باش ۇجمە قىستاعى:
ەرەكشە كاسىپ سالاسى تىڭ ساتىعا كوتەرىلىپ، قىستاق تۇرعىندارىنىڭ كىرىسى ۇستەمەلەپ ارتتى
گازەتىمىزدىڭ جالپىلىق اقپارات قۇرالدارى ءتىلشىسى سۇڭ يا - ۋىن
2020.11.11 16:18 كەلۋ قاينارى : شينجياڭ گازەتى
”اسىل تۇقىمدى قويان باعىمشىلىعىمەن شۇعىلدانعاننان كەيىن، وتباسىمىزدىڭ تۇرمىسى بارعان سايىن جاقسارا ءتۇستى، قازىر ۇيدە وتىرىپ - اق اقشا تابامىن، وتباسىما دا قارايلاسا الامىن، ەكى جۇمىستى بىردەي تىندىرىپ وتىرمىن“. 11 - ايدىڭ 7 - كۇنى شەريا اۋدانى شەريا اۋىلى باش ۇجمە قىستاعىنىڭ تۇرعىنى پاتەمحان تۇرسىننياز قويان قورادا ويناق سالىپ جۇرگەن قوياندارعا قاراپ جۇزىنە كۇلكى ءۇيىرىلدى.
اسىل تۇقىمدى قويان باعىمشىلىعى، انار ەگۋ، اۋىل - قىستاق ساياحاتىن دامىتۋ... سوڭعى جىلدارى، باش ۇجمە قىستاعى كاسىپ سالاسىن باستان - اياق ەڭ ماڭىزدى ورىنعا قويىپ، ەرەكشە كاسىپ سالاسىن جەرگىلىكتى جاعدايعا قاراي دامىتتى، قىستاق تۇرعىندارىنىڭ كىرىسى ۇستەمەلەپ ارتتى.اسىل تۇقىمدى قويان باعىمشىلىعى كەدەيلىكتەن ارىلتۋعا دەم بەردى
11 - ايدىڭ 7 - كۇنى تاڭەرتەڭ، دالا سالقىنداۋ بولعانىمەن، پاتەمحاننىڭ قويان قوراسى ەرەكشە جىلى ەدى. ول قوياندارعا جەم جانە سۋ بەرە ءجۇرىپ، قويانداردىڭ ءوسۋ جاعدايىن زەر سالا قاداعالادى. ”مىناۋ وتباسىمىزدىڭ اسىلى، وسى اسىل تۇقىمدى قويانداردى باققانىما 40 نەشە كۇن بولدى، ەندى ءبىر اپتادان كەيىن سەرىكتەستىككە تاپسىرىپ بەرىپ، 1600 يۋاننىڭ ۇستىندە تابىس تابا الامىن!“. پاتەمحان جادىراي كۇلىپ، ءوزىنىڭ ءبىر جىلدا 5 − 6 دۇركىن اسىل تۇقىمدى قويان ءوسىرىپ، 10 مىڭ يۋان شاماسىندا كىرىسىن ارتتىراتىندىعىن ايتتى.
پاتەمحان − قىستاقتاعى ارحيۆ تۇرعىزىلىپ، كارتچكالاندىرىلعان كەدەي وتباسى، قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ ۇسىنىسىمەن، ول وتباسىندا اسىل تۇقىمدى قويان ءوسىردى. ول العاشىندا تەحنيكا جەتەرسىزدىگىنەن جاقسى باعا الماي، اسىل تۇقىمدى قويان باعىمشىلىعىنا دەگەن سەنىمنەن ءبىر مەزەت ايرىلىپ تا قالعان بولاتىن.
شارۋا وتباسىلارىنىڭ باعۋدى بىلمەۋ، باعۋعا باتىلدىق ەتە الماۋ ماسەلەسىنە مەڭزەس، شينجياڭ باڭباڭتۋ ەگىن، مال شارۋاشىلىعى توبى شەكتى سەرىكتەستىگى ”سەرىكتەستىك + سەلبەستىك كووپەراتيۆى + كەدەي وتباسى“ سىندى باعىمشىلىق ۇلگىسىن قولداندى، سەرىكتەستىك سەلبەستىك كووپەراتيۆى مەن شارۋا وتباسىلارىنىڭ باعۋىنا ءبىر ميلليون باس كوجەكتى اقىسىز بەردى، سونداي - اق تەگىن تەحنيكالىق جەتەكشىلىك ەتۋ، ىندەتتەن ساقتاۋ سياقتى قىزمەتتەردى وتەدى، تاۋار قويان قولدان شىعارىلۋ ولشەمىنە جەتكەن سوڭ سەرىكتەستىك قايتادان ساتىپ الدى، ءاربىر تاۋار قوياننان 8 يۋاننىڭ ۇستىندە تازا پايدا ءتۇستى، بۇل باعىمشىلىق كاسىپ سالاسى تىزبەگىن ۇزارتۋمەن بىرگە، قىستاق تۇرعىندارىنىڭ كىرىسىن دە ارتتىردى.
سونىمەن بىرگە، قويان كاسىپ سالاسى سەبەبىنەن جۇمىسشىعا اينالعان قىستاق تۇرعىندارى دا بارعان سايىن كوبەيىپ، ءار ايدا تۇراقتى كىرىسكە يە بولدى.
”قىزمەتشىگە“ اينالعان رايحاننيساحان توحتىقۇربان ءوزىنىڭ جاڭا جۇمىسىن ەرەكشە ۇناتادى، ول ءار كۇنى قويان قورانى زارارسىزداندىرادى، تازالايدى، قويانعا ۆاكسينا قويادى جانە كوجەكتەردى ازىقتاندىرادى.
”قازىر قويان باعۋ تەحنيكاسىن يگەرىپ قانا قويماي، اي سايىن تۇراقتى كىرىسىم دە بولدى، ءار كۇنى تۇستە، كەشتە ۇيىمە قايتىپ بالالارىما قارايمىن، ءبىر وقپەن ءۇش قويان اتقان دەگەن وسى عوي“، - دەدى رايحاننيساحان قۋانىشپەن.انار اعاشى مول جەمىس بەردى
”بيىل وتباسىمىز اناردىڭ مۋ باسىنان 700 نەشە كيلوگرام ءونىم الدى، بۇل بىلتىرعىدان 200 نەشە كيلوگرام كوپ، ءار مۋدان تۇسەتىن كىرىس تە ءبىرتالاي ارتتى“. 11 - ايدىڭ 6 - كۇنى ءونىم جاعدايىن تىلگە العاندا، قىستاق تۇرعىنى مامەتابدوللا توحتىسۇلەيمەننىڭ قۋانىشتان ەكى ەزۋى قۇلاعىنا جەتتى.
باش ۇجمە قىستاعى − شەريا اۋدانىنداعى نەگىزگى انار القاپتارىنىڭ ءبىرى، بۇل جەردە شىعاتىن اناردىڭ قابىعى جۇقا، قانتى مول، ءدانى تىعىز، ءتۇسى قانىق بولۋداي ەرەكشەلىككە يە، تۇتىنۋشىلاردىڭ قىزۋ قارسى الۋىنا بولەنگەن. ءبىراق، قىستاق تۇرعىندارىنىڭ باسقارۋى شاشىراڭقى بولعاندىقتان، انار ءونىم مولشەرىنىڭ تومەن، كىرىسىنىڭ از بولۋىنا اپارىپ سوقتىردى.
”قىستاق تۇرعىندارىنىڭ ەگىمشىلىك تەحنيكاسىنىڭ دەڭگەيىن جوعارىلاتۋ ءۇشىن، ءبىز ارنايى تەحنيك شاقىرىپ كۋرس اشتىق، سونىمەن بىرگە قىستاق تۇرعىندارىن گۇما اۋدانىنىڭ انار باعىنا اپارىپ ەكسكۋرسيالاپ ۇيرەنىپ قايتۋعا ۇيىمداستىردىق“، - دەدى مەملەكەت ەلەكتر تورى شينجياڭ ەلەكتر شەكتى سەرىكتەستىگىنىڭ باش ۇجمە قىستاعىندا تۇراتىن ءبىرىنشى شۋجيى لي لۋمين.
قازىر قىستاقتا بارلىق وتباسى انار اعاشىن ەگەدى، انار ەگىلگەن جەر اۋدانى 1200 مۋعا جەتىپ، جالپى ءونىم قۇنى 5 ميلليون يۋانعا تايادى.
لي لۋمين بىلاي دەدى: ”ءار جولى جەمىس پىساتىن مەزگىلدە، قىستاقتاعى انارمەن قامداۋ قاجەتسىنۋگە جەتپەي قالادى، كوپتەگەن ساۋداگەر قىستاققا كەلىپ تالاسا - تارماسا ساتىپ الىپ، كورلاعا، اقسۋعا، سونداي - اق ىشكى وڭىرلەردەگى كەيبىر قالالارعا ساتۋعا جونەلتەدى. كەلەسى قادامدا ءبىز اناردى جىنتىكتەي وڭدەۋ كاسىبىن بەلسەنە دامىتىپ، انار كاسىبى سالاسىن ۇلعايتامىز، الۋەتتەندىرەمىز“.اۋىل - قىستاق ساياحاتى كىرىستىڭ ارتۋىن جەبەدى
باش ۇجمە قىستاعى شەريا اۋدانىنىڭ شاحاي بيحۋ كورىنىس وڭىرىنە جاقىن جەردە، وسى ورىن باسىمدىعىنا سۇيەنە وتىرىپ، قىستاق شارۋالار شاتتىعى ساياحاتىن زور كۇشپەن دامىتتى.
قىستاق تۇرعىنى ءمامتىمىن تۇردىمامەت جەرگىلىكتى ورىننىڭ ابزال ساياساتىنا سۇيەنىپ، شارۋالار شاتتىعى ساياجايىن اشىپ، بايۋ جولىنا ءتۇستى. ول بىلاي دەدى: ”شارۋالار شاتتىعى ساياجايىن اشۋدى بۇرىننان ويلاپ كەلگەن ەدىم، ءبىراق، قارجى تاپشى بولدى. قىستاقتا تۇراتىن قىزمەت اترەتى بىلگەن سوڭ، مەنىڭ نىسان قارجىسىنا ءوتىنىش بەرىپ، شارۋالار شاتتىعى ساياجايىن اشۋىما كومەكتەستى، قازىر شارۋالار شاتتىعى ساياجايىمنىڭ اتى الىس - جۋىققا بەلگىلى، مەرەكە - دەمالىس كۇندەرىندە، ساياحاتتىڭ ەڭ شىرقاۋ كەزدەرىندە كوپتەگەن ساياحاتشى ساياجايدىڭ اتىن الىستان ەستىپ كەلەدى، ءبىر ايدا 8000 يۋان شاماسىندا تيجارات سوماسىن تابامىز“.
”قىستاعىمىزدا شارۋالار شاتتىعى ساياجايىن دامىتۋ باسىمدىعى بار، ءبىز قارجى دايىنداپ، كەدەي وتباسىلارىنىڭ شارۋالار شاتتىعى ساياجايىن سالىپ، كىرىستەرىن ارتتىرۋىنا كومەكتەستىك، سونىمەن بىرگە قىستاقتىڭ انار، جاڭعاق سياقتى اۋىل شارۋاشىلىعى ونىمدەرىنىڭ ساتىلۋىنا دا باستاماشىلدىق ەتتىك“، - دەدى لي لۋمين. ونىڭ ايتۋىنشا، قازىر قىستاقتاعى 3 شارۋالار شاتتىعى ساياجايى 10 ادامدى جۇمىستاندىرىپ وتىر ەكەن.
باش ۇجمە قىستاعى، سونىمەن بىرگە اناردى ارقاۋ ەتە وتىرىپ جۇمىس ىستەپ، كوڭىل اشۋ، سەيىل - سەرۋەن، تاماشالاۋ، ءۇزۋ - جيناۋ سياقتىلار ءبىر تۇلعالاندىرىلعان شارۋالار ساياحاتتاۋ، تاماشالاۋ كورىنىس تۇيىندەرىن تۇلعالادى. سونىمەن بىرگە، ءار جىلعى شەريا اۋدانىنىڭ ”انار گۇلى“ ساياحات مەرەكەسى ارقىلى قىستاقتاعى شارۋالار شاتتىعى ساياجايىن زور كۇشپەن ۇگىتتەپ، قوناقتاردى كەلىپ تۇتىنۋعا باۋرادى.
لي لۋمين: ”ءبىز’ شەريا انارى‘ ماركاسى ارقىلى انار گۇلى ەرەكشە قىستاق - قالاشىعىن زور كۇشپەن تۇلعالاپ، شارۋالار شاتتىعى ساياجايىنىڭ شارۋاشىلىق باسقارۋ جانە ەرەكشە ساياحات كاسىپتەرىن اشۋ جۇمىستارىن ءبىر تۇتاس جوسپارلاپ جاقسى ىستەپ، قىستاق تۇرعىندارىنىڭ كىرىستى ونان ارى ارتتىرۋىنا كومەكتەسەمىز“، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
