ەلىمىزدىڭ زەرتتەۋ ۇيىرمەسى ايدىڭ توپىراعىنا قاتىستى جاڭا زەرتتەۋ ناتيجەسىنە قول جەتكىزدى

ەلىمىزدىڭ زەرتتەۋ ۇيىرمەسى چاڭ – ى 5 – ءنومىرلى اسپاپ ايدان اكەلگەن توپىراقتان جوعارى تەمپەراتۋرادا توتىقتاندىرۋ – توتىقسىزداندىرۋ رەاكسياسى تاسىلىنەن پايدالانعاندا سۋ شىعارۋعا بولاتىنىن بايقادى، بۇل بولاشاقتا ايدا عىلىمي زەرتتەۋ پۋنكتىن سالۋدى، سونداي – اي، عارىش بەكەتىن سالۋدى جوبالاۋعا ماڭىزدى نەگىز ازىرلەيدى. بۇل ناتيجەگە قاتىستى عىلىمي ماقالا 8 – ايدىڭ 22 – كۇنى «جاسامپازدىق» اتتى حالىقارالىق عىلىمي مەرزىمدى جۋرنالدا جاريالانعان.

زەرتتەرمەندەر ۇيىمىنىڭ 3 جىل بويى ىشكەرىلەي زەرتتەۋ جۇرگىزۋ جانە قايتا – قايتا دالەلدەۋ بارىسىندا بايقاۋىنشا، اي توپىراعىنداعى مينەرال كۇن بورانىنىڭ سان ميلليونداعان جىلدار بويى ساۋلە ءتۇسىرۋى بارىسىندا زور مولشەردەگى سۋتەگىن ساقتاپ قالعان. جىلۋ وتكىزۋ ءارى جوعارى تەمپەراتۋراداعى جاعدايدا، سۋتەگى مەن مينەرال زاتتىڭ قۇرامىنداعى تەمىر توتىقتارى اراسىندا توتىعۋ – توتىقسىزدانۋ رەاكسياسى تۋىلىپ، تەمىر جاي زاتى جانە كوپ مولشەردەگى سۋ پايدا بولادى. تەمپەراتۋرا 1000 گرادۋستان جوعارى بولعان كەزدە، اي توپىراعى بالقىپ، وسى رەاكسيا بارىسىندا قالىپتاسقان سۋ سۋ بۋى فورماسىندا ءبولىنىپ شىعادى.

ءتۇرلى تاجىريبەلەرگە تەحنيكالىق تۇرعىدان ساراپتاۋ جۇرگىزۋ ارقىلى، زەرتتەرمەندەر ۇيىرمەسى ءبىر توننا اي توپىراعىنان شامامەن 51 – 76 كيلوگرام سۋ وندىرۋگە بولاتىنىن، وسى ارقىلى نەگىزىنەن 50 ادامنىڭ ءبىر كۇندەگى اۋىز سۋىن قامتاماسىزداندىرۋعا بولاتىنىن تۇراقتاندىرعان.

كەلۋ قاينارى: حالىق تورابى