شينجياڭ وتباسى ەلەكتر جابدىقتارىنىڭ كونەسىن جاڭاعا اۋىستىرۋ قيمىلىن ءۇرتىس ورىستەتەدى

7 - ايدىڭ 3 - كۇنى تۇستەن بۇرىن، شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى شينجياڭ ۇيعۇر اۆتونوميالى رايونىنىڭ كەڭ كولەمدى جابدىقتاردى جاڭالاۋ جانە تۇتىنۋ بۇيىمدارىن جاڭاعا اۋىستىرۋ جونىندەگى اقپار جاريالاۋ ءماجىلىسىن وتكىزدى.

اقپار جاريالاۋ ماجىلىسىندە شينجياڭ ۇيعۇر اۆتونوميالى رايوندىق ساۋدا مەڭگەرمەسىنىڭ 2 ـ دارەجەلى شارلاۋشىسى جي شينشيا تىلشىلەردىڭ سۇراۋىنا جاۋاپ بەرگەندە بىلاي دەدى: بيىلعى ءۇي ەلەكتر جابدىقتارىن جاڭاعا اۋىستىرۋ قوسىمشا قاراجات بەرۋ قيمىلى تاياۋدا ءارقايسى ايماقتاردا (وبلىس، قالا) ورىستەتىلەدى، تۇتىنۋشىلار قيمىلعا قاتىناسىپ ەستەلىككە الدىرعان ءۇي ەلەكتر جابدىقتارىن ساتۋ دۇكەندەرىنەن تەلەۆيزور، توڭازىتقىش، اۋا رەتتەگىش، ىدىس - اياق جۋاتىن ماشينا، جەر سىپىراتىن قۇلتەمىر قاتارلى ون ءتۇرلى وتباسى ەلەكتر جابدىقتارىن جانە زەردەلى قول تەلەفون، تاقتا كومپيۋتەر قاتارلى 3 ءتۇرلى ەلەكتروندىق ونىمدەرىن جاڭادان ساتىپ العاندارعا نەمەسە اۋىستىرىپ ساتىپ العاندارعا 200 يۋاننان 1000 يۋانعا دەيىن قازىنالىق قوسىمشا قاراجات بويىنشا تۇتىنۋ بەلەتى بەرىلەدى.

كەلۋ قاينارى: حالىق تورابى