16 جىلدىڭ الدىندا بانكە توناپ، مال – مۇلكى 100 ميلليون يۋاننان اسقاندا قولعا ءتۇستى

2015.10.28 14:03   كەلۋ قاينارى : حالىق تورابى

　　27 – قازاندا جىڭجوۋ ساقشى جاعى «1999 – جىلعى 5 – جەلتوقسان» ەرەكشە ءىرى بانكە توناۋ دەلوسى تۋرالى اقپار جاريالاۋ ءماجىلىسىن اشتى.

　　1999 – جىلى 5 – جەلتوقسان ساعات 19دان 20 مينۋت وتكەندە، قارۋ ۇستاعان 5 قىلمىس كۇماندىسى جىڭجوۋ قالاسى حاڭحاي شىعىس جولىنداعى جىڭجوۋ سەلبەستىك بانكەسى گۋاڭچىڭ بولىمشە بانكەسىنىڭ جۇڭياۋچىڭ تولايىم ساتۋ بازارى بولىمشە ءىس باسقارۋ ورنىنا باسا كوكتەي كىرىپ، وق شىعارىپ اماندىق قورعاۋشى مەن بانكە قىزمەتكەرىن جارالاعاننان كەيىن، 2 ميلليون 80 مىڭ يۋان اقشانى الىپ قاشىپ كەتكەن.

　　بيىل ءساۋىر ايىندا جىڭجوۋ ساقشى جاعى دەلو تۋىلعان جەردەگى زاتتىق ايعاقتاردى قايتادان تەكسەرىپ، وسىزامانعى تەحنيكالار ارقىلى قىلمىس كۇماندىسىنىڭ قاتىستى مالىمەتتەرىمەن سالىستىرعان. 21 – قازاننان 24 – قازانعا دەيىن، جىڭجوۋ ساقشى جاعى نەشە ونداعان ساقشىنى جۋماديان رايونىنا جىبەرىپ، 16 جىل بويى جاسىرىنىپ جۇرگەن 5 قىلمىس كۇماندىسىن قۇرىقتادى.

　　16 جىل ىشىندە قىلمىس كۇماندىسى شى موۋچۇن بانكە توناۋ ارقىلى قولعا كەلتىرگەن اقشاسىمەن قورا – جاي كاسىبى، ساۋدا – ساتتىق، دەمالىس ورىندارى قاتارلى سالالارعا قارجى قوسىپ، مال – مۇلكى ءجۇز ميلليون يۋاننان اسىپ، شىرىگەن باي كاسىپكەرگە اينالدى.

　　كەلۋ قاينارى: حالىق تورابى