ليانيۇنگاڭ – قورعاس جوعارى قارقىندى تاس جولىن كەڭەيتىپ سالۋ ينجەنەرياسى جول بەتىندە قۇرىلىس جۇرگىزۋ كەزەڭىنە قادام تاستادى 

انار بۇلت \ شينجياڭ گازەتىنىڭ ءتىلشىسى لۋ فىڭباۋ حابارلايدى. بيىل جۇمىستى قالپىنا كەلتىرگەننەن بەرى، G30 جەلىسى ليانيۇنگاڭ – قورعاس جوعارى قارقىندى تاس جولىن كەڭەيتىپ سالۋ ينجەنەرياسىنىڭ قۇمىلدان تۇيىققا دەيىنگى ارالىعىندا قۇرىلىس جۇرگىزۋ ءساتتى بولىپ، قازىر جول بەتىندە قۇرىلىس جۇرگىزۋ كەزەڭىنە وتكەن، كەلەسى جىلى ىسكە قوسىلۋىنان ءۇمىت زور.

7 – ايدىڭ 20 – كۇنى تۇستەن كەيىن، ليانيۇنگاڭ – قورعاس جوعارى قارقىندى تاس جولىن كەڭەيتىپ سالۋ ينجەنەرياسىنىڭ قۇمىلدان تۇيىققا دەيىنگى ارالىعىنداعى ءبىرىنشى بولىگىندە، 2024 – جىلعى ”جىبەك جولى قاتىناس ساۋىتى“ بولات شىبىقتى دانەكەرلەۋ، جەر تەگىستەۋ ماشيناسىن مەڭگەرۋ تاقىرىبىنداعى ەڭبەك جانە ونەر باسەكەسى ءساتتى وتكىزىلدى، جۇمىسكەرلەر ءبىر تۇعىردا باسەكەلەسىپ، وزدەرىنىڭ ونەرىن سىناقتان وتكىزدى.

سۋرەتتە: 7 – ايدىڭ 20 – كۇنى تۇستەن كەيىن، جارىسقا قاتىناسقان جۇمىسكەرلەر بولات شىبىقتى باسەكەلەسە دانەكەرلەۋدە. انار بۇلت \ شينجياڭ گازەتىنىڭ ءتىلشىسى لۋ فىڭباۋ فوتوسى

ليانيۇنگاڭ – قورعاس جوعارى قارقىندى تاس جولى — شينجياڭعا بارىپ – كەلەتىن قاتىناستىڭ كۇرە تامىرى، قاتىنايتىن اۆتوموبيلدەر سانى كوپ، قاتىناستى توقتاتپاۋ شارتىندا قۇرىلىس جۇرگىزۋگە كەپىلدىك ەتۋدىڭ قيىندىق دارەجەسى ءبىرشاما جوعارى. نىسان قۇرىلىسى بارىسىندا جولدىڭ ەكى – جاعىندا كەزەڭ بويىنشا ءبولىپ قۇرىلىس جۇرگىزۋ ءتاسىلى بويىنشا جىل سوڭىنا دەيىن وڭ جاقتاعى جول بەتىنە اسفاليتتىڭ ورتا قاباتىن جاتقىزۋ مىندەتى ورىندالادى، وسىلايشا اۆتوموبيلدەردى وڭ جاق شەتكە قاراي جۇرگىزىپ، كەلەسى جىلى سول جاقتاعى جولعا قۇرىلىس جۇرگىزۋدەن جاپپاي قامال الادى.

كەلۋ قاينارى: حالىق تورابى