چىن چۋانگو اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ماجىلىسىندە بىلاي دەپ باسا دارىپتەدى
مىعىم قايراتقا كەلىپ، ايانباي شايقاس جاساپ، قامال الىپ قيىندىقتى جەڭىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىلدىقپەن دەر كەزىندە قول جەتكىزۋ كەرەك
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
2020.06.29 15:03 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 6 - ايدىڭ 25 - كۇنى ۇرىمجىدەن حابارلايدى. جۋىردا اۆتونوميالى رايون كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ءماجىلىسىن اشتى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايون باسشىلارى شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، لي يفي، ياڭ شين، جاڭ چۇنلين قاتارلىلار ماجىلىسكە قاتىناستى.
ءماجىلىس «2019 - جىلعى كەدەيلىكتەن ارىلتۋدان قامال الۋ ونىمدىلىگىن باعالاۋدا بايقالعان ماسەلەلەردى رەتتەۋ - تۇزەتۋ جاعدايىنان مالىمەتتى» قاراپ، اۆتونوميالى رايوننىڭ كەدەيلىكتەن ارىلتۋدان قامال الۋداعى الدىڭعى جارتى جىلدىق قىزمەت جاعدايىنان مالىمەتتى تىڭدادى.
چىن چۋانگو بىلاي دەپ باسا دارىپتەدى: كەدەيلىكتەن ارىلتۋدان قامال الۋ ەڭ سوڭعى اتويلاۋ كەزەڭىنە كەلدى، نەعۇرلىم سوڭعى كەزەڭگە تاياعان سايىن ارقاۋدى سولعۇرلىم مىقتاپ شيراتىپ، سولعۇرلىم كۇش سالىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، مىعىم قايراتقا كەلىپ، ايانباي شايقاس جاساپ، كەدەيلىكتەن ارىلتۋدان قامال الۋ نىسانالارى مەن مىندەتتەرىن باتىلدىقپەن دەر كەزىندە جوعارى ساپالى ورىنداپ، جاپپاي دوڭگەلەك داۋلەتتى قوعام ورناتۋ كەرەك.
ءبىرىنشى، ستراتەگيالىق تاباندىلىقتى ساقتاۋ كەرەك. باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن جالپى بەتتىك دايەكتىلەندىرىپ، تاباندىلىقتى، توزىمدىلىكتى ساقتاپ، بورىش ارقالاۋدى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا ناقتى، ەگجەي - تەگجەيلى تياناقتانۋىنا شىنايى كەپىلدىك ەتۋ كەرەك.
ەكىنشى، ساياسي جاۋاپكەرشىلىكتى ارقالاۋ كەرەك. اۆتونوميالى رايون جالپى جاۋاپتى بولۋعا، ايماق، اۋداندار تياناقتاندىرۋدى يگەرۋگە، اۋىل - قىستاقتار تىڭعىلىقتى تياناقتاندىرۋدى يگەرۋگە تاباندى بولىپ، بەس دارەجەلى شۋجيلەر بىرگە يگەرىپ، ”قوس گرۋپپا باستىعى“ جاۋاپكەرشىلىگىن ناقتىلاندىرىپ، ءار جاقتىڭ كۇشىن ءبىر تۇتاس جوسپارلاپ ساۋلەلەندىرىپ، قامال الىپ قيىندىقتى جەڭۋدىڭ قۋاتتى بىرىككەن كۇشىن قالىپتاستىرۋ كەرەك.
ءۇشىنشى، نىساناعا، ولشەمگە تاباندى بولۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، دالمە - ءدال شارا قولدانىپ، ەندى قالعان كەدەيلەردىڭ كەدەيلىكتەن دەر كەزىندە ارىلۋىنا، كەدەيلىكتەن ارىلعانداردىڭ قايتا كەدەيلەسپەۋىن جالپى بەتتىك بەكەمدەۋگە، كەدەيلەسۋ جيەگىندە تۇرعان، وڭاي كەدەيلەسەتىن حالىقتىڭ قايتالاي كەدەيلەسپەۋىنە شىنايى كەپىلدىك ەتۋ كەرەك.
ءتورتىنشى، شايقاستى باسى - قاسىندا قاداعالاۋدى كۇشەيتۋ كەرەك. قاداعالاۋ مەن شايقاستى ۇشتاستىرىپ، قاداعالاي ءجۇرىپ شايقاس جۇرگىزىپ، كومەكتەسۋ - سۇيەمەلدەۋ بايلىعىنىڭ كەدەي قىستاقتار مەن كەدەي وتباسىنا قاراي ىشكەرىلەي ويىسۋىن جەبەپ، ساياساتتىق شارالاردىڭ كەدەيلەردى سۇيەمەلدەۋ وبيەكتىسىندە تياناقتانۋىنا شىنايى كەپىلدىك ەتىپ، ەڭ سوڭعى قيىن قامالدى باتىلدىقپەن الۋ كەرەك.
بەسىنشى، ءتۇيىندى شارالاردى تياناقتاندىرۋ كەرەك. نازاردى اۋىر كەدەي وڭىرلەر مەن ەرەكشە كەدەي قاۋىمعا شوعىرلاندىرىپ، ”جەتى ءبىر توپتى“، ”ۇشتە تەبىندى ارتتىرۋدى“ تىڭعىلىقتى ىلگەرىلەتىپ، كاسىپ سالاسىن دامىتۋ ارقىلى جۇمىستاندىرۋدى جەبەۋدى كورنەكتىلەندىرىپ، كەدەي وتباسىلارى پەرزەنتتەرىنىڭ وقۋسىز قالۋىنىڭ، وقۋدان قول ءۇزۋىنىڭ الدىن باتىل الىپ، اۋرۋ سەبەبىنەن كەدەيلەسۋدىڭ الدىن الىپ، كىرىستى ارتتىرۋدىڭ تەتىگىن يگەرىپ، ولقىلىقتاردى كۇش سالا تولىقتاپ، كەدەي حالىقتىڭ كەدەيلىكتەن دەر كەزىندە ارىلۋىنا شىنايى كەپىلدىك ەتۋ كەرەك.
التىنشى، رەتتەۋ - تۇزەتۋدىڭ ونىمدىلىگىن تەرەڭدەتۋ كەرەك. ورتالىقتىڭ كەدەيلىكتەن ارىلتۋدان قامال الۋدى ارناۋلى شارلاۋ - تەكسەرۋ بويىنشا ”قايتا قاداعالاۋى“، كەدەيلىكتەن ارىلتۋدان قامال الۋ ونىمدىلىگىن باعالاۋ، زور اداقتاپ تەكسەرۋ سياقتىلاردا اڭىس ەتىلگەن نەمەسە بايقالعان ماسەلەلەردى توڭىرەكتەي وتىرىپ، رەتتەۋ - تۇزەتۋدى تياناقتاندىرۋدى ۇزدىكسىز ويداعىداي يگەرىپ، رەتتەۋ - تۇزەتۋ تابىستارىن ۇزدىكسىز بەكەمدەپ، بارلىعىن تۇبەگەيلى رەتتەۋ - تۇزەتۋگە، استە قايتا بەلەڭ بەرمەۋىنە شىنايى كەپىلدىك ەتۋ كەرەك.
جەتىنشى، كەدەيلىكتەن ارىلتۋ تابىستارىن بەكەمدەۋ كەرەك. ءبىر جاعىنان، كەدەيلىكتەن ارىلتۋدى يگەرۋگە، ەندى ءبىر جاعىنان، قايتا كەدەيلەسۋدىڭ الدىن الۋعا تاباندى بولىپ، ساقتاندىرۋ - قاداعالاۋدى كۇشەيتىپ، يكەمدى كومەكتەسۋ - سۇيەمەلدەۋدى تياناقتاندىرىپ، كەدەيلىكتەن ارىلتۋدان قامال الۋداعى حاۋىپ - قاتەردەن ساقتانۋ قورىنان ويداعىداي پايدالانىپ، جوسپار - جوبا جاساپ، كەمەلدەندىرىپ، كەدەيلىك تىزىمىنەن شىعارۋ وتكەلىن مىقتاپ يگەرىپ، كەدەيلىكتەن ارىلتۋ تابىستارىنىڭ تاريحتىڭ سىنىنان وتۋىنە شىنايى كەپىلدىك ەتۋ كەرەك.
سەگىزىنشى، ءتارتىپتىڭ اتقارىلۋىن قاتاڭ باقىلاۋ كەرەك. پارتيانى جاپپاي قاتاڭ جونگە سالۋ تالاپتارىن كەدەيلىكتەن ارىلتۋدان قامال الۋدىڭ تۇتاس بارىسنا سىڭىرۋگە تاباندى بولىپ، پارتيا قۇرىلىسىن يگەرۋ ارقىلى كەدەيلىكتەن ارىلتۋدان قامال الۋدى جەبەۋدى ىشكەرىلەي ىلگەرىلەتىپ، كەدەيلەردى سۇيەمەلدەۋ سالاسىنداعى شىرىكتەسۋدى جانە ستيل ماسەلەسىن ارناۋلى جونگە سالۋدى ۇزدىكسىز تەرەڭدەتىپ، فورماشىلدىقتى، تورەشىلدىكتى باتىل جويىپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك.
توعىزىنشى، ىشكى قوزعاۋشى كۇشتى قاۋلاتۋ كەرەك. كەدەيلەردى سۇيەمەلدەۋ مەن ەرىك - جىگەر، اقىل - پاراسات جاعىنان سۇيەمەلدەۋدى ءوزارا ۇشتاستىرۋعا تاباندى بولىپ، تاربيەلەۋدى، جەتەكتەۋدى كۇشەيتىپ، كومەكتەسۋ - سۇيەمەلدەۋ ءتاسىلىن جاقسارتىپ، تيپتەردىڭ جەتەكشىلىگىن كۇشەيتىپ، كەدەي بۇقارانىڭ بەلسەندىلىگىن، ىرىقتىلىعىن، جاسامپازدىعىن ۇزدىكسىز قاۋلاتىپ، كەدەيلىكتەن ارىلتۋدى باياندى ىشكى قوزعاۋشى كۇشكە يە ەتۋ كەرەك.
ونىنشى، ساياساتتىڭ ورنىقتىلىعىن ساقتاۋ كەرەك. قالپاعى الىنعانىمەن جاۋاپكەرشىلىكتى توقتاتپاۋعا، قالپاعى الىنعانىمەن ساياساتتى توقتاتپاۋعا، قالپاعى الىنعانىمەن كومەكتەسۋ - سۇيەمەلدەۋدى توقتاتپاۋعا، قالپاعى الىنعانىمەن باقىلاۋ - باسقارۋدى توقتاتپاۋعا تاباندى بولىپ، ءار دارەجەلى كەدەيلەردى سۇيەمەلدەۋ كۇشتەرى مەن كومەكتەسۋ - سۇيەمەلدەۋ قاتىناسىن وزگەرتپەي ساقتاپ، كەدەيلىكتەن جاپپاي ارىلتۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋدى ۇزبەي ىلگەرىلەتىپ، ۇزاق ۋاقىت پەن قىسقا مەزگىل ۇشتاسقان، ۇستىنەن وڭاۋ مەن تۇبىرىنەن وڭاۋدى تەڭ جۇرگىزەتىن، سالىستىرمالى كەدەيلىكتى جوياتىن باياندى مەحانيزم ورناتۋ كەرەك.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنا مۇشە ورىندارداعى جاۋاپتى جولداستار ت.ب ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
