”ءبىر بەلدەۋ، ءبىر جول“ بويىنداعى جارىق ەلشىسى
− مەملەكەتتىك ەڭبەك ەرى لي بيانچۇي تۋرالى
ەڭبەكشىلەر جىرى
2020.11.27 15:33 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى گى يوۋجۇن، سانجى تىلشىلەر پۋنكتىنەن ليۋ چيان
1989 - جىلى 25 جاستاعى لي بيانچۇي سول كەزدەگى شينجياڭ سانجى ەرەكشە ترانسفورماتور زاۆودىنا زات ساتىپ الۋشى قىزمەتكەر بولىپ قابىلدانادى. 7 جىلدان كەيىن ول ەرەكشە ترانسفورماتور جارنا شەكتى سەرىكتەستىگىنىڭ يمپورت - ەكسپورت سەرىكتەستىگى پارتيا باس ياچەيكاسىنىڭ شۋجيى، قوسىمشا باس ديرەكتورى بولادى.
31 جىلدان بەرى 5 قۇرلىقتا لي بيانچۇي مەن ونىڭ ۇجىمىنداعىلاردىڭ ىزدەرى قالدى، قات - قابات قيىنشىلىقتاردى جەڭىپ، اقىل - پاراساتتارى مەن ماڭداي تەرلەرى ارقىلى كەرنەۋ وزگەرتۋ، ەلەكتر جەتكىزۋ جەلىسىن تارتىپ، ورتا ازيا، افريكا، وڭتۇستىك امەريكا سياقتى جەرلەردەگى دامۋدى شۇعىل قاجەت ەتىپ وتىرعان ەلدەرگە جارىق جەتكىزدى.”ەلەكتر قۋاتى جىبەك جولىن“ نۇرلاندىردى
تاجىكستاننىڭ استاناسى دۋشانبە قالاسىنىڭ ورتالىعىنان كولىكپەن شىعىس سولتۇستىكتى بەتكە الىپ شامامەن 10 مينۋت جۇرگەندە جەرگىلىكتى تۇرعىنداردىڭ بارلىعىنا تانىس دۋشانبە 2 - ءنومىرلى جىلۋ ەلەكتر ستانسياسىنا جەتۋگە بولادى. 2017 - جىلى وسىزاماندانعان وسى جىلۋ ەلەكتر ستانسياسى وندىرىسكە قوسىلعاننان كەيىن، جەرگىلىكتى ورىنداعى بۇقاراعا جارىق جانە مەيىر جەتكىزىپ قانا قويماي، ونان دا ماڭىزدىسى، جۇڭگو - تاجىكستان ەكى ەل دوستىعىنىڭ سيمۆولىنا اينالدى.
جات ەل، جات جەر، اسقار تاۋ، قيىر جول، جان باسپاعان ءوڭىر، جولسىز جەرلەردى لي بيانچۇي ادامداردى ەرتىپ، اسقار تاۋ، قۇزار شىڭداردى باسىپ، ادام كۇشىمەن سۇيرەپ، يىقپەن كوتەرىپ، تالاي - تالاي تەمىر مۇنارالاردى تاۋ شوقىسىنا ورناتتى، كۇمىستەي جارقىراعان تالاي - تالاي ەلەكتر جەتكىزۋ جەلىلەرى ارقىلى دوستىق كوپىرىن تۇرعىزدى. قازىرگە دەيىن ەرەكشە ترانسفورماتور سەرىكتەستىگى تاجىكستانعا 10 ەلەكتر ينجەنەرياسىن تاپسىرىپ بەردى، 2 نىسان سالىنۋ ۇستىندە.
تالاي جىلدان بەرى، لي بيانچۇي باستان - اياق جۇڭگو كەرنەۋ وزگەرتۋ، ەلەكتر جەتكىزۋ كەمەلدى جۇيەسىنىڭ ينتەگرالدى تەحنيكا ولشەمىن جەتكىزۋگە كۇش سالىپ، ەرەكشە ترانسفورماتور جوعارى، جاڭا تەحنيكا ونىمدەرى ىلگەرىندى - كەيىندى 70 نەشە مەملەكەت پەن وڭىرگە جەتكىزىلىپ، 30 نەشە مەملەكەتتى بارلاۋ - ولشەۋ، جوبالاۋ، ينجەنەريا قۇرىلىسى، جابدىقپەن قامداۋ، ورناتىپ سىناقتان وتكىزۋ، پايدالانۋ جانە تەحنيكالىق قىزمەت كورسەتۋ، باۋلۋ، قىزمەت وتەۋ سياقتىلاردى ءبىر تۇلعالاندىرعان شەشۋ جوباسىمەن قامدادى.100 مىڭ يۋاننان 5 ميلليارد يۋاننان اسقانعا دەيىن
11 - ايدىڭ 16 - كۇنى قىرعىزستانداعى 400 نەشە كيلومەتر كەلەتىن داتقا - كەمين 500KV كەرنەۋ وزگەرتۋ، ەلەكتر جەتكىزۋ جەلىسىندە ەرەكشە ترانسفورماتور سەرىكتەستىگىنىڭ جاس جەلى شارلاۋشى قىزمەتكەرى لياڭ لۇڭجين ءبىر كۇندىك قاربالاس قىزمەتىن باستادى. قىرعىزستاننىڭ وڭتۇستىگى مەن سولتۇستىگىن كەسىپ وتكەن وسى جەلى 5 جىلدىڭ الدىندا سالىنىپ بىتكەن، ”ءبىر بەلدەۋ، ءبىر جول“ بويىنداعى بەلگى سيپاتتى نىسانداردىڭ ءبىرى.
ۋاقىت سترەلكاسىن 1997 - جىلعا شەگەرەلىك، سول شاقتا لي بيانچۇي سەرىكتەستىك بەرگەن 100 مىڭ يۋاندى الىپ، ءبىر بۇعالتىر، ءبىر قىزمەتكەردى باستاپ، يمپورت - ەكسپورت ءبولىمىن قۇرادى. بارلىعىن تىڭنان باستاعان لي بيانچۇي ۇجىمدى باستاپ 2 اي بويى كوز شىرىمىن الماي، دەمالماي، باسەكە شيەلەنىستى بولىپ وتىرعان حالىقارالىق بازاردان اراب بىرلەسكەن امىرلىگىنە وزدەرى ەكسپورت ەتەتىن ترانسفورماتور تاپسىرىسىنا قول جەتكىزەدى، بولات ماتەريالدارىنىڭ بەلگىلەنگەن تيجارات جۇرگىزۋ ۇقىعىن، سىرتقا باعىتتالعان ەكونوميكالىق، تەحنيكالىق سەلبەسىپ تيجارات جۇرگىزۋ ۇقىعىن الادى.
بۇل تەك باستاماسى عانا ەدى، 23 جىلدا لي بيانچۇيدىڭ ۇجىمى 3 ادامنان 315 ادامعا كوبەيدى، سەرىكتەستىگىنىڭ مال - مۇلكى 100 مىڭ يۋاننان 5 ميلليارد يۋاننان استامعا جەتتى، كاسىپ كولەمى دە ءوز باسقارۋىنداعى ەكسپورتتان 60 نەشە مەملەكەتكە جانە وڭىرگە قىزمەت وتەۋگە دەيىن كەڭەيدى. كەزەكتە ەرەكشە ترانسفورماتور سەرىكتەستىگىنىڭ كەمەلدى نىساندارىنىڭ جالپى كوتەرمەگە الىپ قىزمەت وتەۋى جانە جالاڭ ماشينا ونىمدەرى دۇنيە ءجۇزىنىڭ 5 قۇرلىعىن قامتىپ، 40 مىڭعا تاياۋ ەڭبەككۇشتىڭ سىرتقا شىعارىلۋىنا تۇرتكى بولدى.ساپالى قىزمەت وتەپ، دوستىقتى جەتكىزدى
لي بيانچۇي كوممۋنيستىك پارتيا مۇشەسى، ول اقىلدى دا اڭعارلى، جاپاعا شىدامدى، قاجىرلى، قايىسپاس جان.
قىزمەت ىستەگەندە لي بيانچۇي قاۋىرت قيمىلدايدى، ەشقاشاندا بويكۇيەزدىككە سالىنبايدى. ول ءاربىر ۇساق ىستەردەن باستاپ مىقتاپ يگەرىپ، ناق مايدانعا ىشكەرىلەي بارىپ نىسان قۇرىلىستارىنا جەتەكشىلىك ەتىپ، جابدىقتىڭ ناقتى ورىنعا جەتۋ جاعدايىن تياناقتاندىرادى، قۇرىلىس جۇرگىزەتىن ورىنمەن بايىپتىلىقپەن بايلانىس جاساپ، جابدىقتىڭ ورنالاستىرىلۋ اياق السىن باقىلاپ، تەكسەرىپ، ءارقايسى تاراۋلاردىڭ جاۋاپتىلارىمەن قۇرىلىس جۇرگىزۋ جوباسىن ىشكەرىلەي تالقىلايدى.
ورتا ازيادان افريكاعا دەيىن، وڭتۇستىڭ ازيادان ەۆروپاعا دەيىن... لي بيانچۇي ۇجىمىن باستاپ قاي جەرگە بارسا، سول جەرگە جۇڭگو كاسىپورنىنىڭ ساپالى قىزمەت وتەۋىن جەتكىزدى، سول جەرگە جۇڭگو حالقىنىڭ دوستىعىن جەتكىزدى. شىجىعان ىستىقتا ساحارا شولىندەگى قۇرىلىس ورنىندا لي بيانچۇي مەن اترەت مۇشەلەرى ىستىقتان ءدامى وزگەرىپ كەتكەن تاماقتى بىرگە جەدى، سۋدانداعى مەنشىك يەلەرى ولاردى جاپاعا شىدامدى ”ءشول قايىعى“ دەپ اتادى؛ ۇنەمى قارلى بوران بولاتىن تاجىكستانداعى تاۋلى ءۇستىرتتى قۇرىلىس ورنىندا، ول قىزمەتتەستەرىمەن بىرگە اياقتارىمەن تىرشىلىك قامداۋ جولىن اشىپ، تاجىكتەر جاعىنان جەڭىمپاز ”قارلى الاپتىڭ قىرانى“ دەگەن داڭققا يە بولدى... ول باس بولىپ اتقارعان تاجىكستان 500KV − 220KV ەلەكتر جەتكىزۋ، كەرنەۋ وزگەرتۋ جەلىسى جانە كەرنەۋ وزگەرتۋ پۋنكتى كەمەلدى نىسانىن باس كوتەرمەگە الۋ ينجەنەرياسىنا ”جۇڭگو قۇرىلىس ينجەنەرياسىنىڭ لۋبان سيلىعى“ بەرىلدى.
لي بيانچۇي ۇجىمىن باستاپ ”ءبىر بەلدەۋ، ءبىر جول“ بويىنداعى مەملەكەتتەرگە اقىسىز مەكتەپ، تاس جول، قۇدىق، بالالار ءۇيىن سالىپ بەرىپ، جىلىجايدا كوكونىس ەگۋ تەحنيكاسى سياقتىلاردى ەنگىزۋىنە كومەكتەسىپ، جەرگىلىكتى ورىنداعى بۇقارانىڭ ىرىس - قۇتىن ارتتىردى.
”’ءبىر بەلدەۋ، ءبىر جول‘ باستاماسىنىڭ ۇزدىكسىز ىلگەرىلەۋىنە ساي، ءبىز سىرتقا باعىتتالعان ەكونوميكا - ساۋدا سەلبەستىك دەڭگەيىن ۇزدىكسىز جوعارىلاتىپ، وزىندىك دامۋدى جۇزەگە اسىرۋمەن بىرگە، ءىس جۇزىندىك ارەكەت ارقىلى جەلى بويىنداعى مەملەكەتتەر مەن وڭىرلەردىڭ دامۋىنا ’جۇڭگو ەنەرگياسىن‘ ۇستەپ، بىرگە دامۋدى جەبەيمىز“، - دەدى تاياۋدا عانا مەملەكەتتىك ەڭبەك ەرى بولىپ باعالانعان لي بيانچۇي.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
