قول ۇستاسىپ، ازيا - تىنىق مۇحيت ءوڭىرىنىڭ ءوزارا ءتيىمدى ىنتىماقتاستىعىنىڭ جاڭا داستانىن جازايىق
− ازيا - تىنىق مۇحيت ەكونوميكالىق ىنتىماقتاستىق ۇيىمى مۇشەلەرى باسشىلارىنىڭ 25 - رەتكى بەيرەسمي ءماجىلىسىنىڭ1 - كەزەڭدىك ماجىلىسىندە سويلەنگەن ءسوز
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
2017.11.13 14:07 كەلۋ قاينارى : شينجياڭ گازەتى
(2017 - جىلى 11 - قاراشا، داناڭ)
قۇرمەتتى چىن دايكۋاڭ ءتوراعا،
ارىپتەستەر:
ءتوراعا چىن دايكۋاڭ مەن ۆيەتنام ۇكىمەتىنىڭ وسى رەتكى ءماجىلىس ءۇشىن تياناقتى ورنالاستىرۋ جاساعانىنا راقىمەت ايتامىن. وسىدان بىرنەشە كۇن ىلگەرى، «دامرەي» تايفىڭى ۆيەتنام جەرىنەن قۇرلىققا شىعىپ، اۋىر ءولىم - ءجىتىم مەن مال - مۇلىك شىعىنىن تۋدىردى. مەن جۇڭگو ۇكىمەتى مەن حالقى اتىنان اپات بولعان وڭىردەگى حالىقتان شىن جۇرەكتەن حال سۇرايمىن!
3 جىلدىڭ الدىنداعى وسى كۇنى، ءبىز بەيجيڭدە ازيا - تىنىق مۇحيت ءوڭىرىنىڭ ۇلى جوسپارىن اقىلداسقان ەدىك. جۇڭگولىقتار «3 جىلدا تابىسقا جەتۋگە بولادى» دەگەن ءسوزدى ۇنەمى ايتادى. 3 جىلدان بەرى الەم ەكونوميكاسى بىرتىندەپ جاقسارىپ، حالىقارالىق فينانس داعدارىسىنان كەيىنگى قايتا قالپىنا كەلۋدىڭ ەداۋىر كۇشتى بەلگىسى بايقالا باستادى، تاراپتاردىڭ سەنىمى نىعايىپ كەلەدى.
احۋالدى بارلاي بىلگەن اقىل تابادى، جاعدايدى مەڭگەرە بىلگەن جەڭىسكە جەتەدى. ءبىز الەم ەكونوميكاسىندا ورىن الىپ وتىرعان تەرەڭ ساتىلى كەلەلى وزگەرىستەردى تاني بىلۋگە ءتيىسپىز. كەشە مەن ونەركاسىپ - ساۋدا باسشىلارىنىڭ باس قوسۋىندا سويلەگەن سوزىمدە ءوز كوزقاراسىمدى ايتتىم. ازيا - تىنىق مۇحيت وڭىرىندەگى ءار جاق جاعدايعا سايكەس پايدالى باعىت ۇستانىپ، ارەكەتتى تياناق ەتىپ، عالامدىق جاڭا كەزەكتى دامۋ، گۇلدەنۋگە جەتەكشىلىك ەتۋى كەرەك.
ءبىرىنشى، جاڭالىق اشۋدى قاجىماي ىلگەرىلەتىپ، دامۋدىڭ قۋاتتى قوزعاۋشى كۇشىن قالىپتاستىرۋ كەرەك. جاڭالىق اشۋ − دامۋعا تۇرتكى بولاتىن ءبىرىنشى سۇيمەن. قازىرگى كەزدە جاڭا گۇلدەنگەن عىلىم - تەحنيكا جانە ونەركاسىپ توڭكەرىسى قاۋىرت قانات جازىپ، جاڭالىق اشا دامۋ تاپتىرماس تاريحي ورايعا ءدوپ كەلىپ وتىر. ءبىز عىلىم - تەحنيكادا جاڭالىق اشۋ مەن تۇزىمدە جاڭالىق اشۋ دەگەن ەكى دوڭعالاقتى بىردەي دوڭگەلەتىپ، بازار مەن تەحنيكانى جاراسىمدى جاڭعىرتىپ، جاڭا تەحنيكا، جاڭا فورماتسيا، جاڭا ۇلگىلەردىڭ ۇزدىكسىز شەشەك اتىپ، جەمىس بەرۋىنە مۇمكىندىك تۋدىرىپ، دامۋدىڭ كومەسكى مۇمكىندىكتەرىن مەيلىنشە اشىققا شىعارۋعا ءتيىسپىز. ءبىز ازيا - تىنىق مۇحيت ەكونوميكالىق ىنتىماقتاستىق ۇيىمىنىڭ تۇعىرىن ويداعىداي پايدالانىپ، بيىل جاسالعان ينتەرنەت جانە سيفرلى ەكونوميكا جول كارتاسىن ىشكەرىلەي تياناقتاندىرۋىمىز كەرەك.
وتكەن بىرنەشە جىلدا، جۇڭگو ەكونوميكاسىنىڭ جاڭا قوزعاۋشى كۇشتەرى ۇزدىكسىز كوزگە ءتۇستى، بۇنىڭ تەتىگى جاڭالىق اشا دامۋ جولىنا تابان تىرەپ تۇرعاندىعىمىزدا. 30 جىلدىڭ الدىندا، جۇڭگونىڭ العاشقى ەلەكتروندىق حاتى بەيجيڭنەن جىبەرىلىپ ەدى. قازىر جۇڭگودا 750 ميلليون ادام ينتەرنەتتى پايدالانادى، ينتەرنەتتەگى بولشەك ساتىلىم اينالىمى جىلىنا ورتا ەسەپپەن %30 ارتىپ، بىرگە يگىلىككە كەنەلەتىن دامۋدىڭ كولەمى حالىق اقشاسىمەن 3 تريلليون 500 ميلليارد يۋانعا جەتىپ، موبيلدىك تولەم كولەمى حالىق اقشاسىمەن 158 تريلليون يۋاننان استى. تەك جۇرەكتىلىكپەن ىزدەنىس جاساي بىلسەك، جاڭالىق اشا دامۋ جولىنىڭ بارعان سايىن كەڭي تۇسەتىنىن شىندىق دالەلدەدى.
ەكىنشى، ەسىك اشۋدى تاباندىلىقپەن كەڭەيتىپ، كەڭ دامۋ ءورىسىن دايىنداۋ كەرەك. تاريح بىزگە ەسىكتى بەكىتىپ الىپ قۇرىلىس جۇرگىزۋدىڭ تابىستى بولمايتىنىن، اشىق دامۋدىڭ عانا دۇرىس جول ەكەنىن ۇعىندىردى. ءبىز اۋەلگى ماقساتتى ۇمىتپاي، ساۋدا مەن قارجى سالىمىنىڭ ىرىقتاندىرىلۋى مەن وڭتايلانۋىن ىشكەرىلەي ىلگەرىلەتىپ، اشىق ەكونوميكا قۇرىلىمداپ، كوپ جاقتى ساۋدا ءتۇزىلىسىن قورعاپ جانە كۇشەيتىپ، ەكونوميكانىڭ جاھاندانۋىن قايتا تەڭگەرىلۋگە جەتەكتەۋىمىز كەرەك. اقىلداسىپ بەكىتىلگەن جول كارتاسى بويىنشا، ازيا - تىنىق مۇحيت ەركىن ساۋدا رايونىنىڭ قۇرىلىسىن بۇلجىماستان ىلگەرىلەتىپ، ەسىك اشۋ بارىسىندا ازيا - تىنىق مۇحيت ءوڭىرىنىڭ جاڭا كەزەكتى دامۋىن ىسكە اسىرۋىمىز كەرەك.
كەلەر جىلى جۇڭگونىڭ رەفورما جاساپ، ەسىك اشقانىنا 40 جىل تولادى. 40 جىلعا تاياۋ ۋاقىتتان بەرى، جۇڭگو سىرتقا ەسىك اشۋعا تاباندى بولىپ، دۇنيە جۇزىنە بەت الۋ ۇردىسىندە وزىندىك سەكىرمەلى دامۋدى ىسكە اسىردى. بولاشاققا كوز جىبەرسەك، جۇڭگونىڭ ەسىك اشۋ تەبىنى ارتىپ، الەمدى يگىلىكتەندىرۋ دەڭگەيى تەرەڭدەي تۇسپەك. كەلەر جىلدان باستاپ، ءبىز جۇڭگو حالىقارالىق يمپورت كورمەسىن وتكىزىپ، ءوزارا پايدالى ىنتىماقتاستىققا جاڭا تۇعىر قالايمىز. بۇل تاراپتاردىڭ جۇڭگو دامۋىنىڭ ۇلەس پايداسىن ءتىپتى ويداعىداي بولىسۋىنە ءتيىمدى ەكەنىنە سەنەمىن.
ءۇشىنشى، قامتىمدى دامۋدى بەلسەنە ىسكە اسىرىپ، جۇرتشىلىقتىڭ تابىس سەزىمىن ۇلعايتا ءتۇسۋ كەرەك. قامتىمدىلىقتىڭ جەتىسپەۋشىلىگى جاپپاي ءومىر ءسۇرىپ وتىرعان ماسەلە. ءبىز قامتىمدىلىقتى كوتەرۋدى ءتىپتى كورنەكتى ورىنعا قويىپ، تەڭدىك پەن تيىمدىلىكتىڭ، كاپيتال مەن ەڭبەكتىڭ، تەحنيكا مەن جۇمىسقا ورنالاستىرۋدىڭ قاتىناسىن ويداعىداي شەشىپ، جاساندى زەردە سياقتى جاڭا تەحنيكالاردىڭ جۇمىسقا ورنالاستىرۋعا جاسايتىن ىقپالىنا ءمان بەرىپ، ءتىپتى كوپ ادامدى دامۋدىڭ جەتىستىكتەرىنەن يگىلىكتەندىرۋىمىز كەرەك. ءبىز بيىل جاسالعان قامتىمدى ارەكەت كۇن ءتارتىبى حۇجاتىن ويداعىداي تياناقتاندىرىپ، كەدەيلىكتى ازايتۋ، ورتا، شاعىن، ۇساق كاسىپورىندار، وقۋ - اعارتۋ، جەمقورلىقپەن كۇرەس، قالا - قالاشىقتانۋ، ايەلدەر سياقتى سالالارداعى ىنتىماقتاستىقتى تەرەڭدەتىپ، ازيا - تىنىق مۇحيت وڭىرىندەگى 2 ميلليارد 800 ميلليون حالىقتىڭ يگىلىگىن نىعايتۋىمىز قاجەت.
جۇڭگو قاشاندا جۇمىسقا ورنالاستىرۋدى الدىمەن ەسكەرۋگە تاباندى بولىپ، ەكونوميكالىق دامۋدىڭ جۇمىس ورايىن تۋدىرۋ قابىلەتىن كۇش سالا نىعايتىپ، شارۋاشىلىق قۇرۋ ارقىلى جۇمىسقا ورنالاستىرۋعا جەتەكشىلىك ەتىپ، جوعارى مەكتەپ تۇلەكتەرى سياقتى ءتۇيىندى قاۋىمنىڭ جۇمىسقا ورنالاسۋىن قامتاماسىز ەتىپ، ءبىلىم بەرۋ، تاربيەلەۋ ارقىلى ەڭبەككۇشتەردىڭ ساپاسىن جوعارىلاتىپ، جۇمىسقا ورنالاسۋداعى قۇرىلىمدىق قايشىلىقتى باسەيتتى. وتكەن بىرنەشە جىلدا، جۇڭگو قالا - قالاشىقتاردا جىلىنا 13 ميلليوننان اسا ادامدى جاڭادان جۇمىسقا ورنالاستىردى. ءبىزدىڭ وسىدان تۇيگەن ماڭىزدى ويىمىز − تەك ءبىر تۇتاس جوسپارلاۋدى كۇشەيتىپ، شارالاردى تياناقتاندىرار بولسا، جۇمىسقا ورنالاستىرۋ ەكونوميكالىق قۇرىلىمدى رەتتەۋدە، ءسوز جوق، تولەۋگە ءتيىستى بوداۋ بولمايدى، جۇمىسقا ورنالاستىرۋدى ورنىقتىرۋ رەفورما مەن دامۋدىڭ قۇلاش جايۋىنا جەتكىلىكتى كەڭىستىك ازىرلەيدى.
ءتورتىنشى، سەرىكتەستىك قاتىناستىڭ ىشكى ءمانىن ۇزدىكسىز بايىتىپ، ءوزارا تيىمدىلىكتى ىسكە اسىرۋ كەرەك. ءبىز ءبارىمىز ازيا - تىنىق مۇحيت وڭىرىنە جاتامىز، ءبىر - بىرىمىزبەن تىنىسىمىز ءبىر، تاعدىرىمىز جالعاس. تاعدىرلاس ورتاق تۇلعا تانىمىن كۇشەيتىپ، ساياساتتاردى سايكەستىرىپ، ءتۇيىستىرۋدى كۇشەيتىپ، كۇشتەردى جۇمىلدىرۋىمىز كەرەك. ءار تۇرلىلىكتەن جاراستىق تابۋدى بەرىك ۇستانىپ، ارتىقشىلىقتارىمەن ءوزارا تولىقتىرۋ، ىنتىماقتاستىق ارقىلى ءوزارا پايدا جەتكىزۋ، دامۋدا ءوزارا ۇلگى الۋدى ىلگەرىلەتۋ كەرەك. وزىندىك مۇددە مەن باسقالاردىڭ مۇددەسىن بىردەي ەسكەرىپ، ساياساتتىق ۇنامسىز ارنادان اسۋ اسەرىن ازايتۋ كەرەك. ءبىز ازيا - تىنىق مۇحيت سەرىكتەستىك قاتىناسىنىڭ باعىتى مەن جۇلگەسىن تۇراقتاندىرىپ بولدىق، ەندى سونى تىڭعىلىقتى تۇردە العا جىلجىتۋ قاجەت.
بىرگە اقىلداسۋ، بىرگە قۇرۋ، بىرگە يگىلىكتەنۋ ۇستانىمى نەگىزىندە، جۇڭگو جاق «ءبىر بەلدەۋ، ءبىر جول» قۋاتتاماسىن ورتاعا قويىپ جانە بەلسەندىلىكپەن ىلگەرىلەتىپ، ءار جاقتىڭ ىستىق ىقىلاسپەن قۇپتاۋى مەن قولداۋىنا يە بولدى. بيىل مامىردا «ءبىر بەلدەۋ، ءبىر جول» حالىقارالىق ىنتىماقتاستىعى جوعارى دارەجەلى باسشىلار تالقى مىنبەرى بەيجيڭدە ءساتتى وتكىزىلىپ، مول ناتيجەگە قول جەتىپ، «ءبىر بەلدەۋ، ءبىر جولدى» بىرگە قۇرۋدىڭ جاپپاي اتقارىلا باستايتىن جاڭا كەزەڭگە ءوتۋىن ىلگەرىلەتتى. جۇڭگو جاق وسىنى عانيبەت وراي دەپ ءبىلىپ، ازيا - تىنىق مۇحيت سەرىكتەرىمەن ساياساتتاردى بايلانىستىرىپ، قۇرىلعىلاردى تۇتاستىرىپ، ساۋدانى ىركىلىسسىزدەندىرىپ، قارجىنى اينالىمعا سالىپ، جۇرت جۇرەگىن توعىستىرىپ، سايكەسە ىقپالداسىپ دامۋدى ىسكە اسىرىپ، تاعدىرلاس ورتاق تۇلعا باعىتىمەن ارشىنداي العا باسۋدى قالايدى.
ارىپتەستەر!
ءبارىڭىز جۇڭگونىڭ بولاشاق دامۋىنا قاداعالاي نازار اۋدارىپ وتىرسىزدار. وتكەن ايدا جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى تابىسپەن وتكىزىلدى. ءبىز جۇڭگوشا سوتسياليزم جاڭا داۋىرگە وتكەن تاريحي ورىنعا تابان تىرەپ، سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن ىسكە اسىرۋ باس نىساناسىن نازارعا الىپ، الداعى ءبىر مەزگىلدەگى نەگىزگى جالپى جوبا مەن دامۋ جوباسىن جاسادىق. ءبىز حالىقتى وزەك ەتكەن دامۋ يدەياسىنا تاباندى بولىپ، دامۋدىڭ بىركەلكى، تولىق بولماۋى ماسەلەسىن كۇش سالا شەشىپ، دامۋدىڭ ساپاسى مەن تيىمدىلىگىن بار كۇشپەن كوتەرىپ، حالىقتىڭ ەكونوميكا، ساياسي، مادەنيەت، قوعام، ەكولوگيا سياقتى جاقتاردا كۇن ساناپ ارتا تۇسكەن قاجەتىن ءتىپتى ويداعىداي قاناعاتتاندىرىپ، ادامنىڭ جان - جاقتى دامۋىن، قوعامنىڭ جاپپاي العا باسۋىن ءتىپتى ويداعىداي ىلگەرىلەتەمىز. ءبىز جاڭا دامۋ ۇستانىمىن ىشكەرىلەي ىلگەرىلەتىپ، رەفورمانى جاپپاي تەرەڭدەتىپ، جاڭاشىل مەملەكەت قۇرۋدى جەدەلدەتىپ، جاپپاي ەسىك اشۋدىڭ جاڭا جاعدايىنىڭ قالىپتاسۋىن ىلگەرىلەتىپ، وسىزاماندانعان ەكونوميكالىق جۇيە قۇرامىز.
دامۋ قوزعاۋشى كۇشى اناعۇرلىم جەتكىلىكتى، حالىقتىڭ تابىس سەزىمى اناعۇرلىم كۇشەيگەن، الەممەن ىقپالداستىعى اناعۇرلىم تەرەڭدەگەن جۇڭگونىڭ، ءسوز جوق، ازيا - تىنىق مۇحيت ءوڭىرى مەن الەمگە ءتىپتى كوپ وراي تۋدىرىپ، ءتىپتى، زور ۇلەس قوساتىنىنا سەنەمىن.
سىزدەرگە راقىمەت.
(شينحۋا اگەنتتىگىنىڭ 11 - قاراشادا داناڭنان بەرگەن حابارى)
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
