تىركەلگىلەرىن ماڭگىلىك توقتاتتى! ينتەرنەتتەگى ەكى جۇرگىزۋشى قاماۋعا الىندى 

سۋرەتتە: ىسكە قاتىستى جۇرگىزۋشىلەر اكىمشىلىك جاقتان قاماۋعا الىندى. سۋرەتتى ساقشى جاق بەرگەن

6 – ايدىڭ 25 – كۇنى، يۇيشۋ قالالىق قوعام حاۋىپسىزدىگى مەكەمەسىنىڭ ينتەرنەت حاۋىپسىزدىگى ۇلكەن اترەتى ينتەرنەتكە شارلاۋ جۇرگىزىپ تەكسەرۋ بارىسىندا، يۇيشۋ قالاسىنا قاراستى وڭىردەگى جۇرگىزۋشىلەر جا X (ەر) پەن جا XXX (ايەل) تىكەلەي ەكراندا باسەكەلەسكەن كەزدە (PK)، قارسى جاقتى تۇرپايى ارەكەت ىستەۋگە جەلىكتىرگەنىن ءارى جەتەلەگەنىن، ينتەرنەتتەگى توراپتاستار ولاردى قاۋمالاي تاماشالاعانىن ءارى قىزۋ تالقىلاعانىن، قوعامعا ناشار ىقپال تۋدىرعانىن بايقاعان.

6 – ايدىڭ 27 – كۇنى، يۇيشۋ قالالىق قوعام حاۋىپسىزدىگى مەكەمەسى ينتەرنەت حاۋىپسىزدىگى ۇلكەن اترەتى «جۇڭحۋا حالىق رەسپۋبليكاسىنىڭ اماندىق قورعاۋدى باسقارۋ جاعىنداعى جازالاۋ زاڭىنىڭ» 44 - تارماعىنداعى بەلگىلەمەگە ساي، جا X (ەر) پەن جا XXX (ايەل) تىڭ تۇرپايى، سالت – سانانى بۇزاتىن مازمۇنداردى تاراتقان ارەكەتى ءۇشىن ولارعا زاڭ بويىنشا جەكە – جەكە اكىمشىلىك جاقتان 5 كۇن قاماۋعا الۋ سىندى اكىمشىلىك جازا بەرگەن ءارى قاتىستى قىسقا كەسكىن تەكشەسىندەگى تىركەلگىلەرىن ماڭگىلىك توقتاتقان.

ساقشى جاق مىنانى ەسكەرتەدى: ينتەرنەت — زاڭنان تىسقارى ورىن ەمەس، قوعام حاۋىپسىزدىگى ورگاندارى ينتەرنەتتەگى تىكە تاراتىلىمعا شارلاپ تەكسەرۋ جۇرگىزۋ تەبىنىن ۇزدىكسىز ارتتىرىپ، ”انايى، دورەكى، سولەكەت، جالعان، تۇرپايى مازمۇندار مەن قۇمارپازدىق“ قاتارلى زاڭ – تۇزىمگە قايشى مازمۇندارعا ساياتىن ينتەرنەتتەگى بىلىققان جاعدايعا قاتاڭ سوققى بەرەدى ءارى ونى جونگە سالادى. ينتەرنەتتەگى بارشا جۇرگىزۋشىلەر زاڭ – تۇزىمدەگى بەلگىلەمەلەرگە قاتاڭ بويسۇنۋى، الەۋمەتتىك تاماشا سالتقا سانالىلىقپەن بويسۇنۋى، ينتەرنەتتە وڭ ەنەرگيا تاراتۋى، پاك ينتەرنەت ورتاسىن بىرگە جاراتۋى كەرەك.

كەلۋ قاينارى: حالىق تورابى