ەلىمىزدە وندىرىلگەن حالىقتىق ۇشاق تۇڭعىش رەت بيىك ءۇستىرت اۋە جولىندا قاتىنادى

7 - ايدىڭ 2 - كۇنى ساعات 9 دان 30 مينۋت وتكەندە، چىڭدۋ اۆياتسياسىنىڭ بەلگىسى بولعان ”كۇن سامۇرىق“ بەلگىسى ورناتىلعان ARJ21 ۇشاعى قاشقاردىڭ لاينيڭ حالىقارالىق اۋەجايىنان تاشقورعانداعى حونجىراپ اۋەجايىنا قاراي ۇشتى، بۇل ەلىمىزدە وندىرىلگەن حالىقتىق ۇشاقتىڭ تۇڭعىش بيىك ءۇستىرت اۋە جەلىسى — قاشقار - تاشقورعان اۋە جەلىسىنىڭ ءساتتى اشىلعاندىعىن كورسەتەدى.

جۇڭگو حالىقتىق اۆياتسيا مەكەمەسىنىڭ بەلگىلەمەسىنە نەگىزدەلگەندە، تەڭىز دەڭگەيىنەن 2438 مەتر بيىكتىكتەگى جانە ودان جوعارى بيىكتىكتەگى اۋەجاي — بيىك ءۇستىرتتى اۋەجاي ەسەپتەلىنەدى. 2023 - جىلدىڭ سوڭىنا دەيىن بۇكىل ەلىمىز بويىنشا بيىك ءۇستىرت اۋەجايلارىنان جيىنى 24 ىسكە قوسىلدى، ولار باتىس - وڭتۇستىك، باتىس - سولتۇستىك جانە وڭتۇستىك رايوندارعا ورنالاسقان، تاسىمالداۋعا جاۋاپتى بولعان 12 اۋە قاتىناس سەرىكتەستىگى بولىپ، نەگىزىنەنA319 ،A330 جانە B737-700 تۇرپاتتى ۇشاقتار تاسىمالداۋ مىندەتىن وتەيدى.

وسى رەت اشىلعان قاشقار - تاشقورعان اۋە جەلىسىندە ءار اپتانىڭ سەيسەنبى، بەيسەنبى، جەكسەنبى كۇندەرى ۇشاق قاتىنايدى، كەزەكشى ۇشاق ءنومىرى EU3079/ 3080. باراتىن كەزەكشى ۇشاق مەجەمەن ساعات 9 دان 25 مينۋت وتكەندە قاشقاردان ۇشىپ، ساعات 10 نان 20 مينۋت وتكەندە تاشقورعان اۋدانىنا جەتەدى، قايتاتىن كەزەكشى ۇشاق ساعات 11 دە تاشقورعان اۋدانىنان ۇشىپ، ساعات 12 دە قاشقارعا قايتىپ كەلەدى. بۇل اۋە جولىنىڭ اشىلۋى قاشقار مەن تاشقورعان اۋدانى اراسىنداعى ادامداردىڭ اۋە جولىمەن بارىپ – كەلۋىنە اناعۇرلىم قولايلىلىق جاراتتى.

كەلۋ قاينارى: حالىق تورابى