- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋىل-قىستاق كىتاپحانالارى ءبىلىم قامباسىنا اينالا بەرگەي...
2014.02.20 14:18 كەلۋ قاينارى : شينجياڭ حالىق راديو ستانسياسى تورابى
قازىر پارتيا مەن ۇكىمەتىمىز اۋىل-قىستاقتارعا دەيىن مادەنيەت ىستەرىن بارىنشا جانداندىرىپ، اۋىل ونەرپازدارىنان شاعىن ويىن قويۋ اترەتتەرىن قۇرىپ، كىتاپحانا، دەنە شىنىقتىرۋ، كوڭىل اشۋ قۇرىلعىلارىن كەمەلدەندىرە تۇسكەنى بارشاعا ايان. سونداي-اق، قىستاقتارعا دەيىن كىتاپ وقۋ ۇيلەرى قۇرىلىپ، ۇنەمى جاڭا كىتاپتارمەن تولىقتىرىلىپ كەلەدى. كىتاپحانالار مەزگىل سايىن «ۇزدىك وقىرمان»، «كانيكولداعى كىتاپ وقۋ قيمىلى» سياقتى فورمالارمەن اۋىل-قىستاقتاعى جەتكىنشەكتەردى، جالپى تۇرعىنداردى كىتاپ وقۋعا ۇندەپ وتىر. دەسە دە، كىتاپ وقۋعا قۇلىقتى وقىرماننىڭ كوڭىل كونشىتەرلىك كوپ بولماۋى دا ناقتىلى شىندىق. تۋىسقان ۇلتتار «كىتاپ شايى»، «زات ساتىپ العاندارعا ءتيىمدى باعادا كىتاپ ۇسىنۋ قيمىلى»، «جەكەلەر كىتاپحانا اشۋ» سياقتى فورمالارمەن جالپى حالىقتىق كىتاپ وقۋ قيمىلىن ورىستەتكەلى قاشان. ۇلتىمىز قونىستانعان وڭىرلەردە جالپى حالىقتى كىتاپ وقۋعا اتتانىسقا كەلتىرۋ جايتى دە ءبىرشاما از. تەك وتارعا گازەت-جۋرنال جەتكىزۋ، قۇرىلتاي مازمۇندارى باسىلعان گازەت-جۋرنال، كىتاپتاردى جەتكىزۋ جانە داعدىلى قىسقا مەرزىمدىك كىتاپ وقۋ قيمىلدارى عانا جىلىنا 2 دە 3 رەت ورىستەتىلىپ وتىراتىنى انىق. مىنەكي وسىنداي جاعديلاردا ءار جىلى اۋىلىمىزدان، كىتاپقا اسا قۇمار بىرنەشە وقىرمانىمىز ءوز ادەتتەرىمەن كوپشىلىكتى ءتانتى ەتىپ جاتادى. سانى جاعىنان از بولسادا، ولاردىڭ كىتاپقۇمارلىعى اۋىلىمىزدا اڭگىمەگە تيەك بولىپ، كىتاپ وقۋعا قۇنىقپايتىن ءبىر ءبولىم جاستارعا تاماشا ۇلگى بولدى دەسەك ارتىق ەمەس.
ەرسىنباي راقىمبەك ۇلى ـــ مۇڭعۇلكۇرە اۋدانى سارقوبى اۋىلىنىڭ تۇرعىنى، ول 1991-جىلدىڭ تۇلەگى:
«مەنىڭ قۇربىلارىم ياعىني مەن سەكىلدى 90-جىلدىڭ تۇلەكتەرى سىنعا كوپ ىلىنەمىز»،-دەيدى ول كۇلىپ؛-«ويتكەنى ءبىز ەرمەگى كوپ داۋىردە جاساپ وتىرمىز. تەلەۆيزور، توراپ، قول تەلەفون سياقتىلارعا تەلمىرۋمەن ۋاقىتىمىزدىڭ قالاي وتكەنىن بىلمەيمىز. ءبىر عاجابى، مەنىڭ سول توراپ، قول تەلەفون، تەلەۆيزور سياقتىلاردان العان ينفورماتسيام نەگىزىنەن اقپاراتتىق جاڭالىق رەتىندە عانا قابىلدانىپ، كۇندەلىكتى ۋاقيعالاردان حارباردار بولۋ سەكىلدى عانا بولىپ وتىر. ال، كىتاپتان العان دۇنيەم عانا ەسىمدە قالاتىنداي. ويتكەنى، جىم-جىرت كىتاپ وقىپ، ونىڭ قىزىعىنا شومعان شاقتارىم، ءوزىم قىزىققان ادەمى سوزدەر، اسەر ەتكەن ادامدار ەستەلىگىمە ءتىزىلىپ قالادى. سونداي-اق كوكەيىمدە ءار وبراز ءوز ەرەكشەلىگىمەن جاسايدى. كىتاپ مەنىڭ جان سارايىمدى سۋارىپ جاتادى. اتا-انام دا مىنەزىمنىڭ بۇرىنعىعا قاراعاندا سابىرلى قالىپقا ويىسىپ باراجاتقانىن ءجيى ايتادى. ەگەر مەن دە تيتتەي ارتىقشىلىقتار پايدا بولىپ جاتسا، ونى كىتاپتىڭ مەنى تاربيەلەۋى دەر ەدىم».
ونىڭ اڭگىمەسىن ەستىپ وتىرىپ، كىتاپتىڭ وعان قانشالىقتى تاماشا داعدىلار سيلاعانىنا وي جۇگىرتتىم. ءوزى بايسالدى، ءار ءسوزىن ورىندى، ويلانا ايتادى. مىنە ونىڭ بارلىعى وعان كىتاپ سيلاعان قاسيەتتەر ەكەنى ايان.
قازىنا مەكتەبىندە ءبىلىم الىپ جاتقان ەرسىنباي راقىمبەك ۇلىنىڭ جۋىردان بەرى كىتاپحانامىزعا ءتورتىنشى رەت كەلۋى ەكەن. كىتاپ قارىزعا الۋ ەستەلىگىنە ۇڭىلەر بولساق، ونىڭ ءار جولى بەستەن ونعا دەيىن كىتاپ اكەتكەنىن بايقايمىز.
ءيا، جەتكىنشەكتەرىمىزدىڭ بويىندا تاماشا داعدىلار جەتىلە بەرسە ەكەن. اۋىل-قىستاقتاعى كىتاپحانالارىمىز «شىعىس جەلى ينجەنەرياسى»، «ەگىنشى-مالشىلار كىتاپ وقۋ ءۇيى»، «جەرگىلىكتى ورىنداردىڭ كىتاپ قورىن مولايتۋى» سياقتى الۋان ارنالارمەن ءتىپتى دە مولىعىپ، اۋىل جاستارىنىڭ ءبىلىم قامباسىنا اينالسا ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
