شيزاڭ اۆتونوميالى رايوندىق ۇكىمەت پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى ۋاڭ يۇڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى جانە ۇكىمەت قىزمەتىنەن قالدىرىلدى

شينحۋا اگەنتتىگىنىڭ 7 ـ ايدىڭ 31 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى شيزاڭ اۆتونوميالى رايوندىق ۇكىمەت پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى ۋاڭ يۇڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: ۋاڭ يۇڭ مۇرات - سەنىمنەن ايرىلىپ، پارتيا ورتالىق كوميتەتىنىڭ جاس كادرلارعا قويعان تالابىنا قايشىلىق جاساپ، پارتياعا ادال بولماي، ۇيىمدى الداپ، ساياسي جاعىمپازدىققا سالىنىپ، ورايدان پايدالانىپ پايدا كوزدەپ، ساياسي الدامشىلىقپەن اينالىسىپ، ۇيىمنىڭ تەكسەرۋىنە قارسى شىققان، ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعان، ۇكىمەت قىزمەتىنە ىقپال جاساۋى مۇمكىن بولعان قوناعاسىنى قابىلداعان، بەلگىلەمەگە قايشى تارتۋ - تارالعى، اقشا العان؛ ۇيىمدىق پرينسيپكە قايشىلىق جاساپ، ۇيىمعا ماسەلەسىن قاز – قالپىندا تۇسىندىرمەگەن، جەكە باسىنا قاتىستى ىستەردى بەلگىلەمە بويىنشا مالىمدەمەگەن؛ پاكتىكتىڭ سوڭعى شەگىنەن اتتاپ، جارناسى بازارعا شىعارىلماعان سەرىكتىكتەردىڭ جارناسىنا يە بولعان؛ بەلگىلەمەگە قايشى تۇردە بازار شارۋاشىلىعى قيمىلدارىنا كيلىككەن؛ جالپىلىق ۇقىقتى باس پايداسىن كوزدەيتىن قۇرال ەتىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالارعا قۇرىلىستى كوتەرمەگە الۋ، زات ساتىپ الۋ سياقتى جاقتاردا پايدا جەتكىزگەن ءارى زاڭسىز مال - مۇلىك العان.

ۋاڭ يۇڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر قايشىلىق جاساپ، قىزمەتتە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى ۋاڭ يۇڭعا پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ - تەكسەرۋ كوميتەتى وعان ۇكىمەت قىزمەتىنەن ايداۋ جازاسىن بەردى؛ ونىڭ شيزاڭ اۆتونوميالى رايونى 10 - رەتكى پارتيا قۇرىلتايىنىڭ ۋاكىلدىك تولىمدىلىعىن توقتاتادى؛ تارتىپكە، زاڭعا قايشى تابىسىن تاركىلەيدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، وعان ساياتىن مال - مۇلىكتى بىرگە وتكىزىپ بەرەدى.

كەلۋ قاينارى: حالىق تورابى