ەرەكشە، باسىمدىعى بار كاسىپتەردى زورايتىپ، وزىندىك دامۋ قۋاتىن كوتەردى
شينجياڭنىڭ ەرەكشە وسى زامانعى كاسىپ جۇيەسى العاشقى ادىمدا قالىپتاستى
2017.07.06 15:03 كەلۋ قاينارى : شينجياڭ گازەتى
ءتىلشىمىز شى شين 4 - شىلدەدە ۇرىمجىدەن حابارلايدى. «ساياسات، شيكىزات، وڭىرلىك ورىن، وزىندىك قۇن، جۇڭگو - ەۆروپا حالىقارالىق كەزەكشى پويەزى سياقتى جاقتارداعى تەڭدەسسىز باسىمدىعىنا سۇيەنگەن شينجياڭ جىبەك جولى ەكونوميكالىق بەلدەۋىندەگى كومەسكى كۇشى ەڭ زور جەرگە جانە توقىماشىلىق، كيىم - كەشەك كاسىبىنە قارجى قوسۋ ورلەۋى ەڭ جوعارى جەرگە اينالدى». 2 - شىلدەدە فوشان قالاسى لانۋا تيانشى كيىم - كەشەك شەكتى سەرىكتەستىگىنىڭ باس جوراسى چىن رۇنزى ءوزىنىڭ العاشقى تالعامىنان ەش ءشۇبالانباعاندىعىن ايتتى.
شينجياڭدا توقىماشىلىق، كيىم - كەشەك كاسىبىن دامىتۋدىڭ زور ورايىن جانە الىپ بازارىن ءدال كوزدەگەن چىن رۇنزى بىلتىر ءپايزاۋات اۋدانىندا قارجى قوسىپ كيىم - كەشەك زاۆودىن قۇرعان بولاتىن.
قازىر ءتىپتى دە كوپ ساۋداگەرلەر چىن رۇنزى سياقتى شينجياڭعا ءجيى كەلىپ، توقىماشىلىق، كيىم - كەشەك كاسىبىن كوزدەن كەشىرىپ، قارجى قوسىپ سەلبەسۋ ورايىن قاراستىرۋدا. اۆتونوميالى رايوندىق دامۋ جانە رەفورما كوميتەتىنىڭ ساندى مالىمەتىنە قاراعاندا، بيىل قاڭتار ايىنان ءساۋىر ايىنا دەيىن ىشكى ولكەدەن شينجياڭعا كەلىپ، قارجى قوسقان توقىماشىلىق، كيىم - كەشەك كاسىپورىندارى 90عا جەتكەن (مۇندا بيڭتۋاندا 3 كاسىپورىن بار).
ساندى مالىمەتتە كورسەتىلۋىنشە، 5 جىلدان بەرى، تۇتاس رايونىمىزدىڭ توقىماشىلىق، كيىم - كەشەك كاسىپتەرىنىڭ تۇراقتى مال - مۇلىكىنە قوسىلعان قارجى 4 ميلليارد 358 ميلليون يۋاننان 47 ميلليارد 970 ميلليون يۋانعا (بيڭتۋان قامتىلمايدى) جەتىپ، 10 ەسە ارتقان؛ تۇتاس رايونىمىزدا ارحيۆكە الىنعان توقىماشىلىق، كيىم - كەشەك كاسىپورىندارىنىڭ سانى 89دان 2083كە جەتىپ، 4.22 ەسە ارتقان؛ كولەم قالىپتاستىرعان توقىماشىلىق، كيىم - كەشەك كاسىپورىندارىنىڭ ارتقان قۇنى 2 ميلليارد 558 ميلليون يۋاننان 8 ميلليارد 40 ميلليون يۋانعا جەتىەپ، %314.3 ارتقان؛ وسى سالادا جۇمىستانعاندار 42 مىڭ ادامنان 380 مىڭ ادامعا جەتىپ، 8 ەسە ارتقان.
5 جىلدان بەرى، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايون ەرەكشە، باسىمدىعى بار كاسىپتەردى دامىتىپ، زورايتىپ، ءداستۇرلى كاسىپتەردىڭ جاڭالانۋىن، دارەجەسىنىڭ جوعارىلاۋىن جەبەپ، ەكونوميكالىق دامۋدىڭ جاڭا قوزعالىس ەنەرگياسىن جەتىلدىرىپ، ەكونوميكانىڭ جاڭالىق اشا دامۋىن ىلگەرىلەتتى جانە وعان قىزمەت كورسەتتى، وسىنىڭ ارقاسىندا شينجياڭ ەرەكشەلىگىنە يە وسى زامانعى كاسىپ جۇيەسى العاشقى ادىمدا قالىپتاستى.
1 - كاسىپتىڭ دەڭگەيىن كوتەرۋگە تاباندى بولىپ، استىقتى ورنىقتىرۋدى، ماقتانى رەتتەۋدى، جەمىستى ساپالىلاندىرۋدى، مال شارۋاشىلىعىن كوركەيتۋدى ارقاۋ ەتىپ، ەگىن، مال شارۋاشىلىعىن دامىتۋدىڭ كومەسكى كۇشىن جان - جاقتى اشۋدىڭ ارقاسىندا استىقتىڭ ءونىم مولشەرى «9 جىل ءۇرتىس ارتۋ» جاعدايىن جۇزەگە اسىردى، 2016 - جىلى تۇتاس رايونىمىزدىڭ استىق جالپى ءونىمى 19 ميلليون 687 مىڭ تونناعا جەتىپ، الدىڭعى 5 جىلمەن سالىستىرعاندا ورتاشا جالپى ءونىمى 6 ميلليون 257 مىڭ توننا ارتىپ، ارتۋ مولشەرى %46.6بولدى.
2 - كاسپتە ءتۇيىندى يگەرۋگە تاباندى بولىپ، كومىر، كومىر - ەلەكتر، كومىر - حيميا ونەركاسىبى، مۇناي، مۇناي - تابيعي گاز، مەتال قورىتۋ، قۇرىلىس ماتەريالدارى، جەڭىل ونەركاسىپ، ازىق - تۇلىك، ماشينا جاساۋ، ۇلتتىق قولونەركاسىپ، ۇلتتىق شيپاگەرلىك، دارىگەرلىك سياقتى ءداستۇرلى كاسىپتەردى جاڭالاۋدى جانە ولاردىڭ دارەجەسىن كوتەرۋدى جەدەلدەتىپ، كاسىپ سالاسىنىڭ ورتا جوعارى دەڭگەيگە اياق باسۋىن ىلگەرىلەتتى، مۇنايعا جاتپايتىن ونەركاسىپتىڭ سالىستىرماسى بىرتىندەپ %69.6جوعارىلاپ، مۇناي ونەركاسىبىندە «ءبىر كاسىپتىڭ جەكە - دارا زورايۋ» جاعدايىندا تۇبىرىنەن بۇرىلىس بولدى؛ ەنەرگيا ۇنەمدەۋ، ورتانى قورعاۋ، جاڭا ۇرپاق ينفورماتسيا تەحنيكاسى، جوعارى ورەلى جابدىق جاساۋ سياقتى 7 ۇلكەن ستراتەگيالىق سيپاتتى جاڭادان گۇلدەنگەن كاسىپتەردىڭ GDP دا ۇستايتىن سالىستىرماسى %7كە جەتىپ، كاسىپتەردىڭ جوعارى دەڭگەيلەنۋ اياق الىسى كورنەكتى تەزدەدى.
3 - كاسىپتى بارىنشا دامىتۋعا تاباندى بولدى، 3 - كاسىپتىڭ سالىستىرماسى نەشە 10 جىلدان بەرى تۇڭعىش رەت 2 - كاسىپتى باسىپ وزىپ، ەكونوميكانىڭ ارتۋىنا قوسقان ۇلەسى %55تەن استى، ساياحاتتى مىسالعا الار بولساق، 5 جىلدان بەرى، تۇتاس رايونىمىزدا 1997 ساياحات نىسانانى جاڭادان قۇرىلىپ، ساياحات كاسىبىنە قوسىلعان قارجىنىڭ جالپى مولشەرى 83 ميلليارد 190 ميلليون يۋان بولدى.
وسىمەن بىرگە، اۆتونوميالى رايون ورتالىقتىڭ شەشىمدەرىن، ورنالاستىرۋلارىن تىڭعىلىقتى دايەكتىلەندىرىپ، رەفورمانىڭ اياق الىسىن تەزدەتىپ، ءوندىرىس قۋاتىن ازايتىپ، قامبادا ساقتالۋ جايتىن ازايتىپ، سۇيمەندى ازايتىپ، وزىندىك قۇندى تومەندەتىپ، ولقىلىقتاردى تولىقتاپ، قامداۋ جاعىنداعى قۇرىلىمدىق رەفورمانى ىلگەرىلەتۋگە ۇزدىكسىز كۇش سالۋدىڭ ارقاسىندا بەلسەندى ناتيجەلەر كورنەكتىلەنە ءتۇستى. مەملەكەتتىك ساناق مەكەمەسىنىڭ تەكسەرىپ تۇراقتاندىرۋىنا قاراعاندا، بيىل العاشقى توقساندا رايونىمىزدىڭ وڭىرلىك ءوندىرىس جالپى قۇنى 179 ميلليارد 185 ميلليون يۋان بولىپ، بىلتىرعى سول تۇستاعىدان %7.6 ارتتى، ارتۋ قارقىنى بۇكىل ەلدەن 0.7 پايىز جوعارىلاپ، 2015 - جىلدان بەرگى العاشقى توقسانداعى باستاماسىنىڭ ەڭ جاقسى دەڭگەيىن جاراتتى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
