ءۇرىمجى، سانجى قاتارلى جەرلەردە نوسەر جاۋادى، شينجياڭ اۋا رايى ستانسياسى نوسەردەن ساقتانۋدىڭ كوك ءتۇستى ساقتىق سيگنالىن جاريالادى

جۇڭگو اۋا رايى تورابىنىڭ حابارىنا قاراعاندا، 7 - ايدىڭ 17 - كۇنى ساعات 16 دان 17 مينۋت وتكەندە، شينجياڭ اۋا رايى ستانسياسى نوسەردەن ساقتانۋدىڭ كوك ءتۇستى ساقتىق سيگنالىن جاريالاعان: مەجەمەن 7 - ايدىڭ 18 - كۇنى كۇندىزدەن 19 - كۇنى تۇنگە دەيىن ىلە وزەنى اڭعارىنىڭ شىعىس بولىگىندەگى تاۋلى ءوڭىر، تارباعاتاي ايماعىنىڭ تاۋلى ءوڭىرى، شىحىزى قالاسىنىڭ وڭتۇستىگىندەگى تاۋلى ءوڭىر، ءۇرىمجى قالاسىنىڭ تاۋلى ءوڭىرى، سانجى وبلىسىنىڭ تاۋلى ءوڭىرى، قاشقار ايماعىنىڭ وڭتۇستىگىندەگى تاۋلى ٴوڭىر، بايىنعولين وبلىسىنىڭ تاۋلى ءوڭىرى، قۇمىل قالاسىنىڭ سولتۇستىگىندەگى تاۋلى ءوڭىردىڭ ءىشىنارا جەرلەرىندە نوسەر جاۋادى. جوعارىدا ايتىلعان وڭىرلەردىڭ كەي جەرلەرىندە قىسقا ۋاقىتتىق كۇشتى جاۋىن - شاشىن، ناجاعاي، قاتتى بوران سياقتى كۇشتى كونۆەكسيالىق اۋا رايىنىڭ مۇمكىندىگى ءبىرشاما زور، لاي تاسقىنى، جەر كوشكىنى سياقتى گەولوگيالىق اپاتتاردىڭ تۋىلۋ حاۋىپ - قاتەر دارەجەسى جوعارى بولادى. ساقتىقتى كۇشەيتۋ كەرەك.

كەلۋ قاينارى: حالىق تورابى