زاڭسىز قارجى توپتاۋعا قاتىستى دەرەكتەردى جينايدى! اشكەرەلەۋ ءتاسىلى جاريالاندى 

بۇكىل شينجياڭ بويىنشا زاڭسىز قارجى توپتاۋعا ارناۋلى سوققى بەرۋ ارەكەتىن ىشكەرىلەي ىلگەرىلەتىپ، زاڭسىز قارجى توپتاۋ ارەكەتىنەن ءونىمدى ساقتانۋ جانە ونى ءبىرجاقتى ەتۋ، قوعامداعى جۇرتشىلىقتىڭ زاڭدى ۇقىق – مۇددەسىن قورعاۋ، ەكونوميكالىق ءتارتىپ پەن قوعامنىڭ ورنىقتىلىعىن قورعاۋ ءۇشىن، جۋىردا شينجياڭ ۇيعۇر اۆتونوميالى رايوندىق جەرگىلىكتى فينانستى باسقارۋ مەكەمەسى «زاڭسىز قارجى توپتاۋعا قاتىستى دەرەكتەردى جيناۋ تۋرالى ۇقتىرۋدى» جاريالادى، ناقتى مازمۇنى مىناداي:

دەرەكتەردى جيناۋ كولەمى

«زاڭسىز قارجى توپتاۋدان ساقتانۋ جانە ونى ءبىرجاقتى ەتۋ ەرەجەسىندەگى» بەلگىلەمەلەرگە نەگىزدەلگەندە، زاڭسىز قارجى توپتاۋ دەگەنىمىز مەملەكەتتىك كەڭەستىڭ فينانستى باسقارۋ تاراۋلارىنىڭ زاڭدى ماقۇلداۋىنان وتپەگەن نەمەسە مەملەكەتتىڭ فينانستى باسقارۋ جاعىنداعى بەلگىلەمەلەرىنە قايشى كەلەتىن، ”نەگىزگى اقشا قايتارىپ، وعان قوسا ءوسىم بەرىلەدى نەمەسە قارجى قوسقاندارعا باسقا دا قارىمجى قايتارىلادى“ دەپ ۋادە بەرۋ قاتارلى تاسىلدەرمەن، ارنايى بەلگىلەنبەگەن وبيەكتىلەردىڭ قاراجاتىن تارتۋ ارەكەتىن كورسەتەدى. زاڭسىز قارجى توپتاۋ كۇمانىن تۋدىرعان ارەكەتتەرگە جولىققاندا، ءارقانداي ورىن مەن جەكەنىڭ زاڭسىز قارجى توپتاۋ ارەكەتىن ءبىرجاقتى ەتۋگە باستاماشىلدىق ەتەتىن تاراۋلارعا نەمەسە باسقا دا قاتىستى تاراۋلارعا اشكەرەلەۋ ۇقىعى بار. بارشا جۇرتشىلىقتىڭ زاڭسىز قارجى توپتاۋعا قاتىستى دەرەكتەردى اڭىس ەتۋىن جانە اشكەرەلەۋىن قارسى الامىز.

وسىدان بۇرىن قوعام حاۋىپسىزدىگى ورگاندارى دەلو تۇرعىزىپ، تەكسەرۋ جۇرگىزگەن نەمەسە ارىز بەرۋ، تەرگەپ ۇكىم جاريالاۋ، اتقارۋ قاتارلى ءادىليالىق باسقىشتارعا وتكەن قىلمىستىق ىستەر دەلولار دەرەك جيناۋ كولەمىنە جاتپايدى.

جيناۋ ءتاسىلى

1. اشكەرەلەۋ تەلەفونى: 2950189 - 0991

2. حات ارقىلى اشكەرەلەۋ ءادىرىسى: شينجياڭ ۇيعۇر اۆتونوميالى رايوندىق جەرگىلىكتى فينانستى باسقارۋ مەكەمەسىنىڭ زاڭسىز قارجى توپتاۋدى ءبىرجاقتى ەتۋ كەڭسەسى (ءۇرىمجى قالاسى شۇيموگۋ رايونى كۇنلۇن شىعىس كوشەسى 789 – ءنومىر)، پوچتا ءنومىرى: 830000

3. اشكەرەلەۋ حات ساندىعى: xjjrj-jrkjc@xj.gov.cn

باسقاداي ىستەر

زاڭسىز قارجى توپتاۋعا قاتىستى دەرەكتەردى اشكەرەلەگەن كەزدە، شىندىقتى ءىس جۇزىنەن ىزدەۋ قاجەت، جالعاننان جاساۋعا، اسىرەلەۋگە، فاكتتى ويدان قۇراستىرۋعا بولمايدى، باسقالارعا جالا جابۋعا، قاستىق ىستەۋگە بولمايدى. اشكەرەلەۋشىلەردىڭ شىن اتى – ءجونى بويىنشا اشكەرەلەۋى ءارى اشكەرەلەۋ وبيەكتىسىنىڭ نەگىزدىك ينفورماتسيالارى مەن زاڭسىز قارجى توپتاۋ ارەكەتىنە قاتىستى فاكت ماتەريالدارىن بەرۋى دارىپتەلەدى. ءبىز مالىمدەۋشىنىڭ جەكەلىك ينفورماتسيالارى مەن اشكەرەلەۋ مازمۇنىن قاتاڭ قۇپيا ۇستايمىز.

كەلۋ قاينارى: حالىق تورابى