتى اۋىر بولسا دا، ءبىراق پارتيا ستيلى، پاكتىك قۇرىلىسىندا جانە جەمقورلىققا قارسى كۇرەستە ەشقانداي ەرەكشەلەنبەۋ يدەياسىن مىقتاپ ورناتىپ، بولشەكتەۋشىلىككە قارسى كۇرەستى يگەرۋمەن قاتار، پارتيا ستيلى، پاكتىك قۇرىلىسىن جانە جەمقورلىققا قارسى كۇرەستى دە يگەرىپ، جەمقورلىققا قارسى تۇرۋ مەن بولشەكتەۋشىلىككە قارسى كۇرەستى تىعىز ۇشتاستىرىپ، ساياسي ءتارتىپ پەن ساياسي قاعيدانى ماڭگى ءبىرىنشى ورىنعا قويىپ، بولشەكتەۋشىلىككە قارسى كۇرەس ءتارتىبىن قاتايتىپ، وتاننىڭ تۇتاستىعىن قورعاۋ، ۇلتتار ىنتىماعىن قورعاۋ، ۇلتتىق بولشەكتەۋشىلىككە قارسى تۇرۋ سياقتى ۇلكەن دۇرىس، ۇلكەن بۇرىس ماسەلەسىندە «ەكىبەتكەيلىك» ىستەگەن «مونتانىلاردى»، ءتىپتى، بولشەكتەۋشىلەرمەن استاسقانداردى، ءتىل بىرىكتىرگەندەردى باتىل تەكسەرىپ، قاتاڭ ءبىر جاقتى ەتىپ، اياۋسىز جازالايمىز. جەمقورلىققا، ءسوزسىز، قارسى تۇرۋدان، جەمقورلاردى ءسوزسىز، الاستاۋدان جازباي، جەمقورلاردى جازالاۋدىڭ تەگەۋرىندى كۇيىن قاشاندا ساقتاپ، نولدىك توزىممەن «جولبارىستى سوعىپ»، «شىبىندى قاعىپ»، «تۇلكىنى اۋلاپ»، ساياسي ماسەلە مەن ەكونوميكالىق ماسەلە ءوزارا كىرىككەن جەمقورلىق دەلولارىن باتىل تەكسەرىپ ءبىر جاقتى ەتىپ، نەگىزگى ساتى كادرلارىنىڭ بۇقارانىڭ مۇددەسىنە زيان جەتكىزۋ، كەدەيلەردى سۇيەمەلدەۋ جانە حالىق تۇرمىسى جاعىنداعى اقشا - زاتتارعا يمەنبەستەن قول سوزعان «سۋىق قولدىق» جەمقورلىق ماسەلەسىن باتىل تەكسەرىپ ءبىر جاقتى ەتىپ، ءار ۇلت بۇقاراسىنىڭ تابىس سەزىمىن ۇزدىكسىز ارتتىرامىز.
− ءوز باسىمىزدان ونەگە كورسەتىپ، ماڭگى ءار ۇلت بۇقاراسىنىڭ ەتەنە جاقىنى بولامىز. ءبىز مۇرات - سەنىمدى بەكەمدەپ، پارتيانىڭ بۇقارالىق لۋشيانىن مۇقيات امالياتتا كورسەتىپ، «ۇعىسۋ، تيىمدىلىك جاساۋ، توعىسۋ» بويىنشا قىستاقتا تۇرۋ قىزمەتىنە، وڭتۇستىك شينجياڭنىڭ مەكتەپكە دەيىنگى تاربيە قىزمەتىنە كومەكتەسۋ جانە «ۇلتتار ىنتىماعىنىڭ بەرەكەلى شاڭىراعى» قيمىلدارىنا بەلسەنە ات سالىسىپ، «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن تىڭعىلىقتى ىلگەرىلەتىپ، «4 ءتۇرلى بۇرىس ستيل»، «4 تەرىس پيعىل» ماسەلەلەرىن باتىل تۇزەتىپ، قىزمەت ستيلىنە ۇزدىكسىز بۇرىلىس جاساپ، ءار ۇلت بۇقاراسىنا قىزمەت ەتۋ قابىلەتىمىزدى شىن مانىندە جوعارىلاتامىز. «ءۇشتىڭ ءبىر - بىرىنەن ايرىلا الماۋى»، «5 ورتاق تانىم» يدەياسىن مىقتاپ ورناتىپ، ءار ۇلت بۇقاراسىن ءوزارا ءتۇسىنىپ، ءوزارا قۇرمەت ەتىپ، ءوزارا باۋىرمال بولىپ، ءبىر - ءبىرىنىڭ ارتىقشىلىعىن قابىلداپ، ءوزارا ۇيرەنىپ، ءوزارا كومەكتەسىپ، ۇلتتار ىنتىماعىن كوزىنىڭ قاراشىعىنداي قورعاپ، ۇلتتار ىنتىماعىن ومىرىندەي قاستەرلەپ، اناردىڭ دانىندەي تىعىز بىرىگىپ، ءبىر - بىرىمەن تىعىز قابىسقان، ءبىر - بىرىنەن ايرىلمايتىن تاعدىر ورتاق تۇلعاسىن قالىپتاستىرۋعا تاربيەلەيمىز، جەتەكتەيمىز. ءوز باسىمىزدان باستاپ، قۇربان تۇلىم اتاي سياقتى، وبۇلقاسىم ءماتتۇرسىن سياقتى پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى بولىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا بار اقىل - پاراساتىمىز بەن كۇش - قۋاتىمىزدى ارنايمىز.
ءىس جاراسىمدىلىقتا، كۇش بىرلىكتە. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعى، تۋىسقان ولكە، قالالاردىڭ قالتقىسىز كومەگى، اۆتونوميالى رايوندىق پارتكومنىڭ پارمەندى باسشىلىعى تۇرعاندا، بۇكىل شينجياڭداعى ءار ۇلت حالقى ىنتىماقتاسا العا ىلگەرىلەگەندە، شينجياڭنىڭ، ءسوزسىز، «ءۇش قاتاڭ سوعىستى» جاقسى جۇرگىزىپ، «حالىقتىق سوعىستىڭ» جەڭىسىنە قول جەتكىزەتىندىگىنە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىراتىندىعىنا، شينجياڭنىڭ بولاشاعىنىڭ ءتىپتى كوركەم بولاتىندىعىنا، ۇلى وتاننىڭ بولاشاعىنىڭ ءتىپتى جارقىن بولاتىندىعىنا كامىل سەنەمىز.
احىمەتجان مينام باستاعان 100 از ۇلت ءتارتىپ تەكسەرۋ كوميتەتى شۋجيى
2017 - جىلى 25 - مامىر
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
