«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
تاريحي ماتەرياليزمگە تاباندى بولىپ، زامانىمىزداعى جۇڭگو ماركسيزمى دامۋىنىڭ جاڭا ءورىسىن ۇزدىكسىز اشايىق
2020.01.17 14:08 كەلۋ قاينارى : شينجياڭ گازەتى
شينحۋا اگەنتتىگىنىڭ 1 - ايدىڭ 15 - كۇنى بەيجيڭنەن بەرگەن حابارى. 2020 - جىلى 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2013 - جىلى 12 - ايدىڭ 3 - كۇنى پارتيا 18 - كەزەكتى ورتالىق كوميتەتى ساياسي بيۋروسىنىڭ 11 - رەتكى توپتىق ۇيرەنۋىندە سويلەگەن «تاريحي ماتەرياليزمگە تاباندى بولىپ، زامانىمىزداعى جۇڭگو ماركسيزمى دامۋىنىڭ جاڭا ءورىسىن ۇزدىكسىز اشايىق» اتتى ماڭىزدى ءسوزى جاريالانادى.
سوزدە مىنالار باسا دارىپتەلدى: پارتيامىز قۇرىلعاننان بەرى يدەيالىق جاقتان پارتيا قۇرۋعا وسكەلەڭ ءمان بەرىپ كەلەدى، مۇندا ەرەكشە ماڭىزدى ءبىر تارماق − ماركستىك فيلوسوفيامەن بۇكىل پارتيانى تاربيەلەۋ جانە قارۋلاندىرۋ. تاريحي ماتەرياليزم ماركستىك فيلوسوفيانىڭ ماڭىزدى قۇرامداس بولىگى رەتىندە، ادامزات قوعامى دامۋىنىڭ جالپى زاڭدىلىعى جونىندەگى عىلىم ەسەپتەلەدى. تەك تاريحي ماتەرياليزمگە تاباندى بولعاندا عانا، جۇڭگوشا سوتسياليزمنىڭ زاڭدىلىعى جونىندەگى تانىمىمىزدى تىڭ دەڭگەيگە ۇزبەي كوتەرە الامىز، زامانىمىزداعى جۇڭگو ماركسيزمى دامۋىنىڭ جاڭا ءورىسىن ۇزدىكسىز اشا الامىز. بۇكىل پارتيانىڭ تاريحي ماتەرياليزمنىڭ نەگىزگى قاعيداسى مەن ءادىسناماسىن يگەرۋىن ىلگەرىلەتىپ، مەملەكەت جاعدايىن اناعۇرلىم جاقسى تانىپ، پارتيا مەن مەملەكەت ىستەرىنىڭ دامۋ اۋقىمىن اناعۇرلىم جاقسى تانىپ، تاريحتىڭ دامۋ زاڭدىلىعىن اناعۇرلىم جاقسى تانىپ، قىزمەتتەردى اناعۇرلىم ىنتالىلىقپەن ىلگەرىلەتۋ كەرەك.
سوزدە مىنالار اتاپ كورسەتىلدى: قوعامنىڭ نەگىزگى قايشىلىقتارىنا تالداۋ جاساۋ ءادىسىن ۇيرەنىپ جانە يگەرىپ، رەفورمانى جاپپاي تەرەڭدەتۋدىڭ ماڭىزدىلىعى مەن كوكەي تەستىلىگىن ىشكەرىلەي ءتۇسىنۋ كەرەك. جۇڭگوشا سوتسياليزمگە تاباندى بولۋدا جانە ونى دامىتۋدا، ءسوز جوق، قوعامدىق وندىرگىش كۇشتەردىڭ دامۋىنا ۇزدىكسىز ۇيلەسە وتىرىپ وندىرىستىك قاتىناستى رەتتەپ، ەكونوميكالىق بازيستىڭ دامۋىنا ۇزدىكسىز ۇيلەسە وتىرىپ قوندىرمانى كەمەلدەندىرۋ كەرەك. ءبىز العا قويعان رەفورمانى جاپپاي تەرەڭدەتۋدە ەلىمىز قوعامىنىڭ نەگىزگى قايىشلىقتارىنىڭ قوزعالىس وزگەرىسىنە ۇيلەسە وتىرىپ، قوعام دامۋىن ىلگەرىلەتۋ كەرەك. رەفورما جاساۋ، ەسىك اشۋ جالعاسا بەرەدى، توقتامايدى، بۇل تاريحي ماتەرياليزمنىڭ پوزيتسياسى.
سوزدە مىنالار اتاپ كورسەتىلدى: زاتتىق ءوندىرىس − قوعامدىق تۇرمىستىڭ نەگىزى دەگەن كوزقاراستى ۇيرەنىپ جانە يگەرىپ، رەفورمانى جاپپاي تەرەڭدەتۋدىڭ كەلەلى قارىم - قاتىناسىن ءداپ باسىپ يگەرۋ كەرەك. رەفورمانى جاپپاي تەرەڭدەتۋ جوباسىن العا قويۋىمىزداعى سەبەپ ءبىز ءدوپ كەلگەن كورنەكتى قايشىلىقتار مەن ماسەلەلەردى شەشۋدە جالاڭ ءبىر سالانىڭ، جالاڭ ءبىر ساتىنىڭ رەفورماسىنا سۇيەنۋدىڭ ءونىمى بولمايدى، ءسوز جوق، جوعارى دەڭگەيدە جوبالاۋدى، جالپى تۇلعالىق جوسپارلاۋدى كۇشەيتىپ، ءار ءتۇرلى رەفورمانىڭ ساباقتاستىعىن، جۇيەلىلىگىن، سايكەستىلىگىن كۇشەيتۋ كەرەك. سونىمەن بىرگە، دامۋ سىندى وسى ءبىر ماڭداي الدى ماڭىزدى مىندەتتى مىقتاپ ارقاۋ ەتە وتىرىپ ءار جاقتاعى رەفورمانى ورنالاستىرىپ، قوعامدىق وندىرگىش كۇشتى ازات ەتىپ جانە دامىتىپ، رەفورمانى وراسان زور تارتۋ كۇشىمەن قامتاماسىز ەتكەندە عانا، وندىرىستىك قاتىناس پەن وندىرگىش كۇشتىڭ، قوندىرما مەن بازيستىڭ ءبىر - بىرىنە ۇيلەسۋىن اناعۇرلىم جاقسى ىلگەرىلەتە الامىز.
سوزدە مىنالار اتاپ كورسەتىلدى: حالىق بۇقاراسى − تاريحتى جاراتۋشى دەگەن كوزقاراستى ۇيرەنىپ جانە يگەرىپ، حالىققا تىعىز سۇيەنىپ رەفورمانى ىلگەرىلەتۋ كەرەك. ەڭ جالپى حالىقتىڭ ءتۇبىرلى مۇددەسىن جاقسى ىسكە اسىرۋدى، جاقسى قورعاۋدى، جاقسى دامىتۋدى رەفورمانى ىلگەرىلەتۋدىڭ شىعار ءتۇيىنى جانە تياناعى ەتۋگە تاباندى بولىپ، دامۋ جەتىستىكتەرىمەن جالپى حالىققا اناعۇرلىم كوپ، اناعۇرلىم ءادىل يگىلىك جەتكىزۋ كەرەك. حالىق ءۇشىن رەفورما جاساعاندا عانا، رەفورمانىڭ ماڭىزى بولادى؛ حالىققا سۇيەنىپ رەفورما جۇرگىزگەندە عانا، رەفورما قوزعاۋشى كۇشكە يە بولادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
