وقۋ – اعارتۋ مينيسترلىگىنىڭ جوعارى مەكتەپ ستۋدەنتتەرىنە قارجىلاي كومەك بەرۋ تۋرالى جازدىق دەمالىس مەزگىلىندەگى توتە جەلىسى 7 – ايدىڭ 1 – كۇنى اشىلدى 

ءتىلشىنىڭ 6 – ايدىڭ 30 – كۇنى وقۋ – اعارتۋ مينيسترلىگىنەن ۇعىسۋىنشا، وقۋ – اعارتۋ مينيسترلىگىنىڭ جوعارى مەكتەپ ستۋدەنتتەرىنە قارجىلاي كومەك بەرۋ تۋرالى جازدىق دەمالىس مەزگىلىندەگى توتە جەلىسى 7 – ايدىڭ 1 – كۇنى اشىلعان، تەلەفون ءنومىرى 010 – 66097980، 010 – 66096590، 9 – ايدىڭ 15 – كۇنىنە دەيىن تەلەفون قابىلدايدى، ءار كۇنى ساعات 8:00 – 20:00 ارالىعىندا، داشۋەگە جاڭا قابىلدانعان ستۋدەنتتەرگە، وتە – موتە، وتباسىندا ەكونوميكالىق قيىنشىلىعى بار جاڭا قابىلدانعان ستۋدەنتتەرگە قارجىلاي كومەك بەرۋ ساياساتى جونىندە كەڭەس بەرەدى جانە كومەك بەرەدى.

تانىستىرۋعا قاراعاندا، وقۋ – اعارتۋ مينيسترلىگىنىڭ توتە جەلىسى مەملەكەت بويىنشا قارجىلاي كومەك بەرۋ ساياساتتارى جونىندە كەڭەس سۇراعان جانە ماسەلەلەردى اشكەرەلەگەن تەلەفونداردى قابىلدايدى. مۇنان سىرت، ءارقايسى ولكەلەرگە (اۆتونوميالى رايون، توتە قاراستى قالا) جانە ورتالىقتاعى تاراۋلارعا قاراستى جوعارى مەكتەپتەر دە بىردەي ۋاقىتتا توتە جەلىلى تەلەفونىن اشقان. مۇندا، ولكە دارەجەلى توتە جەلىلى تەلەفوندار، باستىسى، جەرگىلىكتى ورىنداعى جوعارى مەكتەپتەردىڭ قارجىلاي كومەك بەرۋ شارالارى، جاسىل ءدالىز ساياساتى، ستۋدەنتتىڭ ءوز جەرىندە ستۋدەنتتىك نەسيە الۋى، ورتا، باتىس بولىكتەگى جاڭا قابىلدانعان ستۋدەنتتەرگە قارجىلاي كومەك بەرۋ قاتارلى ساياساتتار تۋرالى كەڭەس بەرەدى؛ ورتالىقتاعى تاراۋلارعا قاراستى جوعارى مەكتەپتەردىڭ توتە جەلىلى تەلەفونى، باستىسى، مەكتەپ تۇرعان جەردە ستۋدەنتتەرگە مەملەكەت جاعىنان بەرىلەتىن نەسيە، جاسىل ءدالىز ساياساتى، مەكتەپ اۋلاسىنداعى سيلىق قاراجاتى مەن كومەك قاراجاتى قاتارلىلارعا قاتىستى كەڭەس بەرەدى. جاڭا قابىلدانعان ستۋدەنتتەردىڭ وزدەرىنىڭ ءىس جۇزىندىك قاجەتىنە قاراي، باعىتتامالى تۇردە تاڭداپ حابارلاسۋىنا بولادى.

جازدىق دەمالىس تاياپ قالدى، وقۋ – اعارتۋ تاراۋلارى بارشا ستۋدەنتتەرگە ينتەرنەتتەن پايدالانعان الدامكوستىكتەن ساقتانۋدى، زالالدى ”مەكتەپ اۋلاسىنداعى قارىزدان“ ساق بولۋدى ەسكەرتەدى، بەيمالىم، كۇماندى كەلتە حاتتاردى، تەلەفوندى، ۋيشيندا دوسقا قوسۋ ءوتىنىشىن قابىلداعان كەزدە، ”جاۋاپ قايتارماۋ، تەلەفون قابىلداماۋ، ەلەمەۋ، اقشا جوتكەمەۋ“ قاجەت، ەكونوميكالىق قيىنشىلىق ماسەلەسىن شەشىم ەتۋدىڭ ەڭ حاۋىپسىز، ەڭ سەنىمدى ءتاسىلى — اتا – انادان، وقىتۋشىلاردان جانە مەكتەپتەن كومەك سۇراۋ. (ءتىلشى: حۋ مىڭشۋە، ياڭ جانفەي)

كەلۋ قاينارى: حالىق تورابى