وسەك - اياڭعا تويتارىس! نارات ساياحاتى جونىندەگى جالعان ينفورماتسيا

7 ـ ايدىڭ 9 ـ كۇنى، شينجياڭ نارات مەملەكەتتىك ساياحات ـ دەمالىس رايونى ۋيچات الەۋمەتتىك ءنومىرى وسەك ـ اياڭعا تويتارىس بەرۋ ينفورماتسياسىن جاريالادى: تاياۋدا ينتەرنەتتە نارات كورىنىس رايونىنىڭ ساياحات قاراجاتى جونىندەگى كوپتەگەن جالعان ينفورماتسيا تارالدى، بۇل ينفورماتسيالار كورىنىس رايونىنىڭ ەسىك بەلەتى مەن رايون ارالىق اۆتوكولىك قاراجاتىنىڭ جالپى قاراجاتىن جاپپاي اسىرەلەپ جىبەردى، اسىرەسە، نارات كورىنىس رايونىنىڭ ەسىك بەلەت باعاسىن 300 يۋان دەپ وتىرىك ايتتى، بۇل ءىس جۇزىندىك جاعدايعا مۇلدەم جاناسپايدى.

رەسمي جاقتىڭ ارنالارىنداعى باعاسى بويىنشا: نارات كورىنىس رايونىنىڭ ەسىك بەلەتى ادام باسىنا 95 يۋان؛ رايون ارالىق اۆتوكولىكتىڭ 4 جەلىسىن تاڭداۋعا بولادى، ەڭ جوعارى بەلەتى ادام باسىنا بارىپ – كەلگەنى 60 يۋان، ەڭ تومەنى ادام باسىنا بارىپ – كەلگەنى 24 يۋان، ءوز كولىگىمەن ساياحاتتاۋشىلارعا ادام باسىنا 200 يۋان (بۇل كورىنىس رايونىنىڭ ەسىك بەلەتى 95 يۋان مەن ءوز كولىگىمەن ساياحاتتاۋ بەلەتىنىڭ 105 يۋانىن قامتيدى) الىنادى.

نارات كورىنىس رايونىنىڭ ەسىك بەلەتى، رايون ارالىق اۆتوكولىك قاراجاتى جانە باسقا دا ساياحات تۇتىنۋ نىساندارى مەملەكەتتىڭ جانە جەرگىلىكتى ورىنداردىڭ قاتىستى بەلگىلەمەلەرىنە ۇيلەسەدى. شينجياڭ نارات مەملەكەتتىك ساياحات دەمالىس رايونى قالىڭ ساياحاتشىلارعا ساپارعا شىعۋدان بۇرىن قاتىستى ينفورماتسيالاردى ەگجەي ـ تەگجەيلى ءتۇسىنىپ، جالعان ينفورماتسيانىڭ الجاستىرۋىنان ساقتانۋدى ەسكەرتەدى. سونىمەن بىرگە، قوعامداعى ءار سالانىڭ ساياحات بازارىنىڭ تاماشا ءتارتىبىن بىرگە قورعاپ، ساياحات كاسىبىنىڭ اقاۋسىز دامۋىن جەبەۋىن ءۇمىت ەتەمىز.

كەلۋ قاينارى: حالىق تورابى