نۇرلان ءابىلماجىن ۇلى شينجياڭ پەداگوگيكا ۋنيۆەرسيتەتىندە پارتيانىڭ 19 - قۇرىلتايىنىڭ رۋحى جونىندە ۇگىت - لەكسيا جاسادى
2017.11.16 13:57 كەلۋ قاينارى : شينجياڭ گازەتى
جاڭا داۋىردە جاستىقتىڭ ارمانىن الاۋلاتىپ، ءومىردىڭ شۇعىلالى جىر - داستانىن جازايىق
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى 14 - قاراشا تۇستەن بۇرىن ءوزى بايلانىس ورناتقان شينجياڭ پەداگوگيكا ۋنيۆەرسيتەتىنىڭ باستاپقى وقۋ - اعارتۋ ينستيتۋتىنا، تاريح ينستيتۋتىنا كەلىپ، پارتيانىڭ 19 - قۇرىلتايىنىڭ ۋاكىلى ساناتىندا ءار ۇلت وقىتۋشى - وقۋشىلارىنىڭ اراسىنا بارىپ، پارتيانىڭ 19 - قۇرىلتايىنىڭ رۋحى جونىندە ۇگىت - لەكسيا جاسادى. ول بىلاي دەپ باسا دارىپتەدى: جاستار پارتيانىڭ 19 - قۇرىلتايىنىڭ رۋحىن ويداعىداي ۇيرەنۋدى، ۇگىتتەۋدى، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى ەڭ ماڭىزدى ساياسي مىندەت ەتىپ، جەتە ۇيرەنۋگە، جەتە يگەرۋگە، شىنايى تياناقتاندىرۋعا كۇش سالىپ، جۇڭگوشا سوتسياليزم ۇلى تۋىن بيىك ۇستاپ، جەكە مۇراتى مەن سەنىمىن شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ۇلى ىسىمەن سانالى تۇردە توعىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ ۇلى بارىسىمەن توعىستىرىپ، جاڭا داۋىردە جاستىقتىڭ ارمانىن الاۋلاتىپ، ءومىردىڭ شۇعىلالى جىر - داستانىن جازۋى كەرەك.
نۇرلان ءابىلماجىن ۇلى پارتيانىڭ 19 - قۇرىلتايىنىڭ ۋاكىلى رەتىندە قۇرىلتايعا قاتىناسقان سالتاناتتى، ءساليقالى ءساتتى تەرەڭ سۇيىسپەنشىلىكپەن ەسكە الىپ، پارتيانىڭ 19 - قۇرىلتايىنىڭ ايقىن باستى تاقىرىبىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، وتكەن 5 جىلداعى تاريحي سيپاتتى تابىستار مەن تاريحي سيپاتتى وزگەرىستەردى، جۇڭگوشا سوتسياليزمنىڭ جاڭا داۋىرگە ءوتۋى، جۇڭگوشا سوتسياليزمنىڭ جاڭا داۋىرگە وتۋىنە بايلانىستى پارتيا قۇرىلىسى قىزمەتىنە قويىلعان تىڭ تالاپتاردى ءتۇسىنۋ جاعىنداعى ۇيرەنۋدى تەرەڭدەتۋدى ارقاۋ ەتىپ، پارتيانىڭ 19 - قۇرىلتايىنىڭ رۋحى جونىندە جۇيەلى ۇگىت - لەكسيا جاساپ، ەگجەي - تەگجەيلى ءتۇسىندىردى.
نۇرلان ءابىلماجىن ۇلى بىلاي دەپ اتاپ كورسەتتى: پارتيانىڭ 19 - قۇرىلتايى − جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ كەزەڭىندە، جۇڭگوشا سوتسياليزمنىڭ جاڭا داۋىرگە ءوتۋىنىڭ شەشۋشى مەزگىلىندە اشىلعان توتەنشە ماڭىزدى قۇرىلتاي. ساياسي، نازاريالىق، امالياتتىق جاقتا ءبىرسىپىرا كەلەلى تابىستارعا قول جەتكىزدى، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جونىندە ءبىرسىپىرا كەلەلى نازاريالىق جانە امالياتتىق ماسەلەلەر جونىندەگى كەلەلى باعىت - ساياساتتارعا ەگجەي - تەگجەيلى تۇسىنىك جاساپ، پارتيا مەن مەملەكەتتىڭ ءارقايسى جاقتارداعى قىزمەتى جونىندە ستراتەگيالىق ورنالاستىرۋ جاسادى. ول پارتيامىزدىڭ جاڭا داۋىرگە قادام تاستاۋىنداعى، تىڭ ساپارعا اتتانۋىنداعى، تىڭ داستاندى ۇزدىكسىز جازۋىنداعى ساياسي جارناماسى جانە ارەكەت باعدارناماسى. جاستار پارتيانىڭ 19 - قۇرىلتايىنىڭ رۋحىن سۇيىسپەنشىلىكپەن، جاۋاپكەرشىلىكپەن ۇيرەنۋى، پارتيانىڭ ۇيتقىسى، حالىقتىڭ كوسەمى باس شۋجي شي جينپيڭدى شىن جۇرەكتەن ارداقتاۋى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىلدىقپەن، بۇلجىماي قورعاۋى كەرەك. ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن تىنباي كۇشەيتىپ، شينجياڭ استانا بەيجيڭنەن شالعايدا بولسا دا قالىڭ جاستاردىڭ تىلەگىن شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق تىعىز قابىستىرۋ، ۇشتاستىرۋ كەرەك. ءداۋىر جۇكتەگەن ماڭىزدى مىندەتتى باتىلدىقپەن ارقالاپ، قوعام ورنىقتىلىعى مەن باياندى تىنىشتىق باس نىساناسى تۋىن بيىك ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك.
نۇرلان ءابىلماجىن ۇلى بىلاي دەپ باسا دارىپتەدى: باس شۋجي شي جينپيڭ پارتيانىڭ 19 - قۇرىلتايىنداعى بايانداماسىندا قالىڭ جاس دوستارعا شىنايى ءۇمىت ارتىپ، «جاستار كوركەيسە، ەل كوركەيەدى، جاستار قۇدىرەتتەنسە، ەل قۇدىرەتتەنەدى. جاس بۋىن مۇراتتى بولسا، قابىلەتتى بولسا، بورىش ارقالاسا، مەملەكەتتە كەلەشەك، ۇلتتا ءۇمىت بولادى» دەپ باسا دارىپتەگەن ەدى. جاستار باس شۋجيدىڭ ىقىلاستى تاپسىرماسىن ەستەرىندە بەرىك ساقتاپ، اسقاق مۇرات ورناتىپ، قۇنتتى ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ جالىندى امالياتىندا جاستىقتىڭ ارمانىن الاۋلاتۋعا قۇلشىنۋ كەرەك. تۇرعى بەرىك، وي - سانا سەرگەك بولۋ، «5 ورتاق تانىمدى» تىنباي كۇشەيتۋ، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋ، «ءۇش ءتۇرلى كۇشپەن» ايقىن تۋ ۇستاي وتىرىپ باتىل كۇرەس جۇرگىزۋ كەرەك. ەرىك - جىگەردى شىڭداپ، قابىلەتتى ۇشتاپ، زەر سالا ۇيرەنۋدى جاستىق كوكتەمدى شالعايعا قانات قاقتىرۋدىڭ قوزعاۋشى كۇشىنە، قابىلەتتى ارتتىرۋدى جاستىق كوكتەمنىڭ قۇلشىنىس قۋاتىنا اينالدىرۋ كەرەك. ۇيرەنۋگە شەبەر، وي جۇگىرتۋگە شوگەل بولۋ، پارتيانىڭ 19 - قۇرىلتايىنىڭ رۋحىن كوكەيگە توقۋ، ناقتى ارەكەتكە اينالدىرۋ، جاڭا داۋىردەگى جالىندى ۇلان بولۋعا قۇلشىنۋ كەرەك. اۆتونوميالى رايوندىق ساياسي كەڭەستىڭ باس حاتشىسى حان جۇن ۇگىت - لەكسيا قيمىلىنا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
