سىرتقى ىستەر مينيسترلىگى: جۇڭگو فيليپپيندى ۇقىققا قول سۇعۋ ارانداتۋشىلىعىن توقتاتۋعا قۋزايدى

شينحۋا اگەنتتىگىنىڭ 6 – ايدىڭ 24 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى ماۋ نيڭ 6 – ايدىڭ 24 - كۇنى بىلاي دەدى: جۇڭگو مەن فيليپپيننىڭ تەڭىزگە ساياتىن تالاس – تارتىسىنىڭ دۇرىس – بۇرىستىعى وتە ايقىن، جۇڭگو فيليپپيندى ۇقىققا قول سۇعۋ ارانداتۋشىلىعىن توقتاتۋعا، حالىقارالىق قوعامدى الجاستىرۋدى توقتاتۋعا قۋزايدى.

سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: تاياۋدا جۇڭگو مەن فيلليپپيننىڭ كەمەلەرى نانحاي تەڭىزىندە كوپ رەت تەڭىز شىرعالاڭىن تۋدىردى. كەشە فيليپپيننىڭ زۇڭتۇڭى ماركوس بىلاي دەدى: فيليپپين ءارقانداي ءبىر جاقتىڭ قورقىتۋىنان قورىقپايدى، ەشقانداي ەلگە باس يمەيدى. ول تاعى بىلاي دەدى: فيليپپين جاق حالىقارالىق زاڭ بويىنشا ءوزىنىڭ ەركىندىگى مەن ۇقىعىن جالعاستى جۇرگىزىپ، مەملەكەت مۇددەسىن قورعايدى. سىرتقى ىستەر مينيسترلىگى بۇل ساراپتاۋ جۇڭگوعا قاراتىلعان دەپ ەسەپتەي مە؟ جۇڭگو بۇعان قالاي جاۋاپ قايتارادى؟

ماۋ نيڭ بىلاي دەدى: جۇڭگو مەن فيليپپيننىڭ تەڭىزگە ساياتىن تالاس - تارتىسىنىڭ دۇرىس - بۇرىستىعى وتە ايقىن، جۇڭگو جاق تالاي رەت قاتىستى جاعدايلاردى تانىستىردى ءارى قاتاڭ تۇرعىسىن بايىمدادى. ەگەر فيليپپين جاق شىنىمەن حالىقارالىق زاڭ بويىنشا ءىس جۇرگىزۋدى قالاسا، وندا ەڭ اۋەلى فيلليپپين تەرريتورياسىنىڭ 1898 – جىلعى «ا ق ش - يسپانيا بەيبىتشىلىك شارتى» قاتارلى شارتتارداعى بەلگىلەمەلەرگە بويسۇنۋى، «نانحاي تەڭىزىندەگى ءارقايسى جاقتاردىڭ ارەكەت جارناماسىنا» بويسۇنۋى كەرەك. جۇڭگو جاق فيليپپين جاقتى ۇقىققا قول سۇعۋ ارانداتۋشىلىعىن توقتاتۋعا، حالىقارالىق قوعامدى الجاستىرۋدى توقتاتۋعا قۋزايدى.

كەلۋ قاينارى: حالىق تورابى