- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو مەن موڭعۇليا شەكاراسىنداعى ۇلاستاي شەكارا وتكەلىنە ەلەكتر جەتكىزىلدى
2014.08.14 13:41 كەلۋ قاينارى : ءتاڭىرتاۋ تورابى
مەملەكەتتىك ەلەكتر تورابى سەرىكتەستىگىنىڭ شينجياڭ بولىمشەسىنەن ۇعىسۋىمىزشا، مەملەكەتتىك ەلەكتر تورابى سەرىكتەستىگى شينجياڭ بولىمشەسىنىڭ ۇلاستاي 35 كيلوۆولتتىق ەلەكتر جەتكىزۋ - كەرنەۋ وزگەرتۋ جانە سايكەستى جەتكىزۋ ينجەنەرياسى 31 - شىلدەدە پايدالانۋعا بەرىلدى، ءسويتىپ، 62 جىلدان بەرى ۇلاستاي شەكارا وتكەلىندەگى شەكارا قورعانىس قوسىنى مەن توڭىرەكتەگى 210 مالشى وتباسىن ءىرى ەلەكتر تورابى ارقىلى ەلەكترمەن قامداي الماۋ تاريحى اياقتادى.
ۇلاستاي شەكارا وتكەلى سانجى حۇيزۋ اۆتونوميالى وبلىسىنداعى بىردەن - ءبىر مەملەكەتتىك 1 - دارەجەلى ەكى جاقتىلى ماۋسىمدىق سيپات الاتىن قۇرلىقتىق شەكارا وتكەلى، جۇڭگو مەن موڭعۇليانىڭ شەكاراسىنا ورنالاسقان، شونجى اۋدانىنان 250 كيلومەتر قاشىقتىقتا، 1992 - جىلى تۇڭعىش رەت اشىلعان. اتالعان وتكەل ەلەكتر تورابىنىڭ ەلەكتر كوتەرىمدىلىگى ورتالىعىنان شالعايعا ورنالاسىپ، ەلەكترمەن قامداۋ جۇمىسى ديزەل ماي گەنەراتور شوعىرىنا سۇيەنەتىندىكتەن، جەرگىلىكتى ورىننىڭ ەلەكتر قاجەتىن قاناعاتتاندىرا المادى.
ۇلاستاي ءوڭىرىنىڭ ەلەكتر ماسەلەسىن تۇبەگەيلى شەشۋ ءۇشىن، بيىل 8 - مامىردا مەملەكەتتىك ەلەكتر تورابى سەرىكتەستىگىنىڭ شينجياڭ بولىمشەسى ۇلاستاي شەكارا وتكەلىندە «ەلەكترمەن قامداۋ» ينجەنەرياسىن ىسكە قوسىپ، قۇرىلىسقا 15 ميلليون 640 مىڭ يۋان قارجى قوسىپ، ۇلاستاي 35 كيلوۆولتتىق ەلەكتر جەتكىزۋ - كەرنەۋ وزگەرتۋ جانە سايكەستى جەتكىزۋ قۇرىلىسىن باستاپ، ۇلاستاي شەكارا وتكەلىنە ەلەكتر جەتكىزۋدەن قامال الۋ شايقاسىن دابىرالى ورىستەتتى.
ۇلاستاي شەكارا وتكەلىندەگى قۇرىلىس ورنىنىڭ جاعراپيالىق ورتاسى ءناشار، ەلەكتر جەتپەگەن وتباسىلارىنىڭ دەنى الىس، بىتىراندى ورنالاسقان، قاتىناسى قولايسىز، تاسىمالداۋ جۇمىسى قيىن بولعاندىقتان، قۇرىلىس مىندەتى ايرىقشا اۋىر بولدى. ينجەنەريانىڭ ءساتتى بىتۋىنە كەپىلدىك ەتۋ ءۇشىن، قۇرىلىس مىندەتىن ارقالاعان مەملەكەتتىك ەلەكتر تورابى سەرىكتەستىگىنە قاراستى سانجى حۇيزۋ اۆتونوميالى وبلىستىق ەلەكترمەن قامداۋ سەرىكتەستىگى ارناۋلى باسشىلىق گرۋپپاسىن ۇيىمداستىرىپ، 75 كۇن ىشىندە ۇلاستاي ەلەكترمەن قامداۋ قۇرىلىسىن تامامداپ، مەملەكەتتىك ەلەكتر تورابى سەرىكتەستىگى شينجياڭ بولىمشەسىنىڭ اۋىل - قىستاق ەلەكتر تورابى قۇرىلىسىندا ەڭ تەز رەكوردتى جاراتتى.
ۇعىسۋعا قاراعاندا، 5 جىلدان بەرى مەملەكەتتىك ەلەكتر تورابى سەرىكتەستىگىنىڭ شينجياڭ بولىمشەسى 183 ميلليون يۋان قارجى اجىراتىپ، 6 شەكارا قورعانىس قوسىنىنا ەلەكتر جەتكىزگەن. 2014 - جىلى مەملەكەتتىك ەلەكتر تورابى سەرىكتەستىگىنىڭ شينجياڭ بولىمشەسى 3 ميلليارد470 ميلليون يۋان قارجى اجىراتىپ، اۋىل - قىستاق ەلەكتر تورابى قۇرىلىمىن ونان ارى جاقسارتىپ، ەلەكتر تورابىنىڭ شارپۋ اۋماعىن كەڭەيتىپ، شەكارا وڭىردەگى 7 شەكارا قورعانىس قوسىنى مەن 3 شەكارا وتكەلدىڭ ەلەكتردەن پايدالانۋ ماسەلەسىن شەشۋدى جوسپارعا العان. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
