- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شونجى اۋدانىندا 40 نەشە ادام الدانىپ جالعامالى ساتۋ ۇيىمىنا شىرمالعان
2014.08.29 15:20 كەلۋ قاينارى : حالىق تورابى
حالىق تورابى، 29 – تامىز، بەيجيڭ. تيانشان تورابىنىڭ حابارلاۋىنشا، شينجياڭ شونجى اۋداندىق قوعام حاۋىپسىزدىگى مەكەمەسى قاراماعىنداعى وڭىردە تۇراتىن ياڭ XX قاتارلىلاردىڭ مالىمدەۋىن تاپسىرىپ العان، ولار گۋاڭشي ولكەسى ناننيڭ قالاسىنداعى ـــ «قارجى اينالىمى» دەپ اتالاتىن جالعامالى ساتۋ ۇيىمىنا الدانىپ كىرگەنىن مالىمدەگەن، قوعام حاۋىپسىزدىگى مەكەمەسى مالىمدەۋدى تاپسىرىپ العاننان كەيىن، بۇل دەلونى دەرەۋ تەكسەرۋگە كىرىسەدى.
تەكسەرۋ ناتيجەسىنە قاراعاندا، 2013 – جىلدان بەرى شونجى اۋدانىندا جاڭ XX جەتەكشىلىك ەتكەن 10 نەشە ادام گۋاڭشي ولكەسى ناننيڭ قالاسى لياڭچيڭ رايونىندا مەملەكەت قارجى قوسقان «قارجى اينالىمىن» ىسكە قوسامىز، جوعارى تابىسقا كەنەلۋگە بولادى دەگەن جالعان جەلەۋمەن قول استىنداعىلاردى كوبەيتۋ ارقىلى پايدا تاۋىپ، الدانعانداردى گۋاڭشي ولكەسى ناننيڭ قالاسىنا اپارىپ، ولارعا ساباق ءوتىپ، «باستارىن اينالدىرعان». قول استىنداعىلاردىڭ اربىرەۋىنە كەمىندە ءبىر «جارنا» ساتىپ الۋدى تالاپ ەتكەن (قۇنى 69800 يۋان) ءارى بانكەدەن جالعان ەسەپ اۋدارۋ امالىمەن قول استىنداعىلاردىڭ قارجىسىن ءوز ەسەبىنە اۋدارىپ، ولاردىڭ اقشاسىن زاڭسىز يەمدەنگەن. قازىر شونجى اۋداندىق قوعام حاۋىپسىزدىگى مەكەمەسى زيانعا ۇشىراعان 40 نەشە ادامدى تىزىمگە العان، 10 نەشە ادامنان سپات العان.
ساقشىعا مالىمدەۋشىنىڭ ايتۋىنشا، بۇل دەلودا 2000نان استام ادام زيانعا ۇشىراعان بولۋى، قاتىستى قارجىنىڭ سوماسى 100 ميلليوننان اساتىن بولۋى مۇمكىن.
[جالعامالى ساتۋدىڭ كانىگى امالدارى]
1) جالعامالى ساتۋ ۇيىمدارى «جالعامالى ساتۋ ارقىلى لەزدە بايۋعا بولادى» دەگەندى بارىنشا ۋاعىزدايدى. الايدا، بۇل ۇيىمعا قاتىناسۋشىلار جۇزدەپ – مىڭداپ «تىزىمدەلۋ اقىسىن» تاپىسرعاننان كەيىن نەمەسەەشقانداي پايداسى جوق ونىمدەرى جوعارى باعامەن ساتىپ العاننان كەيىن، وزدەرىنىڭ «تاقىر جەرگە وتىرىپ قالعانىن» ءبىراق بىلەدى.
2) جالعامالى ساتۋمەن اينالىساتىندار «وتىرىكتى شىنداي، اقساقتى تىڭداي قىپ» سوعۋعا شەبەر كەلەدى، ولار ۇنەمى جالعامالى ساتۋدى «تىزبەكتى ۇيىمداسۋ»، «عالامتوردا ساتۋ»، «ەلەكتروندىق ساۋدا» قاتارلى ادەمى اتاۋلارمەن اتاپ، باسقالاردى اقشا تولەپ ۇيىمعا قاتىناسۋعا ۇگىتتەۋدە ءتاسىل تالعامايدى.
3) جالعامالى ساتۋ ۇيىمى ساباق ءوتۋ، تاربيەلەۋ، جيىن اشۋ قاتارلىلاردى جەلەۋ ەتىپ، تۇرعىندار ءۇيىن مايعا الىپ، جاڭادان قاتارعا قوسىلعانداردى شوعىرلاندىرىپ، جابىق جانە ءماجبۇرلى تۇردە «مي جۋۋ» ساباعىن ءوتىپ، باسقالاردىڭ مال – مۇلكىن قالاي الداپ الۋدى ۇيرەتەدى.
4) جالعامالى ساتۋمەن اينالىسۋشىلار تۋىستىق، اۋىلداستىق، ساباقتاستىق سىندى قارىم – قاتىناستاردان پايدالانىپ، اق كوڭىل جانداردى بەيتانىس ورتاعا الداپ اپارىپ، جالعامالى ساتۋ ۇيىمىنا قاتىناستىرادى. قارسىلىق كورسەتكەندەرگە قورقىتۋ، قىسىم جاساۋ امالدارىن قولدانىپ، زاڭسىز جولدارمەن باسقالاردىڭ ەركىندىگىنە قول سۇعىپ، ولاردى امالسىز ىرقىنا كونۋگە ماجبۇرلەيدى.
5) جالعامالى ساتۋمەن اينالىسۋشىلار وزدەرىنىڭ ۇيىمدارىن كەڭەيتۋ ءۇشىن، قاتىناسقانداردى جالعاستى تۇردە ادامدى كوبەيتۋگە زورلايدى. ۇيىمنىڭ اتتوبەلىندەي اتاماندارى عانا قول استىنداعىلاردىڭ ادال ەڭبەكتەرىنىڭ جەمىسىن قىمقىرىپ، كوپ سانداعى ادەتتەگى ۇيىم مۇشەلەرى اۋىر زيانعا ۇشىراپ، ەڭبەكپەن تاپقان اقشالارى سەلگە كەتەدى.
[قالاي ساقتانۋ كەرەك]
1. بۇكىل جۇرتشىلىق زاڭسىز جالعامالى ساتۋدى تەجەيتىن قوعامدىق راي قالىپتاستىرۋ
2. جاستار مەن وسپىرىمدەردىڭ زاڭدىق تانىمدارىن جوعارىلاتۋ
3. جاستار مەن وسپىرىمدەردى دۇرىس قۇن كوزقاراسىن، ومىرگە كوزقاراستى، كاسىپ تاڭداۋ كوزقاراسىن ورناتۋعا جەتەكتەۋ كەرەك
4. جاستار مەن وسپىرىمدەردىڭ ءوزىن قورعاۋ تانىمىن جوعارىلاتۋ كەرەك
5. زاڭسىز جالعامالى ساتۋ قيمىلدارىن دەر كەزىندە ساقشىعا مالىمدەۋ كەرەك
[ەسىڭىزدە بولسىن]
قىزمەتكەر قابىلداۋ، ساۋدا ىستەۋ سىندى جەلەۋمەن، اقشا تاپسىرعانداردى نەمەسە ادام تانىستىرعانداردى ۇيىمعا قابىلدايمىز، ۇيىمعا قاتىناسقاننان كەيىن سيلىق اقشا بەرەمىز ءارى كىرىسىڭىز جوعارى بولادى دەپ مايىن تامىزعاندارعا استە سەنۋشى بولماڭىز. جالعامالى ساتۋ مەن ءتۇرى وزگەرگەن جالعامالى ساتۋ ارەكەتتەرىن بايقاساڭىز، دەرەۋ ونەركاسىپ – ساۋدا تاراۋلارى مەن قوعام حاۋىپسىزدىگى تاراۋلارىنا مالىمدەڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
