باۋىرساق لەكسياسى شاڭحايدا ءساتتى وتكىزىلدى
2017.11.16 15:28
شينجياڭ راديو - تەلەۆيزيا تورابى شەكتى جارنا سەرىكتەستىگىنىڭ <باۋىرساق> مەدياسى مەن ەلجاۋ (شاڭحاي) مادەنيەت تاراتۋ شەكتى سەرىكتەستىگنىڭ <ساق تايپاسى> ۇجىمى سەلبەسىپ ۇيىمداستىرعان <جاڭا ءداۋىر - جاڭا ارمان> تاقىرىبىنداعى ءتورتىنشى ماۋسىم باۋىرساق لەكسياسى 2017 - جىلى 12 - قاراشادا شاڭحايدا تابىسپەن وتكىزىلدى.
وسى جولعى قيمىلعا شاڭحاي قالاسىنان سىرت، بەيجيڭ، نانجيڭ، حاڭجوۋ قاتارلى جەرلەردەن ءار قايسى اقپارات ورىندارى، سونىمەن قوسا جوعارى ۋنيۆەرسيتەتتەردە وقىپ جاتقان ستۋدەنتتەر كەلىپ قاتىناستى.
ۇيىمداستىرۋشىلار بۇل جولعى قيمىلعا ەرەن ەڭبەكتەرىمەن كوزگە ءتۇسىپ جۇرگەن ءوز سالاسىنىڭ جۇيرىكتەرىن ۇسىنىس ەتىپ، ولاردىڭ ءوز تاجىريبەلەرىن كوپشىلىكپەن بىرگە ورتاقتاسۋىنا، وزىق ويلارىن ورتاعا قويۋىنا وراي جاراتتى، وسىنداي تالقى ورىستەتۋ ارقىلى ءار الۋان يدەيالاردىڭ ۇشتاسۋى، ۇزدىك جاستاردىڭ تاجىريبەلەرى مەن ىلعارى يدەيالارى جۇرتقا ورامدى وي، ۇقساماعان تابىس اكەلەدى.
بۇل جولعى باۋىرساق لەكسياسىنا كەلگەن قوناقتار:
ازات يزوللا ۇلى - جۇڭگو كوممۋنيستىك پارتياسىنىڭ مۇشەسى، ورتالىق ۇلتتار ۋنيۆەرسيتەتى قازاق ءتىل - ادەبيەتى ماماندىعىن تامامداعان. قازىر، شاڭحاي قالالىق ۇلت جانە ءدىن ىستەرى كوميتەتى ۇلتتىق ىستەر ءبىرىنشى باسقارماسى باستىعىنىڭ ورىنباسارى، شاڭحاي قالالىق ءىسلام ءدىنى قوعامى ءتوراعاسىنىڭ ورىنباسارى جانە باس حاتشىسى.
اباي اكپار ۇلى - جۇڭگو كوممۋنيستىك پارتياسىنىڭ مۇشەسى، حىفەي ونەركاسىپ ۋنيۆەرسيتەتى قۇرىلىس ءىلىمى ماماندىعىن تامامداعان. كانادا توپ ۆي قۇرىلىس جوبالاۋ ورگانى، شاڭحاي توگۋان قۇرىلىس جوبالاۋ ءىس باسقارماسىنىڭ جوعارى دارەجەلى باس جوبالاۋشىسى.
ءالينا ايدىن قىزى - جۇڭگو كوممۋنيستىك پارتياسىنىڭ مۇشەسى، سىچۋان ۋنيۆەرسيتەتىنىڭ سالىستىرمالى ادەبيەت جانە دۇنيە ادەبيەتى ماماندىعىنىڭ اعا دوكتورى. فۋدان ۋنيۆەرسيتەتى ادەبيەت فاكۋلتەتىنىڭ لەكتورى، باستى زەرتتەۋ باعىتى: جۇڭگو جانە شەتەل ادەبيەتىنىڭ بايلانىسى.
لەكسياعا شاقىرىلعان ءۇش قوناق تارتىمدى ءتىل، تاتىمدى وي، كاسىپتىك بىلىممەن جانە وزدەرىنىڭ تاجىريبەلەرىمەن بىرلەستىرە وتىرىپ، تاماشا لەكسيا جاساپ، جاستاردىڭ كاسىپ كوزىن اشۋ جولىنا باعدار كورسەتىپ، الدا قوعام تابالدىرىعىن اتتاعالى تۇرعان قازاق ستۋدەنتتەرىنىڭ ساناسىنا ساۋلە شاشىپ، بەتالىستارىنا جول سىلتەدى.
شينجياڭ راديو - تەلەۆيزيا تورابى شەكتى جارنا سەرىكتەستىگىنىڭ <باۋىرساق> مەدياسى - باۋىرساق تاڭداپ كورۋ ارناسى، باۋىرساق قولفون دەتالى، باۋىرساق كانالى جانە باۋىرساق ۋيچات تۇعىرى سىندى ءتورت تەكشەنى قامتيدى. ميلليوننان استام قازاق وقىرماندارى بار بۇل تەكشەلەر عالامتورداعى قازاقشا بەينە جازبالاردى جولدايتىن تەكشەلەردىڭ كوشىن باستاپ كەلەدى.
ەلجاۋ (شاڭحاي) مادەنيەت تاراتۋ سەرىكتەستىگىنىڭ ساق تايپاسى ۇجىمى ىشكى ولكەلەردەگى قازاق ستۋدەنتتەرىنە بىرنەشە رەت لەكسيا ۇيىمداستىرعان، بەيجيڭ، شاڭحاي قالالارىنداعى قازاق ستۋدەنتتەر شوعىرلى جەرلەردە وتكىزگەن تارتىمدى لەكسيالارى وقۋشىلاردىڭ وي - ساناسىنا وزگەشە شابىت سيلاپ، القاۋعا بولەنگەن. ۋيچات تۇعىرى مەن ميكروبلوگىنا 100 مىڭنان استام وقىرمانى بار بۇل ۇجىم ۇلتتىق مادەنيەتتى ۇلىقتاۋدا وزگەشە ەڭبەك ەتىپ، جاڭاشا وي - پىكىردى قالىپتاستىرۋدا تەر توگىپ كەلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
