اناعۇرلىم كوركەيگەن شينجياڭ ارقىلى ەڭ پارمەندى قايتارما سوققى بەرەيىك
2019.12.10 14:45 كەلۋ قاينارى : شينجياڭ گازەتى
تاياۋ كۇندەردەن بەرى، امەريكا پارلامەنتى قاۋىم پالاتاسى ماقۇلداعان ايتىلمىس شينجياڭعا ساياتىن ”زاڭ جوبا“نى تۇتاس شينجياڭداعى ءار ۇلت كادر - بۇقاراسى قاتاڭ جازعىردى، كەكتەنىپ نالەت جاۋدىردى. امەريكاداعى ءىشىنارا ساياساتپازداردىڭ جەكسۇرىندىق ۇسقىنى مەن ارام نيەتىنە تولىق كوز جەتكىزۋمەن بىرگە، ءار ۇلت كادر - بۇقاراسى وتانىمىزدىڭ شينجياڭىن اناعۇرلىم كورىكتى ەتىپ قۇرىپ شىعۋ بەكىمدەرىن اناعۇرلىم نىعايتتى. وزىنە سەنگەندەر الۋەتتەنەدى، ءوزىن الۋەتتەندىرگەندەر جەڭىسكە جەتەدى، جۇڭگو شينجياڭىنىڭ العا باسۋ اياق الىسىن ءارقانداي كۇش توسا المايدى، بارعان سايىن كورىكتى بولا تۇسكەن شينجياڭ امەريكاداعى ءىشىنارا ساياساتپازدارعا بەرىلگەن ەڭ پارمەندى قارسى سوققى بولىپ تابىلادى.
ايتىلمىس شينجياڭعا ساياتىن ”زاڭ جوبا“نىڭ تۇپكى ماقساتى − جۇڭگونىڭ ۇلتتار قاتىناسىنا ىرتكى سالۋ، شينجياڭنىڭ گۇلدەنۋىن، ورنىقتىلىعىن ءبۇلدىرۋ، جۇڭگونىڭ دامۋىن، زورايۋىن شاۋجايلاۋ. الايدا امەريكاداعى ءىشىنارا ساياساتپازدار وزدەرىن جارعا سوقتىراتىن قاتەلىك وتكىزدى، ولار جۇڭگو كوممۋنيستىك پارتياسى مەن جۇڭگو ۇكىمەتىنىڭ جۇڭحۋا ۇلتىنىڭ ءتۇبىرلى مۇددەسىن قورعاۋ بەرىك بەكىمىن بۇكىلدەي تومەن مولشەرلەدى، شينجياڭداعى ءار ۇلت حالقىن ءوز ىشىنە العان جۇڭگو حالقىنىڭ وتاننىڭ تۇتاستىعىن قورعاۋ، ۇلتتار ىنتىماعىن قورعاۋ، قوعام ورنىقتىلىعىن قورعاۋ ورتاق ەركىنە بۇكىلدەي نەمقۇرايدى قارادى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تاريحي اياق الىسىندا، ەسەرسوقتىق ۇلگىسىندەگى ءارقانداي سوراقى ويىنداردىڭ بارلىعى ءالىن بىلمەي الەك بولعاندىق، شەرمەندە بولعاندىق، اقىر - اياعىندا تاريحتىڭ مازاعىنا قالادى.
شينجياڭ جۇڭگونىڭ شينجياڭى، ”شينجياڭ ارقىلى جۇڭگونى شاۋجايلايتىن“ بارلىق قاسكۇنەمدىكتەردى شينجياڭداعى ءار ۇلت حالقى استە ىرقىنا جىبەرمەيدى. امەريكاداعى ءىشىنارا ساياساتپازدار شينجياڭنىڭ گۇلدەنگەن، ورنىقتى اسا تاماشا جاعدايىن كورگىسى كەلمەگەن سايىن، شينجياڭداعى ءار ۇلت حالقى سولعۇرلىم امالدىڭ بارىنشا ويداعىداي قورعاۋ، ويداعىداي دامىتۋ كەرەك.
شينجياڭدى بولشەكتەيتىن ءارقانداي سۇقتانۋ تەك شينجياڭداعى ءار ۇلت حالقىن اناعۇرلىم ىنتىماقتاستىرا تۇسەدى. شينجياڭ ەجەلدەن بەرى جۇڭگونىڭ ءبىر بولىگى، شينجياڭداعى ءار ۇلتتىڭ بارلىعى جۇڭحۋا ۇلتى ۇلى شاڭىراعىنىڭ قۇرامداس بولىگى. جاڭا جۇڭگو قۇرىلعاننان بەرى، پارتيانىڭ ۇلت ساياساتىنىڭ شۇعىلالى شۋاعىندا، ۇلتتىق وڭىرلىك اۆتونوميالى ءتۇزىمىنىڭ مەدەت بولۋىندا شينجياڭداعى ءار ۇلت حالقى بىرگە ىنتىماقتاسا كۇرەس جۇرگىزىپ، بىرگە گۇلدەنىپ، دامىپ، ۇزاق ۋاقىتتىق ءوندىرىس، تۇرمىس امالياتى بارىسىندا ءبىر - بىرىنە دەمەۋشى بولىپ، توننىڭ ىشكى باۋىنداي ارالاسىپ، تەرەڭ سۇيىسپەنشىلىك ورناتتى. اسىرەسە، پارتيا 18 - قۇرىلتايىنان بەرى، شينجياڭنىڭ ۇلتتار ىنتىماعى، العاباسارلىعى ىستەرى ىشكەرىلەي ىلگەرىلەپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسپە دوستىق قيمىلى كۇش سالا ورىستەتىلىپ، ”ۇلتتار ىنتىماعى − ءار ۇلت حالقىنىڭ جانى“ دەگەن داتتەمە جۇرت جۇرەگىنە تەرەڭ ۇيالادى. امەريكاداعى ءىشىنارا ساياساتپازدار ءتۇرلى وسەك - اياڭ تۋدىرۋدى جانە سىلتاۋ تاۋىپ، اراعا ىرتكى سالۋدى ويلاعان سايىن، شينجياڭداعى ءار ۇلت حالقى سولعۇرلىم اناردىڭ دانىندەي تىعىز ۇيىسىپ، ماڭگى اجىرامايتىن بولادى.
شينجياڭدى بىلىقتىرماقشى بولعان ءارقانداي سايقالدىق تەك شينجياڭنىڭ قوعامدىق جالپى جاعدايىن اناعۇرلىم ورنىقتىرا تۇسەدى. شينجياڭداعى ءار ۇلت حالقى زورلىقتى كۇشتىڭ، لاڭكەستىكتىڭ جانە ءدىني ۇشقارىلىقتىڭ ازابىن ابدەن تارتقان، تىنىشتىقتىڭ، جاراسىمدىلىقتىڭ قۇندىلىعىن اناعۇرلىم تەرەڭ بىلەدى. امەريكا پارلامەنتى قاۋىم پالاتاسى شينجياڭنىڭ زاڭ بويىنشا جۇرگىزگەن لاڭكەستىككە قارسى تۇرۋ جانە ۇشقارىلىقتى الاستاۋ شاراسىنا ادامدىق ۇقىققا سۇعاناقتىق جاسادى دەپ جالا جاپتى، بۇل بۇكىلدەي اق پەن قارانى شاتاستىرعاندىق، دۇرىس پەن بۇرىستى ايىرماعاندىق، ادامزاتتىڭ ءمورالى مەن ار - ۇجدانىنا اۋىر دارەجەدە قايشىلىق جاساعاندىق. لاڭكەستىككە قارسى تۇرۋ، ۇشقارىلىقتى الاستاۋ قىزمەتىن زاڭ بويىنشا ورىستەتۋ ارقىلى شينجياڭنىڭ قوعامدىق جالپى جاعدايى ۇزدىكسىز ورنىقتى بولدى، ءۇرتىس 3 جىل زورلىقتى كۇش، لاڭكەستىك دەلوسى (ۋاقيعا) تۋىلمادى. شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ ءتۇرلى قۇلشىنىسى مەن تابىسى ءار ۇلت حالقىنىڭ ءتۇبىرلى مۇددەسىن قورعادى ءارى ءار ۇلت بۇقاراسىنىڭ پارمەندى قۇپتاۋىنا جانە بارىنشا قولداۋىنا يە بولدى. 25 ميلليون تيانشان ۇلاندارى الدەقاشان ورنىقتىلىقتى قورعاۋدىڭ قۇرىش قامالىن تۇرعىزىپ بولدى، بۇيرەكتەن سيراق شىعارىپ لاڭ سالعان وسى امەريكا ساياساتپازدارىنىڭ شينجياڭدى زورلىقتى كۇش، لاڭكەستىك ارەكەتتەرى ءجيى تۋىلاتىن وتكەن كۇندەرمەن قايتا قاۋىشتىرۋعا ۇرىنسا، اقىر - اياعىندا ءوزى قازعان ورعا ءوزى ءتۇسىپ، ءتۇبى جەڭىلىسپەن تىندىم بولاتىندىعى شۇباسىز.
شينجياڭدى بۇلدىرەتىن ءارقانداي قاسكۇنەمدىك تەك شينجياڭنىڭ العا باسۋ اياق الىسىن اناعۇرلىم نىعايتا تۇسەدى. بىرنەشە جىلدان بەرى، شينجياڭدا ورنىقتىلىقتىڭ پايداسى ۇزدىكسىز جارىققا شىعىپ، ەكونوميكانىڭ جوعارى ساپالى دامۋىن جۇزەگە اسىرۋدى ىلگەرىلەتتى. 2018 - جىلى وڭىرلىك ءوندىرىس جالپى ءونىم قۇنى ءبىر تريلليون 200 ميلليارد يۋان بولىپ، الدىنداعى جىلداعىدان ％6.1 ارتتى؛ قالا، اۋىل تۇرعىندارىنىڭ ادام باسىنا شاققانداعى قولداعى تابىسى 21 مىڭ 500 يۋان بولىپ، الدىنداعى جىلداعىدان ％7.6 ارتتى. اسىرەسە، ساياحات كاسىبى شارق ۇرا ارتۋدى جۇزەگە اسىردى، 2019 - جىلى 1 - ايدان 10 - ايعا دەيىن، ەلى ءىشى - سىرتى ساياحاتشىلارىنان جالپى 200 ميلليوننان ارتىق ادام - رەت قابىلداپ، سايكەس مەزگىلدەگىدەن ％42.62 ارتتى. سونىمەن بىرگە، جۇمىستانۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى ءتۇرلى حالىققا تيىمدىلىك جاساۋ قىزمەتتەرى جاڭا ناتيجەگە قول جەتكىزىپ، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. بۇگىنگى تاڭدا شينجياڭداعى ءار ۇلت حالقى كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزۋدىڭ شەشۋشى شايقاسىن جۇرگىزىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا اياق باسۋ جولىندا قۇلشىنا العا باسۋدا، ورتاق ماقسات ءۇشىن، ۇلى ارمان ءۇشىن ۇيىستىرعان تاسقىنداعان كۇشتى ءارقانداي ادام توسا المايدى.
بوران سوعىپ، مەيلى جاڭبىر جاۋسادا، تۇرامىز ءبىز تاپجىلماستان جان سالا. ءبىز مىناعان كامىل سەنەمىز: جۇڭگو كوممۋنيستىك پارتياسىنىڭ پارمەندى باسشىلىعىندا، شينجياڭداعى ءار ۇلت حالقىن قامتىعان بارلىق جۇڭگو حالقىنىڭ ۇلى ىنتىماعى تۇرعاندا العا باسۋ جولىمىزدا ءارقانداي ەسەرسوقتاردىڭ بارلىعى ءالىن بىلمەي الەك بولادى، ءارقانداي ”شينجياڭ ارقىلى جۇڭگونى شاۋجايلاۋ“ قاسكۇنەمدىكتەرىنىڭ بارلىعى قۇرىپ - جوعالادى. تۇمان بۇركەپ، كوزدى كولەگەيلەسەدە، قيىنشىلىقتاردى وتەمىز ءبىز ەڭسەرە، جۇڭگو شينجياڭىنىڭ ەرتەڭى، ءسوز جوق، اناعۇرلىم كوركەم بولادى!
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
