مادەنيەتكە تولعان دۋان - ۋدىڭ لەبى الىسقا تارادى
گازەتىمىزدىڭ جالپىلىق اقپارات قۇرالدارى ءتىلشىسى جيا چۇنشيا
2020.06.29 15:01 كەلۋ قاينارى : شينجياڭ گازەتى
كىتاپ وقۋ، حالىقتىق جوسىن - جورادان ءلاززاتتانۋ، قياق كۇرىش ءتۇيۋ... دۋان - ۋ مەرەكەسى كەزىندە رايونىمىزدىڭ مادەنيەت - ساياحات تاراۋلارى، مادەنيەت ورىندارى جەلىدەن تىس جانە جەلىدە الۋان ءتۇرلى مادەنيەت قيمىلدارىن ورىستەتىپ، ادامدارعا جۇڭحۋانىڭ تاڭداۋلى ءداستۇرلى مادەنيەتىنىڭ باۋرامدىلىعىن تولىق سەزىندىردى.
6 - ايدىڭ 25 - كۇنى تۇستەن كەيىن ءتىلشى ءۇرىمجى قالاسى دوستىق سولتۇستىك جولىنداعى شينحۋا حالىقارالىق كىتاپحاناسىنا بارىپ، ءاربىر قاباتتىڭ بارىندە كوپتەگەن قالا تۇرعىندارىنىڭ كىتاپ سورەلەرىنەن كىتاپ تاڭداپ الىپ جاتقاندىعىن كوردى. 2 - قاباتتاعى وقۋ ورنىنداعى 20 نەشە ورىندىقتا بوس ورىن قالماپتى، 10 جاستاعى لياۋ زى - ي كارتون تىزبەكتى سۋرەت «سوعىس شەبىن كوكتەي ءوتۋدى» وقىپ وتىر ەكەن، وقىپ وتىرىپ اسەرلى جەرلەرىنە كەلگەندە ەرىكسىزدەن سىقىلىقتاپ كۇلىپ جىبەردى. لياۋ زى - يدىڭ شەشەسى گۋان يانيۇي تىلشىگە: ”بالام كىتاپ وقىعاندى جاقسى كورەدى، دەمالىس ۋاقىتىنان پايدالانىپ كىتاپحاناعا كەلدىك، وسى ارادا ءبىر مادەنيەتتى مەرەكە وتكىزبەكشىمىز“، - دەدى.
3 - قاباتتاعى بالدىرعاندار كىتاپ سورەسىنىڭ الدىندا 31 جاستاعى سۇڭ شياۋنيۋ ءبىر سۋرەتتى كىتاپتى قولىنا الىپ، ەدەندە وتىرعان 5 جاستاعى قىزىنا اڭگىمە ايتىپ وتىر، ونىڭ قاسىنداعى كىتاپ سالۋ ارباسىندا قىزىنا ارناپ ساتىپ العان ون نەشە كىتاپ سالۋلى تۇر. ”وسى جولعى دۋان - ۋ دەمالىسىندا بالامدى كۇندە كىتاپحاناعا ەرتىپ اكەلىپ، بالانىڭ وقۋ ادەتىن جەتىلدىرىپ، دۋان - ۋدى كىتاپ وقۋمەن وتكىزبەكشىمىز“، - دەيدى سۇڭ شياۋنيۋ.
”كوگىلدىر كويلەكتى بەينەڭ، كوڭىل كوگىمدە كولبىرەپ...“ سەزىممەن مانەرلەپ وقىلعان جىر اۋەنى ىشىندە مىنبەنىڭ ءبىر جاعىنان ۇستىنە حانزۋ ۇلتىنىڭ ۇلتتىق كيىمىن كيگەن بويجەتكەن شىعا كەلدى. 6 - ايدىڭ 25 - كۇنى ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) شىڭدا الاڭى 77 - كوشە رايونى ”دۋان - ۋ حالىقتىق جوسىن - جورادان ءلاززاتتانۋ“ قيمىلىن وتكىزدى. سول كۇنگى حانزۋ ۇلتىنىڭ ۇلتتىق كيىمىن كيۋ، ولەڭ - جىر ايتۋ، گۋجىڭ شەرتۋ سياقتى الۋان ءتۇرلى قيمىلدار كورەرمەندەرگە ءداستۇرلى مادەنيەتتىڭ باۋرامدىلىعىن سەزىندىردى. ”دۋان - ۋ مەرەكەسى كەزىندە حانزۋ ۇلتىنىڭ ۇلتتىق كيىمىن كيىنىپ، كورەرمەنگە گۋجىڭ شەرتىپ بەرە العاندىعىما قاتتى قۋاندىم. ءتىپتى دە كوپ جاستاردىڭ جۇڭحۋانىڭ تاڭداۋلى ءداستۇرلى مادەنيەتىن جالعاستىرۋىن ءۇمىت ەتەمىن“، - دەدى الگىندە عانا گۋجىڭ شەرتكەن ساۋ يۇن.
6 - ايدىڭ 25 - كۇنى ءۇرىمجى قالالىق مادەنيەت سارايى تەاترحاناسى شىت جاڭا ۇلگىدەگى دۋان - ۋ سالت - ساناسى لەكسياسىن ورىستەتىپ، بۇقاراعا دۋان - ۋ سالت - سانا بىلىمدەرىن جالپىلاستىردى.
دۋان - ۋ مەرەكەسى كەزىندە ءۇرىمجى قالاسى سايباق رايوندىق مادەنيەت - ساياحات مەكەمەسى ”جاڭا داۋىرگە العىس ايتۋ“ قىزىل ادەبيەت - كوركەمونەر جەڭىل اتتى اسكەرلەر ارالاپ ويىن قويۋ مادەنيەت قيمىلىن ورىستەتتى. ءان - ءبي كونسەرتى، تاقپاق، سەرىك ويىنى... ارتيستەر الەۋمەتتىك اۋماقتارعا بارىپ، بۇقارانىڭ مەرەكە دەمالىسىنداعى مادەني تۇرمىسىن بايىتتى.
جەلىدەن تىس قيمىلدان باسقا، فورماسى الۋان ءتۇرلى جەلىدەگى مادەنيەت قيمىلدارى ءار ۇلت بۇقاراسىنا بۇلتتىق دۋان - ۋدىڭ ءمانىن ۇعىندىردى.
6 - ايدىڭ 25 - كۇنى اۆتونوميالى رايوندىق مادەنيەت جانە ساياحات مەڭگەرمەسى، شينجياڭ ءوندىرىس - قۇرىلىس بيڭتۋانى مادەنيەت، دەنە تاربيە، راديو - تەلەۆيزيا جانە ساياحات مەكەمەسى، ءارقايسى ايماقتاعى، وبلىستاعى مادەنيەت - ساياحات تاراۋلارى بىرلەسىپ، ۇيىمداستىرىپ ورىستەتكەن ”اۆتونوميالى رايوننىڭ 2020 - جىلعى ساحنالىق كوركەمونەر تاڭداۋلى تەاترى كورمەلىك قويىلىمى ءتىزىمىن ينتەرنەتتە كورسەتۋ ماۋسىمىنىڭ“ شىمىلدىعىن اشتى. بۇل شينجياڭدا تۇڭعىش رەت جەلىگە شىعارۋ فورماسى ارقىلى ورىستەتىلگەن بۇكىل ەلدىڭ جەر - جەرىندەگى توراپكەرلەرگە قاراتقان ويىن قويۋ ماۋسىمى قيمىلى. مۋزيكالى تەاتر «مۇزتاۋعا كەلگەن قوناق»، بالالار تەاترى «جولبارىس پەن ايۋدىڭ اڭگىمەسى»، سەرىك ويىنى كەشكى ساۋىعى «كۇن شۇعىلاسىنا مالىنعان ءبىز»، ءبي تەاترى «شولدەگى جاستىق كوكتەم» سياقتى 10 تاڭداۋلى تەاتر ءتىزىمىن شىعارىپ، ءار ۇلت بۇقاراسىنا جەلىدە مادەنيەت سالتاناتىن سەزىندىردى.
دۋان - ۋ مەرەكەسى كەزىندە شينجياڭ كىتاپحاناسى ”ءبىزدىڭ دۋان - ۋ مەرەكەمىز“ اتىنداعى شاعىن بەينە ەكران جيناۋ جارىسىن جانە نەگىزگى تاقىرىپتىق سۋرەتكە ءتۇسىرۋ جارىسىن وتكىزدى؛ ءۇرىمجى قالالىق كىتاپحانا دۋان - ۋ سالت - ساناسى، ءوزارا كومەكتەسۋ قيمىلىن وتكىزىپ، جاڭا اقپارات قۇرالدارىنان پايدالانىپ دۋان - ۋ مادەنيەتى مەن سالت - سانانىڭ باۋرامدىلىعىن ايگىلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
