شينجياڭ تارباعاتاي ايماعى قازىنا جۇيەسىندە جۇرتشىلىقتىڭ توڭىرەگىندەگى بۇرىس ستيلدەردى جانە شىرىكتەسۋگە ساياتىن ماسەلەلەردى شوعىرلى تۇردە جونگە سالادى

جۋىردا شينجياڭ تارباعاتاي ايماقتىق قازىنا مەكەمەسى حابارلاندىرۋ جاريالادى، سول كۇننەن باستاپ، 2024 – جىلى 10 – ايدىڭ سوڭىنا دەيىن، بۇكىل ايماق بويىنشا قازىنا جۇيەسىندە جۇرتشىلىقتىڭ توڭىرەگىندەگى بۇرىس ستيلدەر مەن شىرىكتەسۋگە ساياتىن ماسەلەلەردى شوعىرلى تۇردە جونگە سالۋ قىزمەتىن ورىستەتەدى، وسى مەزگىلدە جۇرتشىلىقتىڭ باقىلاۋىن جانە اشكەرەلەۋىن قابىلدايدى.

جونگە سالىناتىن باستى تۇيىندەر:

ءبىرىنشى، اۋىل شارۋاشىلىعىنا ساياتىن، ديقاندارعا تيىمدىلىك جەتكىزەتىن قازىنالىق قوسىمشا قاراجاتتى ءبولۋدىڭ ءادىل بولماۋى، بەلگىلەمەگە قايشى تاراتۋ، الداپ الۋ جانە جالداپتىقپەن اۋىستىرىپ الۋ، ۇستاپ قالۋ جانە باسقا ىستەرگە پايدالانۋ، الدىنا كەلگەنىن قىمقىرىپ قالۋ، تۋىس – تۋعان، دوس – جارانىنىڭ مۇددەسىن كۇيتتەۋ، ءىشىپ - جەۋ، ساۋعا سۇراۋ، بوگەت بولۋ قاتارلى ماسەلەلەر؛ حالىققا، اۋىل شارۋاشىلىعىنا تيىمدىلىك جەتكىزۋ قاراجاتىن ”ءبىر كارتوچكامەن“ باسقارۋدىڭ جۇيەلى بولماۋى، جاريا بولماۋى، قاراجاتتى ۋاعىندا، جەتكىلىكتى سومادا تاراتپاۋ، ولشەمنەن، كولەمنەن ارتىق تاراتۋ قاتارلى ماسەلەلەر.

ەكىنشى، ەگىستىكتى، سۋ يگىلىگى قۇرىلىسىن، مال شارۋاشىلىعىن دامىتۋ قاراجاتىن دەر كەزىندە بولمەۋ، ەگىس اتىزىن قۇنارلىلاندىرۋ قوسىمشا قاراجاتى، اۋىل شارۋاشىلىعى ماشينالارىن ساتىپ الۋعا بەرىلەتىن قوسىمشا قاراجات، جايلاۋ ەكولوگياسىنا قاتىستى سيلىق قاراجات جانە قوسىمشا قاراجات، سۋ قويماسىنا قاتىستى كوشىرىلگەندەرگە بەرىلەتىن قوسىمشا قاراجات، ەگىستىككە اينالعان ورماندى قالپىنا كەلتىرۋ قوسىمشا قاراجاتى، ەگىستىككە اينالعان جايىلىمدى قالپىنا كەلتىرۋ قوسىمشا قاراجاتى قاتارلى حالىققا، اۋىل شارۋاشىلىعىنا تيىمدىلىك جەتكىزەتىن قاراجاتتاردى دەر كەزىندە، جەتكىلىكتى سومادا تاراتپاۋ، ساياساتتان يگىلىكتەنۋگە ءتيىستى ادامداردىڭ يگىلىكتەنە الماۋى، ولشەمنەن، كولەمنەن ارتىق تاراتۋ قاتارلى ماسەلەلەر.

ءۇشىنشى، وقۋ – اعارتۋ سالاسىنداعى ءتۇرلى قاراجاتتاردىڭ دەر كەزىندە بولىنبەۋى، ونى يەمدەنىپ الۋ، باسقا جۇمىسقا پايدالانۋ، ۇستاپ قالۋ، ورتالىق پەن اۆتونوميالى رايون بولگەن ءنارلى ازىق قوسىمشا قاراجاتىنا ارنالعان قاراجاتتى تارتىپ قالۋ، ءنارلى ازىق ارناۋلى قاراجاتىن بەلگىلەمەگە قايشى پايدالانۋ جانە باسقارۋ، شىعىم تىزىمدىگىن جالعاننان جاساپ، قاراجاتتى جالداپتىقپەن اۋىستىرىپ الۋ قاتارلى ماسەلەلەر.

ءتورتىنشى، ەڭ تومەنگى تۇرمىس دەڭگەيىن قامتاماسىزداندىرۋ قاراجاتى، 80 جاستان اسقان قارتتارعا بەرىلەتىن تۇرمىستىق قوسىمشا قاراجات، مۇگەدەكتەرگە بەرىلەتىن تۇرمىستىق قوسىمشا قاراجات قاتارلى قوسىمشا قاراجاتتاردى دەر كەزىندە، جەتكىلىكتى سومادا تاراتپاۋ، قاراجات تاراتۋ كولەمىن ءوز بىلگەنىنشە كەڭەيتۋ، قوسىمشا قاراجاتتى الداپ الۋ نەمەسە جالداپتىقپەن اۋىستىرىپ الۋ قاتارلى ماسەلەلەر.

بەسىنشى، قازىنا تاراۋلارىنىڭ قىزمەتكەرلەرىنىڭ بۇقاراعا قىزمەت وتەۋ بارىسىنداعى پوزيتسياسىنىڭ دورەكى بولۋى، قىزمەت ستيلىنىڭ تۇرپايى بولۋى، ءىستى زاڭ بويىنشا ىستەمەۋى، مىندەتىن مۇقيات اتقارماۋى، قىزمەت ۇقىعىن الباتى پايدالانۋى قاتارلى ماسەلەلەر.

بارشا بۇقارانىڭ تومەندەگى باقىلاۋ ارنالارى ارقىلى ايماقتىق قازىنا مەكەمەسىنە قاتىستى ماسەلەلەردى اڭىس ەتۋىنە بولادى.

قابىلداۋ تەلەفونى: 6249915-0901 (حالىققا، اۋىل شارۋاشىلىعىنا تيىمدىلىك جەتكىزۋ قاراجاتىن ”ءبىر كارتوچكامەن“ باسقارۋ كەڭسەسى)

0901-6222336 (ايماقتىق قازىنا مەكەمەسىنىڭ كەڭسەسى)

حات ارقىلى ارىزدانۋ جانە اشكەرەلەۋ ورنى: تارباعاتاي ايماقتىق قازىنا مەكەمەسى كەڭسەسى 422 – بولمە

حات ارقىلى ارىزدانۋ ءادىرىسى: تارباعاتاي ايماعى ىنتىماق جولى 23 – ءنومىر (پوچتا ءنومىرى: 834700)

بارشا بۇقارانىڭ شىنايى جاعدايدى اڭىس ەتۋىن، قاتىستى ماسەلەلەردىڭ دەرەگىن بەلسەندىلىكپەن جەتكىزۋىن قارسى الامىز، ماسەلەلەردىڭ دەرەگىن جەتكىزگەن بۇقارانىڭ ينفورماتسياسىنىڭ قۇپيالىعى قاتاڭ ساقتالادى، ماسەلەلەردى اشكەرەلەگەن ادامنىڭ زاڭدى ۇقىق – مۇددەسى زاڭ بويىنشا قورعالادى.

كەلۋ قاينارى: حالىق تورابى