شينجياڭدا اس – سۋ سالاسىندا ينتەرنەت ارقىلى قىزمەت وتەيتىن تەكشەلەر بويسۇنۋعا ءتيىستى بەلگىلەمەلەردىڭ تىزىمدىگى جاريالاندى 

شينجياڭ گازەتىنىڭ 7 – ايدىڭ 5 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى سو رۇڭجىنىڭ شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ باس مەكەمەسىنەن ۇعىسۋىنشا، جۋىردا اتالعان مەكەمە «شينجياڭ ۇيعۇر اۆتونوميالى رايونىنىڭ اس – سۋ سالاسىندا ينتەرنەت ارقىلى قىزمەت وتەيتىن تەكشەلەر بويسۇنۋعا ءتيىستى بەلگىلەمەلەرىنىڭ تىزىمدىگىن» (تومەندە قىسقارتىلىپ «تىزىمدىك» دەپ اتالادى جاريالاعان، مۇنداعى ماقسات — اس – سۋ سالاسىندا ينتەرنەت ارقىلى قىزمەت وتەيتىن تەكشەلەردىڭ ازىق – تۇلىك حاۋىپسىزدىگىنە باقىلاۋ – باسقارۋ جۇرگىزۋدى كۇشەيتىپ، شينجياڭداعى اس – سۋ سالاسىندا ينتەرنەت ارقىلى قىزمەت وتەيتىن تەكشەلەردىڭ ازىق – تۇلىك حاۋىپسىزدىگىن باقىلاۋ – باسقارۋ جۇيەسىن ورناتۋ جانە ونان ارى كەمەلدەندىرۋ، اس – سۋ سالاسىندا ينتەرنەت ارقىلى قىزمەت ىستەۋ ارەكەتىن جۇيەگە ءتۇسىرۋ.

«تىزىمدىكتە» اس – سۋ سالاسىندا ينتەرنەت ارقىلى قىزمەت وتەيتىن تەكشەلەردىڭ نەگىزگى تۇلعاسىنىڭ بەلگىلەمەگە ساي كەلۋى، تەكشەنىڭ نەگىزگى تۇلعالىق تيجاراتىن باسقارۋ، تۇتىنۋشىلاردىڭ ۇقىق – مۇددەسىن قورعاۋ، اس – سۋ سالاسىندا قىزمەت وتەيتىن تيجاراتشىلار، سونداي – اق، ازىق – تۇلىك حاۋىپسىزدىگىن باسقارۋ، اس – سۋ جەتكىزىپ بەرۋدى باسقارۋ قاتارلى 5 ءتۇرلى ءتۇيىندى جاقتان 38 ءتۇرلى ناقتى تالاپ ايقىن تۇراقتاندىرىلعان.

«تىزىمدىكتە» اس – سۋ سالاسىندا ينتەرنەت ارقىلى قىزمەت وتەيتىن تەكشەلەردەن اس – سۋ ونىمدەرىن تەكسەرىپ ەنگىزۋدى، اس – سۋ ونىمدەرىنىڭ ينفورماتسياسىن تەكسەرۋدى زاڭ بويىنشا كۇشەيتۋ ءارى تەكشەگە تىركەلگەن اس – سۋ سالاسىندا قىزمەت وتەيتىن تيجاراتشىلاردىڭ اس – سۋ ونىمىنە قاتىستى ينفورماتسيالاردى اشىق جاريالاۋىنا قاجەتتى تەحنيكالىق قولداۋ كورسەتۋ تالاپ ەتىلگەن. جەتكىزىپ بەرۋدى باسقارۋ، قاتىناس حاۋىپسىزدىگىن باسقارۋ، ەڭبەكشىلەردىڭ ۇقىق – مۇددەسىن قامتاماسىزداندىرۋ قاتارلى جاقتاردا، «تىزىمدىكتە» اس – سۋ سالاسىندا ينتەرنەت ارقىلى قىزمەت وتەيتىن تەكشەلەردەن جەتكىزىپ بەرۋدى باسقارۋ ءتۇزىمىن بەلگىلەۋ، جەتكىزىپ بەرۋشىلەردى باسقارۋدى كۇشەيتۋ، جەتكىزىپ بەرۋ قىزمەتىنىڭ ساپاسى مەن حاۋىپسىزدىگىنە كەپىلدىك ەتۋ ايقىن تالاپ ەتىلگەن، تەكشەلەردىڭ جەتكىزىپ بەرۋشى قىزمەتكەرلەردى زاڭ – ءتۇزىم، ازىق – تۇلىك حاۋىپسىزدىگى، قاتىناس حاۋىپسىزدىگى قاتارلى جاقتاردا كۋرسكە قاتىناستىرۋ مەن باسقارۋدى كۇشەيتۋدەن سىرت، تەكشەلەردىڭ جەتكىزىپ بەرۋشى قىزمەتكەرلەردىڭ قاتىناس حاۋىپسىزدىگىن باسقارۋ ءتۇزىمىن ورناتۋى ءارى كەمەلدەندىرۋى كەرەك ەكەنى، جەتكىزىپ بەرۋشىلەردى قاتىناس قۇرالىن زاڭ بويىنشا حاۋىپسىز، وركەنيەتتى جۇرگىزۋگە جەتەلۋى كەرەك ەكەنىن ايقىن تۇراقتاندىرعان.

«تىزىمدىكتە» اس – سۋ سالاسىندا ينتەرنەت ارقىلى قىزمەت وتەيتىن تەكشەلەردەن ەڭبەكشىلەردىڭ ۇقىق – مۇددەسىن قامتاماسىزداندىرۋ، تاپسىرىستى ءبولۋ، ۇلەس الۋ سالىستىرماسى، سيلاۋ – جازالاۋ قاتارلى جاقتارداعى بەلگىلەمەلەر مەن الگوريتمدى جاقسارتۋ، جەتكىزۋشى قىزمەتكەرلەردىڭ شاعىمدانۋىن ءبىرجاقتى ەتۋ مەحانيزمىن ورناتۋ تالاپ ەتىلگەن ءارى تەكشەلەردى ازىق – تۇلىكتى حاۋىپسىز پەشەتتەۋ ءتاسىلىن پايدالانۋدى جالپىلاستىرىپ، تۇتىنۋشىلاردىڭ ۇيگە الدىرعان تاعام تۋرالى بەرگەن باعاسىن وشىرۋگە تيىم سالىپ، ازىق – تۇلىك حاۋىپسىزدىگىنە كەپىلدىك ەتۋگە شابىتتاندىرعان.

كەلۋ قاينارى: حالىق تورابى