سىرتقى ىستەر مينيسترلىگى: جۇڭگو – يتاليا قاتىناسىنىڭ اقاۋسىز، ورنىقتى دامۋى ەكى ەلدىڭ جانە ەكى ەل حالقىنىڭ ورتاق مۇددەسىنە ۇيلەسەدى

شينحۋا اگەنتتىگىنىڭ 7 ـ ايدىڭ 25 ـ كۇنى بەيجيڭنەن بەرگەن حابارى. يتاليانىڭ زۇڭليى مەلوني 7 ـ ايدىڭ 27 ـ كۇنىنەن 31 ـ كۇنىنە دەيىن جۇڭگودا رەسمي ساپاردا بولادى. سىرتقى ىستەر مينيسترلىگىنىڭ مالىمدەمەشىسى ماۋ نيڭ 7 – ايدىڭ 25 - كۇنى بىلاي دەدى: جۇڭگو ـ يتاليا قارىم ـ قاتىناسىنىڭ اقاۋسىز، ورنىقتى دامۋى ەكى ەلدىڭ جانە ەكى ەل حالقىنىڭ ورتاق مۇددەسىنە ۇيلەسەدى.

ماۋ نيڭ كەزەكتى تىلشىلەر جينالىسىندا بىلاي دەپ تانىستىردى: مەلوني زۇڭلي جۇڭگودا ساپاردا بولعان كەزدە، ءتوراعا شي جينپيڭ ونىمەن كەزدەسەدى، لي چياڭ زۇڭلي، كوميتەت باستىعى جاۋ لىجي جەكە ـ جەكە ونىمەن كەڭەسىپ، كەزدەسىپ، ەكى جاقتى قاتىناس جانە ورتاق كوڭىل ءبولىپ وتىرعان ماسەلەلەر جونىندە پىكىر اۋىستىرادى.

”جۇڭگو مەن يتاليا وركەنيەتتى بايىرعى ەلدەر، جان ـ جاقتى ستراتەگيالىق سەرىكتەر، ەكى ەلدىڭ جوعارى جىكتەگىلەرى تىعىز ىقپالداستىقتى ساقتاپ، ءار سالاداعى ءوزارا ءتيىمدى سەلبەستىكتە ناقتى جەتىستىكتەرگە قول جەتكىزدى.“ ماۋ نيڭ بىلاي دەدى: ”جۇڭگو ـ يتاليا قارىم ـ قاتىناسىنىڭ اقاۋسىز، ورنىقتى دامۋى ەكى ەلدىڭ جانە ەكى ەل حالقىنىڭ ورتاق مۇددەسىنە ۇيلەسەدى، تۇرلىشە وركەنيەتتەردىڭ اۋىس ـ كۇيىسى ارقىلى ءوزارا ۇلگى الۋىن جەبەۋگە ءتيىمدى.“

ماۋ نيڭ بىلاي دەدى: بيىل جۇڭگو مەن يتاليانىڭ جان ـ جاقتى ستراتەگيالىق سەرىكتەستىك قاتىناس ورناتقاندىعىنىڭ 20 جىلدىعى. جۇڭگو جاق وسى رەتكى ساپاردى وراي ەتىپ، تاراپتاردىڭ ءداستۇرلى دوستىقتى بەكەمدەپ، جىبەك جولى رۋحىن اسقاقتاتىپ، تۇسىنىستىك پەن سەنىمدىلىكتى ارتتىرىپ، ناقتى ىستەر سەلبەستىگىن جانە گۋمانيتارلىق اۋىس ـ كۇيىستى تەرەڭدەتىپ، جۇڭگو ـ يتاليا، جۇڭگو ـ ەۆروپا قارىم ـ قاتىناسىنىڭ ورنىقتى، باياندى دامۋىن ىلگەرىلەتىپ، دۇنيە ءجۇزىنىڭ بەيبىتشىلىگى، ورنىقتىلىعى، گۇلدەنۋى ءۇشىن اناعۇرلىم زور ۇلەس قوسۋىن ىلگەرىلەتۋدى قالايدى.

كەلۋ قاينارى: حالىق تورابى