نەپالدا ءبىر تىكۇشار قۇلاپ 4 جۇڭگو ازاماتى قازا بولدى

شينحۋا اگەنتتىگىنىڭ 8 ـ ايدىڭ 7 ـ كۇنى كاتماندۋدان بەرگەن حابارى. نەپال پاتشالىق اۆياتسيا سەرىكتەستىگىنىڭ ءبىر تىكۇشارى 8 ـ ايدىڭ 7 ـ كۇنى تۇستەن كەيىن وسى ەلدىڭ استاناسى كاتماندۋدىڭ سولتۇستىگىندەگى نۋۋاگودا اۋدانىندا قۇلاعان. جۇڭگونىڭ نەپالداعى باس ەلشىحاناسىنىڭ راستاۋىنا قاراعاندا، تىكۇشارداعى جۇڭگولىق 4 جولاۋشى قازا بولعان.

نەپال حالىقتىق اۆياتسيا مەكەمەسى جاريالاعان مالىمدەمەدە ايتىلۋىنشا، وسى تىكۇشار ۇشىپ 3 مينۋتتان كەيىن كاتماندۋ قولباسشىلىق مۇناراسىمەن بايلانىسى ۇزىلگەن. نەپال ساقشى جاعىنىڭ مالىمدەمەشىسى كاركيدىڭ تىلشىگە ايتۋىنشا، تىكۇشاردىڭ ۇشقىشى دا قازا بولعان، قۇتقارۋ قىزمەتكەرلەرى 5 مۇردەنى تاپقان.

نەپالدىڭ زۇڭليى ولي سول كۇنى تىكۇشار قۇلاۋ شىرعالاڭى مەنى قاتتى قايعىرتتى دەدى. نەپال بيلىك كەڭسەسى ءماجىلىس اشىپ، ارناۋلى كوميسسيا قۇرىپ، شىرعالاڭنىڭ سەبەبىن تەكسەرۋدى ۇيعاردى.

وقيعا تۋىلعاننان كەيىن، جۇڭگونىڭ نەپالدا تۇراتىن باس ەلشىحاناسى دەرەۋ كونسۇلدىق قورعاۋ شۇعىل شاراسىن ىسكە قوستى جانە ارناۋلى قىزمەت گرۋپپاسىن قۇرىپ، نەپالدىڭ قاتىستى تاراۋلارىنىڭ تىكۇشاردىڭ قۇلاۋ وقيعاسىن ۇيلەسىمدى ءبىر جاق ەتۋىنە سايكەسىپ، قازا بولعانداردىڭ وتباسىنداعىلارمەن حابارلاسىپ، سوڭعى جۇمىستاردى ءبىر جاقتى ەتۋگە سايكەستى، سونىمەن بىرگە، نەپالداعى جۇڭگو قارجى قوسقان كاسىپورىندار مەن جۇڭگو ازاماتتارىنا جاڭبىرلى ماۋسىمداعى ساپار مەن ساياحات حاۋىپسىزدىگىنە نازار اۋدارۋدى تاعى ءبىر رەت ەسكەرتتى.

كەلۋ قاينارى: حالىق تورابى