بايىنعولين وبلىسى: «باقىتتى» اۋىل - قىستاقتىڭ جاڭارتىلعان نۇسقاسىن جاساۋعا كۇش سالامىز
2018.03.12 14:29 كەلۋ قاينارى : شينجياڭ گازەتى
شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىمەن، بايىنعولين موڭعۇل اۆتونوميالى وبلىسى جاڭا دامۋ ۇستانىمىن جاپپاي دايەكتىلەندىرىپ جانە تياناقتاندىرىپ، «ءوندىرىستى وركەندەتۋ، تۇرمىستى بايىتۋ، ەكولوگيانى جاقسارتۋدى» نىسانا ەتىپ، اۋىل شارۋاشىلىعى مەن اۋىل - قىستاقتاردىڭ وسىزاماندانۋىن جەدەلدەتىپ، كورىكتى اۋىل - قىستاق قۇرىلىسىنىڭ قادامىن تەزدەتىپ، اۋىل - قىستاقتاردى ونان ارى كورىكتەندىرىپ، قورشاعان ورتانى ونان ارى جاقسارتىپ، قىستاق تۇرعىندارىن ونان ارى بايىتا ءتۇستى.
ۇتىمسىز ۇلگىدەن ۇقىپتىلىققا بۇرىلىس جاسادى
«قاقپامىزدىڭ الدىنا دەيىن جول سالىندى، اۋلامىز ونان ارى ادەمىلەنە ءتۇستى، قىستاعىمىز كورىكتى، ۇلگىلى قىستاق قاتارىنا قوسىلدى، ءبىزدىڭ قالتامىز كۇن وتكەن سايىن قامپايىپ كەلەدى، وسى ءۇشىن پارتيانىڭ جاقسى ساياساتىنا العىس ايتامىز»، - دەدى 2 - ايدىڭ 13 - كۇنى لوپنۇر اۋدانى شيڭپيڭ اۋىلى قاراقۇم قىستاعىنىڭ كورىكتى اۋلا شارۋاشىلىعىنان ۇلگى كورسەتۋشىسى ياسىن مامۇت تىلشىگە.
كورلا قالاسىنان 40 كيلومەتر قاشىقتىقتاعى قاراقۇم قىستاعىنىڭ جەمىس باعىنىڭ اۋدانى 2700 مۋعا جەتەدى، «كورلا قالاسىنىڭ باۋ - باقشاسى» دەگەن اتى بار. 2017 - جىلى قاراقۇم قىستاعى كورىكتى قىستاق قۇرىلىسىن باستاعاندا، ياسىن ءوز اۋلاسىنان شارۋالار شاتتىعى ساياجايىن اشادى، ورتاسى كوركەم، اس - سۋى ءدامدى بولعاندىقتان، قوناقتاردىڭ اياعى ۇزىلمەيدى، جازدىڭ 4 ايىندا 36 مىڭ يۋان تابىس تابادى. قازىر ياسىن جاڭا جوسپار جاساپ وتىر، «بيىل تاعى دا 4 جەكە بولمە اشىپ، جازدا عانا ەمەس، قىستا دا جۇمىس جۇرگىزۋدى ويلاپ وتىرمىن»، - دەيدى ول.
2017 - جىلدىڭ باسىندا، جەمىستى ساياحات قىستاعىن قۇرۋ نىساناسىن ارقاۋ ەتە وتىرىپ، لوپنۇر اۋىلى قاراقۇم قىستاعىندا جولدى شىڭداۋ، بوس ۇيلەردى وڭاۋ، اۋلالاردى تۇزەۋ، كورىنىس تۇيىندەرىن جەلىلەندىرۋ سياقتى ينجەنەريالاردى اتقاردى، سونىمەن قاتار، جۇمىسقا ورنالاستىرۋ، اۋىل - قىستاق ساياحاتى، اۋلا شارۋاشىلىعى، جالگەرلىك شارۋاشىلىعى سياقتىلاردى ۇشتاستىرۋعا ءمان بەرىپ، كورىكتى اۋىل - قىستاق قۇرىلىسىن وتباسىنا، ادامعا، شارۋاشىلىق سالالارىنا دەيىن بويلاتىپ، بۇقارانى كەدەيلىكتەن قۇتىلىپ، اۋقاتتانۋعا جانە تابىستى تۇراقتى ارتتىرۋعا جەتەكتەدى.
قاراقۇم قىستاعى تۇرعىندار كوميتەتىنىڭ مەڭگەرۋشىسى سامەت مامەت بىلاي دەدى: قازىر قىستاعىمىزعا ەكسكۋرسيالاپ، ساياحاتتاپ كەلەتىندەردىڭ قاتارى كوبەيىپ، قىستاق تۇرعىندارىنىڭ تابىسى ارتا ءتۇستى. تۇرعىنداردىڭ بارلىعى قازىرگى جاقسى تۇرمىستارى ءۇشىن باس شۋجيگە، پارتيا ورتالىق كوميتەتىنە مىڭ دا ءبىر راقىمەت ايتادى.
2017 - جىلى بايىنعولين وبلىسى وبلىس دارەجەلى 25 ۇلگى كورسەتۋشى ءتۇيىندى ماڭىزدى ءتۇيىن ەتىپ، جەرگىلىكتى جاعدايعا قاراي قۇرىلىس جۇرگىزىپ، بىركەلكى قاداممەن ىلگەرىلەتتى، 25 ۇلگى كورسەتۋشى ءتۇيىننىڭ تۇراقتى مۇلكىنە 270 ميلليون يۋان قارجى سالدى. «الدىمەن جوبا جاساپ، ۇيلەسىمدى ورنالاستىرىپ، ءىش پەن سىرتقا تەڭ ءمان بەرىپ»، ەرەكشە مادەنيەت ەلەمەنتتەرىن كورنەكتىلەندىرىپ، دارالىعىن ايگىلەدى، جاپپاي قيراتىپ، قاۋىرت قۇرىلىس جۇرگىزۋگە، ءسان - سالتاناتقا بوي ۇرىپ، شەتەلدىكىنە ەلىكتەۋگە جول بەرمەي، ءداستۇرلى ەتنوگرافيالىق قيمىلداردىڭ قۇنارلى توپىراعىن ساقتاپ قالىپ، جەرگىلىكتى ۇلتتىق ەرەكشەلىككە يە ساۋلەت ۇلگىلەرىن ساۋلەلەندىرىپ، جەرگىلىكتى تاريحقا، ەرەكشەلىككە جانە اۋىل مادەنيەتىنە ۇيلەسەتىن ەرەكشە اۋىل - قىستاق قۇرۋعا تالپىندى. سونىمەن قاتار، اۋلا شارۋاشىلىعىن دامىتۋدى كورىكتى اۋىل - قىستاق قۇرىلىسىن اتقارۋمەن، كەدەيلىكتەن قۇتىلدىرۋدان قامال الۋمەن، ەگىن، مال شارۋاشىلىقتارىنىڭ قۇرىلىمىن رەتتەۋمەن تىعىز ۇشتاستىرىپ، ەگىنشى - مالشىلاردى جەرگىلىكتى جاعدايعا قاراي اۋلا ەگىنشىلىگىن، باعىمشىلىقتى جانە وڭدەۋ، قىزمەت كورسەتۋ، سەيىل - سەرۋەن ساياحاتى سياقتى كاسىپتەردى دامىتۋعا جەتەكتەپ، كورنەكتى ناتيجەگە جەتتى.
سىرتقى سەبەپتى يگەرۋدەن ىشكى مازمۇنعا ءمان بەرۋگە بۇرىلىس جاسادى
قازىر قىستاق تۇرعىندارىنىڭ مەملەكەت تۋى استىندا سەرتتەسۋ، شارتتاسۋ قيمىلى بايىنعولين وبلىسىنىڭ كورىكتى اۋىل - قىستاق قۇرىلىسىن جەبەيتىن ءونىمدى دانەكەرگە اينالىپ وتىر. قىستاق ەرەجەسى مەن تۇرعىندار شارتى قاعازعا جازىلىپ، قابىرعاعا ءىلىنىپ، ەگىنشى - مالشىلاردىڭ كوڭىل تورىنەن ورىن الىپ، كورىكتى اۋىل - قىستاق قۇرىلىسىنا ءسان قوسىپ، ءمان ۇستەدى.
2 - ايدىڭ 12 - كۇنى تاڭەرتەڭ، چارقىلىق اۋدانى ۇتام اۋىلى يۇلعۇنارىق قىستاعى تۇرعىندار كوميتەتىنىڭ اۋلاسىندا مەملەكەت تۋىن شىعارۋ ءراسىمى اياقتاعاننان كەيىن، قىستاق كادرلارى مەن قىستاق تۇرعىندارى مەملەكەت تۋىنىڭ استىندا قىستاق ەرەجەسى مەن تۇرعىندار شارتىنىڭ اتقارىلۋ احۋالى جونىندە باعالاۋ جۇرگىزدى. قىستاق ەرەجەسى مەن تۇرعىندار شارتىن قىستاق تۇرعىندارىنىڭ وزدەرى تۇزەتىپ، بەكىتكەن، ونىڭ مازمۇنى ۇلتتار ىنتىماعىنىڭ بەرەكەلى شاڭىراعى، انالار مەن بالالاردىڭ جانە قارتتاردىڭ زاڭدى ۇقىق - مۇددەسىن قورعاۋ، مادەنيەتتى وتباسىن قۇرۋ، پارتيا مۇشەلەرىنىڭ ۇلگى كورسەتۋى، رۋحاني وركەنيەت قۇرىلىسى سياقتىلاردى قامتيدى، وندا قىستاق جاعدايى مەن جۇرت رايى دامۋمەن، باسقارۋمەن تولىق سايكەستىرىلگەن. قىستاق قىستاق تۇرعىندارى اراسىنان ەرىكتى ءمورال باقىلاۋشىلارىن بەلگىلەپ، قىستاق تۇرعىندارىنىڭ ءوزىن - ءوزى باقىلاۋىنا، ءوزىن - ءوزى باسقارۋىنا مۇمكىندىك جاسادى.
قوعام ورنىقتىلىعى مەن باياندى تىنىشتىق باس نىساناسىن ارقاۋ ەتە وتىرىپ، بايىنعولين وبلىسى نەگىزگى ساتىلاردىڭ قوعامدىق جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن بەلسەنە ىلگەرىلەتىپ، قىستاق ەرەجەسى مەن تۇرعىندار شارتىن تۇزەتۋ جانە ونىڭ اتقارىلۋىن باقىلاۋ قىزمەتىن الدىمەن جولعا قويىپ، الدىمەن سىناقتان وتكىزدى ءارى بۇل قىزمەتتى مەملەكەت تۋىن شىعارۋ راسىمىمەن ۇشتاستىرىپ، بۇرىنعى پارتيا ياچەيكاسى، قىستاق تۇرعىندار كوميتەتى نەمەسە جوعارعى ورىندار ءبىر تۇتاس ۋستاۆ بەلگىلەيتىن جاعدايدى وزگەرتتى. قىستاق ەرەجەسى مەن تۇرعىندار شارتىن جاساۋ، تۇزەتۋ قىزمەتىن قىستاق پارتيا ياچەيكاسى ۇيىمداستىرادى، قىستاق تۇرعىندارى جاساۋ، تۇزەتۋدىڭ سۋبيەكتىلەرى رەتىندە ات سالىسادى، ءسويتىپ، قالىڭ قىستاق تۇرعىندارىنىڭ بەلسەندىلىگى مەن ىرىقتىلىعى تولىق جۇمىلدىرىلىپ، ءوزىن باسقارۋ، ءوزىن قورعاۋ، ءوزىن باقىلاۋ ىسكە اسىرىلىپ، قىستاقتىڭ ىشكى دۇنيەسى دە، سىرتقى كەلبەتى دە تۇرلەنىپ، تۇلەپ، كورىكتى اۋىل - قىستاق قۇرىلىسىنىڭ ءمانىن بايىتا ءتۇستى.
باقىتقا باستار «سوڭعى ءبىر شاقىرىم» اشىلدى
«قىستاعىمىز كوكونىس ەگۋدى نەگىزگى كاسىپ ەتەدى، بۇرىن كوكونىس ساتىپ الۋشىلار قىستاققا كەلەتىن جولدىڭ تەگىس ەمەستىگىنە نارازى بولاتىن، بۇل كوكونىستىڭ ساتىلۋىنا دا كەسىرىن تيگىزگەن. وتكەن جىلى، اۋدان قىستاعىمىزعا جاڭا جول سالىپ بەردى، سونان بەرى ساتىپ الۋشىلار كوبەيىپ، كوكونىس ەگۋشىلەردىڭ تابىسى مولايا ءتۇستى»، - دەدى باعراش اۋدانى تابانجوكىن اۋىلى كەرىمقار قىستاعىنىڭ تۇرعىنى لي جيانجۇن 2 - ايدىڭ 14 - كۇنى تىلشىگە.
لي جيانجۇن سياقتى اۋىل - قىستاق تاس جولى قۇرىلىسىنىڭ ناتيجەسىنەن يگىلىكتەنىپ وتىرعان ءار ۇلت بۇقاراسىنىڭ قاتارى بايىنعوليندا كۇن وتكەن سايىن مولايىپ كەلەدى.
«تورتتە جاقسى اۋىل - قىستاق تاس جولى» باس شۋجي شي جينپيڭنىڭ قورىتىندىلاپ، العا قويىپ، باسشىلىق ەتۋىمەن ىلگەرىلەتىلگەن ماڭىزدى حالىق تۇرمىسى ينجەنەرياسى، حالىق قالاۋى ينجەنەرياسى جانە ىزگى ساياسات ينجەنەرياسى. بايىنعولين وبلىسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن باسشىلىققا الىپ، كەدەي اۋىل - قىستاقتاردىڭ جولىن شىڭاۋ جانە اۋىل - قىستاق تاس جولدارىن ىركىلىسسىزدەندىرۋ ينجەنەرياسىن بار كۇشپەن اتقارىپ، بۇقارانى باقىتقا باستايتىن «سوڭعى ءبىر شاقىرىم» جولدى اشىپ، ءار ۇلت جۇرتشىلىعىنىڭ باقىت كورسەتكىشىن قاۋىرت كوتەردى. وبلىس بويىنشا اۋىل - قىستاق تاس جولى قۇرىلىسى بويىنشا 218 نىساندى باستاپ، وعان ءبىر ميلليارد 520 ميلليون يۋان قارجى قوستى، بۇنىڭ ىشىندە 2017 - جىلى كەدەيلىكتەن قۇتىلعان 19 كەدەي قىستاقتا 314 كيلومەتر جولدى شىڭاۋ مىندەتى تولىق ورىندالدى، اۋىل - قىستاقتاردا جولاۋشى تاسىمالىنا قاجەتتى 20 بەكەت - ايالداما سالىندى. وتكەن جىلى بايىنعولين وبلىسى اۋماعىندا اتقارىلعان 200دەن اسا تاس جول نىسانىنىڭ بارلىعىندا %100 قۇرىلىس باستالىپ، تاس جول نىساندارى بويىنشا جالپى 27 ميلليارد 700 ميلليون يۋان قاراجات قوسىلدى.
تيانشاننىڭ ەتەگىندە، قۇبا قۇمنىڭ قويناۋىندا، تارام - تارام تاس جول ءار ۇلت بۇقاراسىنا كەڭ دە داڭعىل ارنا ازىرلەپ، پارتيا مەن حالىق جۇرتشىلىعىنىڭ اراسىن جاقىنداتقان مەيىرگە تولى جۇرەك كوپىرىنە اينالدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
