دامۋ سەنىمىن سەرپىلتىپ، ۇدەرە العا باسۋ كۇشىن ۇيىستىردى
− اۆتونوميالى رايوننىڭ ۇگىت - لەكسيا ۇيىرمەسى جەر - جەرگە بارىپ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە ۇگىت - لەكسيا جاسادى
گازەتىمىزدىڭ جالپىلىق اقپارات قۇرالدارى تىلشىلەرى
2020.11.27 15:32 كەلۋ قاينارى : شينجياڭ گازەتى
11 - ايدىڭ 23 - كۇنى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ بويىنشا اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەلەرى جەكە - جەكە تۇرپان قالاسى، بۇراتالا موڭعۇل اۆتونوميالى وبلىسى، اقسۋ ايماعى قاتارلى جەرلەردە قالىڭ پارتيالى كادرلار مەن بۇقاراعا پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ءتۇسىندىرىپ، جالپى ءماجىلىس رۋحىنىڭ جۇرەككە ۇيالاۋىن ىلگەرىلەتىپ، دامۋ سەنىمىن سەرپىلتىپ، ۇدەرە العا باسۋ كۇشىن ۇيىستىردى.
11 - ايدىڭ 23 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، جاراتىلىستىق بايلىق مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى زىڭ يانياڭ تۇرپاندا ۇگىت - لەكسيا بايانداماسىن جاسادى. ول ”ەلىمىزدىڭ جاڭا دامۋ كەزەڭىنە ءوتۋىنىڭ ماڭىزدى ءمانىن، ءتيىمدى شارتتارىن جانە ماڭىزدى ەرەكشەلىگىن جەتە تانۋ، 2035 - جىلعا دەيىنگى بولاشاقتىق نىسانا مەن ’14 - بەسجىلدىق‘ مەزگىلىندەگى ەلىمىز دامۋىنىڭ جەتەكشى باعىتىن، باستى نىسانالارىن، ءتۇيىندى مىندەتتەرىن ءدال يگەرۋ، جاڭا دامۋ ارناسىن قالىپتاستىرۋدىڭ ستراتەگيالىق ويى مەن ماڭىزدى كۇش سالۋ ءتۇيىنىن مىقتاپ يگەرۋ، پارتيانىڭ جالپى بەتتىك باسشىلىعىنا تاباندى بولۋ، ءار جاقتىڭ كۇشىن جۇمىلدىرىپ ’14 - بەسجىلدىق‘ جوبا مەن 2035 - جىلعا دەيىنگى بولاشاقتىق نىسانانى جۇزەگە اسىرۋ ءۇشىن ىنتىماقتاسا كۇرەس جۇرگىزۋ“ سياقتى مازمۇنداردى ارقاۋ ەتە وتىرىپ، جالپى ءماجىلىس رۋحى جونىندە ۇگىت - لەكسيا جانە تۇسىنىك جاسادى.
ۇگىت - لەكسيا بايانداماسىن تىڭداعان سوڭ، تۇرپان قالالىق دامۋ - رەفورما كوميتەتىنىڭ مەڭگەرۋشىسى جۋ گوفىڭ مىنالاردى ءبىلدىردى: وسى رەتكى ۇيرەنۋ ارقىلى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى جونىندە اناعۇرلىم تەرەڭ تۇسىنىككە يە بولىپ، ”14 - بەسجىلدىق“ مەزگىلىندەگى جاڭا ورايلار مەن جاڭا سىن - سايىستاردى ىشكەرىلەي تانىپ، جاپپاي سوتسياليستىك وسىزاماندانعان مەملەكەت قۇرۋ سەنىمىن ونان ارى بەكەمدەي ءتۇستىم. ءبىز جوعارى ساپالى دامۋدى جوعارى دەڭگەيدە جوسپارلاپ جانە جەتەكتەپ، تۇرپان قالاسىنىڭ ”14 - بەسجىلدىق“ جوباسىن عىلمي جولمەن جاساپ، وڭىرلىك باسىمدىقتى تولىق ساۋلەلەندىرىپ، سەلبەستىك پەن اۋىس - كۇيىستى كەڭەيتىپ، ەكونوميكالىق دامۋدىڭ ومىرشەڭدىگىن، قوزعاۋشى كۇشىن نىعايتىپ، تۇرپاننىڭ بولاشاعىن اناعۇرلىم تاماشا ەتىپ قۇرىپ شىعامىز.
11 - ايدىڭ 23 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ قوعامدىق عىلىمدار اكادەمياسى پارتكومىنىڭ شۋجيى، اكادەميا باستىعى ديڭ شوۋچيڭ بۇراتالا قالاسىندا جاڭا دامۋ كەزەڭىنىڭ، جاڭا دامۋ ۇستانىمىنىڭ، جاڭا دامۋ ارناسىنىڭ عىلمي ءمانى، نازاريالىق جانە امالياتتىق لوگيكاسى تۋرالى تۇسىنىك جاسادى، جينالىسقا قاتىناسقاندارعا ەلىمىزدىڭ 2035 - جىلعا دەيىنگى بولاشاقتىق نىساناسى مەن ”14 - بەسجىلدىق“ مەزگىلدەگى دامۋدىڭ جەتەكشى باعىتى، باستى نىسانالارى، ءتۇيىندى مىندەتتەرىنىڭ ورنالاستىرىلۋى، سونداي - اق ”14 - بەسجىلدىق“ جوبا مەن 2035 - جىلعا دەيىنگى بولاشاقتىق نىسانانى جۇزەگە اسىرۋدىڭ ساياسي كەپىلى جونىندە ۇگىت - لەكسيا جاسادى.
سول كۇنى تۇستەن كەيىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ەكولوگيالىق ورتا مەڭگەرمەسىنىڭ باستىعى قارقىن قابدىكەرىم التاي قالاسىندا ۇگىت - لەكسيا بايانداماسىن جاسادى. ول باس شۋجي شي جينپيڭنىڭ پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە جاساعان ماڭىزدى بايانداماسىنىڭ، ماڭىزدى تۇسىنىگىنىڭ، ماڭىزدى ءسوزىنىڭ رۋحىن جانە جالپى ءماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسىن» مىقتاپ ارقاۋ ەتىپ، جاندى مىسالدار، شىنايى ساندى مالىمەتتەر ارقىلى بەسىنشى جالپى ءماجىلىستىڭ رۋحىن تەرەڭ بايىمدادى جانە جان - جاقتى ءتۇسىندىردى.
ۇگىت - لەكسيا بايانداما جينالىسى رايونىمىزدىڭ جەر - جەرىندەگى قالىڭ پارتيالى كادرلاردىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن اناعۇرلىم ىشكەرىلەي ۇيرەنۋىنە، تۇسىنۋىنە تابىلمايتىن وراي ازىرلەدى. كوپشىلىك جاپپاي مىنالاردى ءبىلدىردى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن مۇقيات ۇيرەنۋدى، دايەكتىلەندىرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، تەرەڭدەي ۇيرەنىپ، جەتە ءتۇسىنۋ، وي - ساناعا، كوكەيگە ۇيالاتۋ جاعىندا كۇش سالىپ، قىزمەت ءىس جۇزىندىك جاعدايىمەن تىعىز بايلانىستىرىپ، ءتۇيىندى مىندەتتەردى تارماق بويىنشا، تۇرلەر بويىنشا ءبىر - بىرلەپ اشالاپ، جىكتەپ، جالپى ءماجىلىستىڭ رۋحىن ناقتى قىزمەت ارەكەتىنە اينالدىرىپ، جالپى ءماجىلىس رۋحىنىڭ رايونىمىزدىڭ جەر - جەرىندە تياناقتانىپ تامىر تارتۋىن، گۇل اشىپ جەمىس بەرۋىن ىلگەرىلەتەمىز.
(ءتىلشى پەريزات ابدۇل، قاتىناسقان تىلشىلەر جاڭ رۇيلين، سۇڭ ياۋىن، جاڭ تيڭ، ەرىكتى تىلشىلەر ما جيانشان، جاۋ جىندۇڭ، حۋ جۇنشيۋ)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
