شاندۇڭ ولكەلىك پارتكومنىڭ 13 ـ شارلاۋ گرۋپپاسىنىڭ بۇرىنعى باستىعى يۋە دىچۋان ءبىرىنشى سوتتا 12 جىلدىق قاماق جازاسىنا ۇكىم ەتىلدى

2024 – جىلى 6 – ايدىڭ 26 - كۇنى دىجوۋ قالالىق ورتا دارەجەلى حالىق سوت مەكەمەسى شاندۇڭ ولكەلىك پارتكومنىڭ 13 – شارلاۋ گرۋپپاسىنىڭ بۇرىنعى باستىعى يۋە دىچۋاننىڭ پارا الۋ دەلوسىنا ءبىرىنشى سوتتا اشىق ۇكىم شىعاردى. ايىپكەر يۋە دىچۋاندى پارا الۋ قىلمىسى بويىنشا 12 جىلدىق مەرزىمدى قاماۋ جازاسىنا ۇكىم ەتتى، وعان قوسا 2 ميلليون يۋان اقشالاي ايىپ سالدى، دەلوعا قاتىستى پارا العان مال - مۇلىك پەن ونىڭ ءوسىمىن پەشەتتەپ، ۇستاپ قالىپ، زاڭ بويىنشا ءمۇسادىرالاپ، مەملەكەت قازىناسىنا تاپسىردى.

تەكسەرۋ ارقىلى مىنالار انىقتالدى: 2010 - جىلدىڭ سوڭعى جارىمىنان 2023 – جىلى 6 – ايعا دەيىن ايىپكەر يۋە دىچۋان زاۋجۋاڭ قالاسى شۋەچىڭ رايوندىق پارتكومنىڭ شۋجيى، دۇڭيىڭ قالالىق پارتكومنىڭ تۇراقتى مۇشەسى، قالالىق ءتارتىپ تەكسەرۋ كوميتەتىنىڭ شۋجيى، يانتاي قالالىق پارتكومنىڭ تۇراقتى مۇشەسى، قالالىق ءتارتىپ تەكسەرۋ كوميتەتىنىڭ شۋجيى، قالالىق باقىلاۋ كوميتەتىنىڭ مەڭگەرۋشىسى، ولكەلىك پارتكومنىڭ 13 - شارلاۋ گرۋپپاسىنىڭ گرۋپپا باستىعى قاتارلى قىزمەتتەردى وتەگەن كەزىندە قىزمەت قولايلىلىعىنان جانە قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ، باسقا مەملەكەت قىزمەتكەرلەرىنىڭ قىزمەت مىندەتى جاعىنداعى ارەكەتى ارقىلى قاتىستى ورىندار مەن جەكەلەرگە جەر جوباسىن رەتتەۋ، نىساندى كوتەرەگە الۋ سياقتى جاقتاردا كومەك كورسەتىپ، باسقالاردىڭ بەرگەن مال - مۇلكىن زاڭسىز قابىلداعان، جالپى سوماسى 21 ميلليون 160 مىڭ يۋاننان اسقان.

دىجوۋ قالالىق ورتا دارەجەلى حالىق سوت مەكەمەسى بىلاي دەپ قارادى؛ ايىپكەر يۋە دىچۋاننىڭ ارەكەتى پارا الۋ قىلمىسىن قالىپتاستىرادى، ونىڭ ۇستىنە سوماسى توتەنشە قوماقتى، زاڭ بويىنشا جازالانۋ كەرەك. ونىڭ سوتقا كەلگەننەن كەيىن ءوز قىلمىسىن قاز - قالپىندا مويىنداۋى، دەلو ءبىر جاقتى ەتۋ ورگانى ءالى يگەرمەگەن كوپ ساندى پارا الۋ قىلمىس فاكتىلەرىن ىرىقتىلىقپەن تاپسىرۋى، قىلمىسىن تانىپ، وكىنگەنى، زاڭعا قايشى تابىسىن ىرىقتىلىقپەن قايتارعانى قاتارلىلارعا قاراي زاڭدا بەلگىلەنگەن جەڭىل جازا بەرۋ جايتتەرى بويىنشا جازا جەڭىلدەتىلدى. ول قىلمىسىن مويىنداپ، جازاعا موينسال بولعاندىقتان، زاڭ بويىنشا كەڭشىلىكپەن ءبىرجاقتى ەتۋگە بولادى. سونىمەن سوت مەكەمەسى جوعارىداعىداي ۇكىم شىعاردى.

كەلۋ قاينارى: حالىق تورابى