قىزىل ءتۇستى ساقتىق دابىلى قاعىلدى! جەر بەتىنىڭ تەمپەراتۋراسى 81 گرادۋسقا جەتتى! بۇل جەر شۇعىل ەسكەرتۋ جاريالادى 

بىرنەشە كۇننەن بەرى، شينجياڭ تۇرپان قالاسىندا اۋا تەمپەراتۋراسى ۇزدىكسىز جوعارىلادى، كۇندىز ەڭ جوعارى تەمپەراتۋرا 40 گرادۋستان اسسا، جەر بەتىنىڭ تەمپەراتۋراسى اۋەلى 81 گرادۋسقا دەيىن جەتتى، جەرگىلىكتى اۋا رايى تاراۋلارى شىلىڭگىر ىستىقتان ساقتانۋدىڭ قىزىل ءتۇستى ساقتىق دابىلىن قاقتى.

6 – ايدىڭ 23 – كۇنى تۇستەن كەيىن ساعات 3 تە، شينجياڭ تۇرپان قالاسى جالىنتاۋ كورىنىس رايونىنىڭ ماڭىندا تەمپەراتۋرا 42 گرادۋسقا جەتىپ، شىجىعان ىستىقتا سول جەردەگى تەمپەراتۋرا ولشەۋ اسپابى جەر بەتىنىڭ تەمپەراتۋراسى 81 گرادۋسقا جەتكەنىن كورسەتتى. شىلىڭگىر ىستىق بولسا دا، ەلىمىزدىڭ جەر – جەرىنەن كەلگەن ساياحاتشىلاردىڭ سانى بارعان سايىن ارتتى، ساياحاتشىلار كۇندىك ۇستاۋ، قارا كوزىلدىرىك تاعۋ قاتارلى تاسىلدەرمەن كورىنىس رايونىندا سەيىلدەپ، سۋرەتكە ءتۇستى، كەيبىرەۋى شىلىڭگىر ىستىقتا قۇمعا جۇمىرتقا پىسىرۋدىڭ قىزىعىنا شومدى.

ساياحاتشىلاردىڭ بىرەۋى: مەن شىعىس سولتۇستىكتەن كەلدىم، جالىنتاۋعا ءبىرىنشى رەت كەلۋىم، جالىنتاۋدىڭ ىستىعىن كورەيىن دەپ كەلدىم، _ دەيدى.

جوعارى تەمپەراتۋرالى اۋا رايىنا توتەپ بەرۋ ءۇشىن، تۇرپان قالالىق اۋا رايى ستانسياسى جوعارى تەمپەراتۋرادان ساقتانۋعا جەتەكشىلىك ەتۋ شارالارىن جاريالاپ، دالادا قىزمەت ىستەيتىندەرگە، سىرتقا شىعاتىن قالا تۇرعىندارىنا جانە جەر – جەردەن كەلگەن ساياحاتشىلارعا دالادا ەڭبەك ىستەيتىن ۋاقىتتى نەمەسە ايالدايتىن ۋاقىتتى قىسقارتۋدى ەسكەرتتى. وسى رەتكى تۇرپانداعى جوعارى تەمپەراتۋرالى اۋا رايى مەجەمەن 7 – ايدىڭ 3 – كۇنىنە دەيىن جالعاسادى، ەڭ جوعارى تەمپەراتۋرا 45 گرادۋس اينالاسىنا جەتەدى.

كەلۋ قاينارى: حالىق تورابى