”بۇكىل حالىق بولىپ الدامكوستىككە قارسى تۇرۋ ارەكەتى“ جونىندەگى شوعىرلى ۇگىت جۇرگىزۋ ايى قيمىلى باستالدى 

حالىق گازەتىنىڭ ءتىلشىسى جاڭ تيانپەي 6 – ايدىڭ 24 – كۇنى بەيجيڭنەن حابارلايدى. ورتالىق كوميتەتتىڭ ۇگىت ءبولىمى مەن قوعام حاۋىپسىزدىگى مينيسترلىگى 6 – ايدىڭ 24 – كۇنى ”الدامكوستىكتىڭ جاڭا تاسىلدەرىنەن ساقتانىپ، تەلەكومنەن پايدالانعان الدامكوستىكتىڭ قۇرالىنا اينالىپ قالمايىق“ تاقىرىبىنداعى ”بۇكىل حالىق بولىپ الدامكوستىككە قارسى تۇرۋ ارەكەتى“ جونىندەگى شوعىرلى ۇگىت جۇرگىزۋ ايى قيمىلىن باستادى، الدامكوستىككە قارسى تۇرۋدى ۇگىتتەۋ تەبىنىن ۇزدىكسىز كۇشەيتىپ، جۇرتشىلىقتىڭ الدامكوستىكتەن ساقتانۋ جانە الدامكوستىكتى پارىقتاۋ قابىلەتىن شىنايى كۇشەيتىپ، بۇكىل حالىق الدامكوستىككە قارسى تۇراتىن، بۇكىل قوعامدا الدامكوستىككە قارسى تۇراتىن تەبىندى رايدى بەلسەندىلىكپەن قالىپتاستىرادى.

قيمىلداعى ورنالاستىرۋعا ساي، جەر – جەردەگى تاراۋلار بۇكىل ەلىمىز كولەمىندە تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنان ساقتانۋدى ”الەۋمەتتىك اۋماقتارعا جەتكىزۋ، اۋىل – قىستاققا جەتكىزۋ، وتباسىلارعا جەتكىزۋ، مەكتەپتەرگە جەتكىزۋ، كاسىپورىندارعا جەتكىزۋ“ سىندى ”بەسكە جەتكىزۋ“ قيمىلىن ۇيىمداستىرىپ ورىستەتىپ، سول جەردىڭ، سول سالانىڭ ەرەكشەلىگىمەن ۇشتاستىرا وتىرىپ، باعىتتامالى تۇردە ۇگىت جۇرگىزىپ، كاسىپورىندار مەن ساۋداگەرلەرگە، قازىنا جانە ەسەپ قىزمەتكەرلەرىنە، ازامات جاسىنا تولماعاندارعا، قارتتارعا دالمە – ءدال ۇگىت جۇرگىزىپ، تەلەكوم مەن ينتەرنەتتەن پايدالاناتىن الدامكوستىكتىڭ تۇرلەرى مەن ەڭ جاڭا الدامكوستىك تاسىلدەرىنەن ءبىر توبىن شوعىرلى تۇردە جاريالاپ، جۇرتشىلىقتىڭ الدامكوستىكتى پارىقتاۋ، ودان ساقتانۋ تانىمى مەن قابىلەتىن اناعۇرلىم جوعارىلاتىپ، وزدەرىنىڭ زاڭدى ۇقىق – مۇددەلەرىن شىنايى قورعاۋىنا شارت – جاعداي ازىرلەيدى. سونىمەن بىرگە، تيپتىك دەلولاردى جاريالاۋ قاتارلى ءتۇرلى فورمالاردى قولدانىپ، دەلو ارقىلى زاڭدى ءتۇسىندىرىپ، دەلو ارقىلى زاڭدى جالپىلاستىرىپ، جۇرتشىلىقتى زاڭمەن جونگە سالۋ كوزقاراسى مەن ءوزىن قورعاۋ تانىمىن كۇشەيتۋگە، تەلەكوم مەن ينتەرنەتتەن پايدالانعان الدامكوستەردىڭ ”قۇرالىنا“ جانە ”قولقاناتىنا“ اينالىپ قالۋدان ساقتانۋعا جەتەلەيدى.

كەلۋ قاينارى: حالىق تورابى