شينجياڭداعى 27 ـ حالىقتىق اۋەجاي بايىنبۇلاق اۋەجايىندا ۇشاق قاتىنادى

8 - ايدىڭ 20 - كۇنى تۇستەن بۇرىن ساعات 10 نان 40 مينۋت وتكەندە، G11101 كەزەكشى ۇشاعىنىڭ شينجياڭنىڭ بايىنعولين وبلىسى حىجيڭ اۋدانى بايىنبۇلاق اۋەجايىنا امان - ەسەن قونۋىمەن شينجياڭ بايىنبۇلاق اۋەجايىندا رەسمي ۇشاق قاتىناعاندىعىن ايگىلەدى.

شينجياڭ ەلىمىزدەگى اۋەجاي ەڭ كوپ ولكە، رايون رەتىندە، قازىرگە دەيىن 26 حالىقتىق اۋەجاي ىسكە قوسىلعان، بايىنبۇلاق اۋەجايىندا ۇشاق قاتىناعاننان كەيىن، شينجياڭدا جۇمىس جۇرگىزەتىن حالىقتىق اۋەجايدىڭ سانى 27 گە جەتتى.

بايىنبۇلاق اۋەجايى بايىنعولين وبلىسى حىجيڭ اۋدانى بايىنبۇلاق قالاشىعىنىڭ باتىس وڭتۇستىك باعىتىنا ورنالاسقان، قالاشىق ورتالىعىنان ارالىعى شامامەن 13.5 كيلومەتر، يەلەگەن جەر اۋماعى 174.7 گەكتار. اۋەجايدىڭ بيىكتىگى 2506.85 مەتر، ۇشۋ اۋماعىنىڭ دارەجەسى 4C بولىپ، شينجياڭداعى ەكىنشى بيىك ءۇستىرت اۋەجايى سانالادى. ۇشاق قاتىناعاننان كەيىن، جىلدىق جولاۋشى قابىلداۋ - جونەلتۋ مولشەرىن 250 مىڭ ادام - رەتكە، جۇك - پوچتا قابىلداۋ - جونەلتۋ مولشەرىن 500 تونناعا جەتكىزۋگە بولادى. قازىر اۋەجايدا شينجياڭنىڭ ءىشى ـ سىرتىنان قاتىنايتىن ۇشاقتاردان بايىنبۇلاقتان كورلاعا قاتىنايتىن اۋە جەلىسى اشىلدى، الدا شاڭحاي، بەيجيڭ قاتارلى نەگىزگى توراپتىق اۋە جەلىسى ىركەس ـ تىركەس اشىلادى.

جۇڭگونىڭ حالىقتىق اۆياتسياسىندا تەڭىز دەڭگەيىنەن بيىكتىگى 2438 مەتر كەلەتىن جانە ودان جوعارى اۋەجايلار بيىك ءۇستىرت اۋەجايى دەپ بەلگىلەنگەن. 2022 - جىلى 12 – ايدا، شينجياڭداعى تۇڭعىش بيىك ءۇستىرت اۋەجايى — تاشقورعان حۇنجىراپ اۋەجايىندا رەسمي ۇشاق قاتىناعان بولاتىن.

كەلۋ قاينارى: حالىق تورابى