مەملەكەتتىك وركەندەتۋ بانكەسى پارتكومىنىڭ بۇرىنعى مۇشەسى، بۇرىنعى ورىنباسار بانكە باستىعى لي جيپيڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى 

شينحۋا اگەنتتىگىنىڭ 8 – ايدىڭ 1 – كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ بەكىتۋىمەن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى مەملەكەتتىك وركەندەتۋ بانكەسى پارتكومىنىڭ بۇرىنعى مۇشەسى، بۇرىنعى ورىنباسار بانكە باستىعى لي جيپيڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: لي جيپيڭ مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، سوقىر سەنىم ارەكەتىمەن شۇعىلدانعان؛ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، بەلگىلەمەگە قايشى قوناعاسى قابىلداعان؛ ۇيىمدىق پرينسيپكە قايشىلىق جاساپ، فينانس قۇرىلىمدارىنداعى جۇمىسشى - قىزمەتكەرلەردى قىزمەتكە قابىلداۋ، قىزمەت مىندەتىن جوعارىلاتۋ قىزمەتىنە دورەكىلىكپەن كيلىگىپ، ساياسي ەكولوگيانى لاستاعان؛ پاكتىكتىڭ سوڭعى شەگىنەن اسىپ، تارتۋ - تارالعى قابىلداعان، بەلگىلەمەگە قايشىلىق جاساپ، جارناسى بازارعا شىعارىلماعان سەرىكتىكتەردىڭ جارناسىنا يە بولىپ، اقشا – ءناپسى ساۋداسىمەن بارىنشا اينالىسقان؛ پارتيا مەن حالىق بەرگەن جالپىلىق ۇقىقتى جەكە باسىنىڭ مۇددەسىن كوزدەيتىن قۇرالعا اينالدىرىپ، قىزمەت قولايلىلىعىنان پايدالانىپ، باسقالارعا قارىز اقشا بەرىپ قارجى قۇراۋ، كاسىپورىن تيجاراتى سياقتى جاقتاردا پايدا جەتكىزگەن ءارى زاڭسىز قىرۋار مال - مۇلىك قابىلداعان.

لي جيپيڭ پارتيانىڭ ساياسي تارتىبىنە، ۇيىمدىق تارتىبىنە جانە پاكتىك تارتىبىنە اۋىر قايشىلىق جاساپ، قىزمەت جاعىندا زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى لي جيپيڭگە پارتيادان شىعارۋ جازاسىن بەرۋدى ۇيعاردى؛ ونىڭ بەلگىلەمە بويىنشا يگىلىكتەنەتىن مامىلەسىن كۇشىنەن قالدىردى؛ تارتىپكە، زاڭعا قايشىلىق جاساپ تاپقان تابىسىن ءمۇسادىرالادى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، وعان ساياتىن مال - مۇلىكتى بىرگە وتكىزىپ بەردى.

كەلۋ قاينارى: حالىق تورابى