شينجياڭدا استىق ساتاتىن جۇرتشىلىقتىڭ ”ۇزاق وشىرەتكە تۇرۋ“ ماسەلەسى ارناۋلى تۇردە جونگە سالىنادى

انار بۇلت \ شينجياڭ گازەتىنىڭ ءتىلشىسى ليۋ ي حابارلايدى. ءتىلشىنىڭ 6 – ايدىڭ 24 – كۇنى شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى اشقان جازدىق استىقتى ساتىپ الۋ ساياساتىن ءتۇسىندىرۋ جونىندەگى اقپار جاريالاۋ ماجىلىسىنەن ۇعىسۋىنشا، بيىل جازداعى استىقتى ساتىپ الۋ مەزگىلىندە، شينجياڭدا استىق ساتاتىن جۇرتشىلىقتىڭ ”ۇزاق وشىرەتكە تۇرۋ“ ماسەلەسىن ارناۋلى جونگە سالىپ، جۇرتشىلىقتىڭ استىق ساتۋىنىڭ قولايلى بولۋىنا، استىق ساتۋ بارىسىندا ريزا بولۋىنا، استىق ساتۋ بارىسىنىڭ ايقىن بولۋىنا شارت – جاعداي جاراتادى.

سۋرەتتە: 6 – ايدىڭ 16 – كۇنى، شينجياڭ ماكىت اۋدانى جينماي استىق – ماي ساتىپ الۋ شەكتى جاۋاپكەرشىلىك سەرىكتەستىگى قىزىل اۋات اۋىلدىق بولىمشە سەرىكتەستىگى ديقانداردىڭ ءبيدايىن رەسمي ساتىپ الا باستادى. جاۋ چياڭ فوتوسى

تانىستىرۋعا قاراعاندا، شينجياڭداعى استىق جانە زات زاپاس ساقتاۋعا جاۋاپتى ءار دارەجەلى تاراۋلارى استىق ساتاتىن جۇرتشىلىقتىڭ ”ۇزاق وشىرەتكە تۇرۋى“، ولاردىڭ استىعىنىڭ دارەجەسى مەن باعاسىن تومەندەتۋ، ارالاسپا زاتتاردىڭ مولشەرىن ارتىق باعالاۋ، سونداي – اق، استىق ساتۋشىلاردىڭ اقشاسىن كەشەۋىلدەتۋ، اقشا تولەمەي تالون بەرە تۇرۋ قاتارلى ماسەلەلەرگە نازاردى شوعىرلاندىرىپ، استىق ساتىپ الۋدى سايكەستىرۋ مەحانيزمىن اناعۇرلىم كەمەلدەندىرىپ، وڭىرلەر ارا، تاراۋلار ارا، ساتىلار ارا، نەگىزگى تۇلعالار ارا سايكەسە ارەكەتتەنۋدى كۇشەيتىپ، اتىز باسىنا جانە استىق ساتىپ الۋ ءبىرىنشى شەبىنە ىشكەرىلەي بارىپ، استىق ساتاتىن ديقاندار، استىق ساتىپ الاتىن كاسىپورىندار، نەگىزگى ساتىداعى تاراۋلار قاتارلى ءتۇرلى جاقتاردىڭ ۇسىنىس – پىكىرلەرىن كەڭىنەن تىڭداپ، استىق ساتىپ الۋعا قاتىستى ساياساتتىق شارالاردى ۇزدىكسىز كەمەلدەندىرىپ، جازدىق استىقتى ساتىپ الۋ بارىسىندا بايقالعان ءىس جۇزىندىك ماسەلەلەردى دەر كەزىندە سايكەسىپ شەشىم ەتەدى.

كەلۋ قاينارى: حالىق تورابى